ലഹരിക്കെതിരെ ജനമൈത്രി പോലീസ് സംഘടിപ്പിക്കുന്ന മള്‍ട്ടി മീഡിയ മെഗാ ഷോ നാളെ. തിരുവനന്തപുരം ഗാന്ധിപാര്‍ക്കിലാണ് ഷോ നടക്കുക. വൈകിട്ട് 6.30 ന് ഗാന്ധിപാര്‍ക്കിലെ ഓപ്പണ്‍ എയര്‍ ഓഡിറ്റോറിയത്തില്‍ വച്ചാണ് പരിപാടി.
പോലീസിൻ്റെ ലഹരിവിരുദ്ധ ക്യാമ്പയിനായ യോദ്ധാവിൻ്റെ ഭാഗമായാണ് പരിപാടി. കുട്ടികള്‍ക്കിടയില്‍ മയക്കുമരുന്നിൻ്റെ ഉപയോഗം, വിതരണം, വ്യാപനം എന്നിവ തടയുന്നതിനായി സംസ്ഥാനത്തൊട്ടാകെ പോലീസ് നടപ്പിലാക്കിയ പദ്ധതിയാണ് യോദ്ധാവ്.ഒരു മണിക്കൂര്‍ ദൈര്‍ഘ്യമുളള ലഹരിവിരുദ്ധ ബോധവത്ക്കരണ പരിപാടി ഗാനങ്ങളും ചെറുനാടകങ്ങളും നാടന്‍പാട്ടുകളും കോര്‍ത്തിണക്കിയാണ് ചിട്ടപ്പെടുത്തിയിരിക്കുന്നത്.
ജനമൈത്രി സ്റ്റേറ്റ് നോഡല്‍ ഓഫീസര്‍ കൂടിയായ ഡിഐജി ആര്‍ നിശാന്തിനിയുടെ നേതൃത്വത്തില്‍ ബഷീര്‍ മണക്കാട് എഴുതി പ്രമോദ് പയ്യന്നൂര്‍ സംവിധാനം ചെയ്ത മെഗാ ഷോയില്‍ പോലീസിലെ കലാകാരന്‍മാര്‍ അരങ്ങിലെത്തും.
