ഭാരത് ജോഡോ യാത്രക്കിടയിൽ വീണ്ടും പോക്കറ്റടി. ആലപ്പുഴ ഡിസിസി പ്രസിഡന്റ് ബാബു പ്രസാദിൻ്റെ പോക്കറ്റിൽ നിന്നും അയ്യായിരം രൂപയാണ് യാത്രക്കിടയിൽ മോഷണം പോയത്. പണം കവറിലിട്ട് പോക്കറ്റിൽ സൂക്ഷിച്ചതായിരുന്നു. ഭാരത് ജോഡോ യാത്രക്ക് ആലപ്പുഴ കൃഷ്ണപുരത്ത് ഡിസിസി സ്വീകരണം നല്കുന്നതിനിടയിലായിരുന്നു സംഭവം.
ഭാരത് ജോഡോ യാത്രയ്ക്കിടെ നേരത്തെയും പോക്കറ്റടി റിപ്പോർട്ട് ചെയ്തിരുന്നു. തിരുവന്തപുരത്തെ ജാഥയിൽ രാഹുൽ ഗാന്ധിയെ കാത്തുനിന്നവരുടെ പണമാണ് ആദ്യം മോഷണം പോയത്. തമിഴ്നാട് സ്വദേശികളായ നാലംഗ സംഘമാണ് തിരുവനന്തപുരത്ത് മോഷണം നടത്തിയിരുന്നത്. പോക്കറ്റടി സംഘത്തെ പോലീസ് തിരിച്ചറിഞ്ഞിട്ടുണ്ട്.
