ആലപ്പുഴ: ആലപ്പുഴ എം.പി എ.എം ആരിഫിൻ്റെ കാർ അപകടത്തിൽപ്പെട്ടു. അപകടത്തിൽ എം.പിയുടെ കാലിന് പരിക്കേറ്റു. വ്യാഴാഴ്‌ച രാവിലെ ചേർത്തല കെ വി എം ആശുപത്രിക്കു മുന്നിലായിരുന്നു അപകടം. കാർ ട്രെയലറിന് പിന്നിൽ ഇടിക്കുകയായിരുന്നു. അപകട സമയത്ത് അദ്ദേഹം മാത്രമാണ് കാറിലുണ്ടായിരുന്നത്.
കാർ വെട്ടിപ്പൊളിച്ചാണ് ആരിഫിനെ പുറത്തെടുത്തത്. തുടർന്ന് അദ്ദേഹത്തെ ചേർത്തലയിലെ സ്വകാര്യ ആശുപത്രിയിൽ പ്രവേശിപ്പിച്ചു. കാലിനേറ്റ പരിക്ക് ഗുരുതരമല്ലെന്നാണ് വിവരം.
