വടക്കൻ അയർലണ്ടിലെ ഇടതുപക്ഷ പുരോഗമന കലാ സാംസ്കാരിക സംഘടനയായ സമീക്ഷ ബെൽഫസ്റ്റ് കോടിയേരി ബാലകൃഷ്ണൻ അനുശോചന യോഗം സംഘടിപ്പിച്ചു. ബെലഫാസ്റ്റിലെ ഡൺമുറി കമ്മ്യൂണിറ്റി സെൻററിൽ വച്ചായിരുന്നു പരിപാടി. ജോബി അധ്യക്ഷനായ ചടങ്ങിൽ ബ്രാഞ്ച് സെക്രട്ടറി നെൽസൺ സ്വാഗതം പറഞ്ഞു. അലക്സാണ്ടർ അനുശോചന പ്രമേയം വായിച്ചു. സന്തോഷ് നിലമ്പൂർ കോടിയേരിയെക്കുറിച്ചുള്ള ഒരു കവിത ചൊല്ലി, പ്രീജോ നന്ദി പറഞ്ഞ യോഗത്തിൽ കോടിയേരിക്ക് മുദ്രാവാക്യം വിളികളോടെ ആദരാഞ്ജലികൾ അർപ്പിച്ചു.
സിപിഐ എം പോളിറ്റ് ബ്യൂറോ അംഗമായ കോടിയേരി ഒക്‌ടോബർ 1 ശനിയാഴ്ച രാത്രി 8:30 ഓടെയാണ്‌ അന്തരിച്ചത്. അർബുദബാധയെ തുടർന്ന് ചെന്നൈ അപ്പോളോ ആശുപത്രിയിൽ ചികിത്സയിൽ ഇരിക്കെയാണ് അന്തരിച്ചത്.
