രാജ്യത്ത് ആത്മഹത്യാ നിരക്കിൽ കേരളം മൂന്നാമത്

രാജ്യത്ത് ആത്മഹത്യ നിരക്കിൽ കേരളം മൂന്നാം സ്ഥാനത്ത്. കഴിഞ്ഞ 5 വർഷത്തിനിടയിൽ ആത്മഹത്യാ നിരക്ക് 21.3 ശതമാനമായി വർധിച്ചെന്നും കണക്കുകൾ ചൂണ്ടിക്കാട്ടുന്നു. 20 നും 45 വയസ്സിനും ഇടയിലുള്ള പുരുഷൻമാരാണ് ഏറ്റവും കൂടുതൽ ആത്മഹത്യ ചെയ്യുന്നത്. ക്രൈം റെക്കോർഡ് ബ്യുറോയുടെ കണക്കനുസരിച്ച് കഴിഞ്ഞ 5 വർഷത്തിനിടയിൽ കേരളത്തിലെ ആത്മത്യാ നിരക്കിൽ വമ്പിച്ച വർധനവാണ് രേഖപ്പെടുത്തിയിട്ടുള്ളത്. മൂന്ന് പുരുഷൻമാരിൽ ഒരു സ്ത്രീ എന്നാണ് കണക്ക്.അതായത് ഏറ്റവും കൂടുതൽ ആത്മഹത്യ ചെയ്യുന്നത് പുരുഷൻമാരാണ് എന്നർത്ഥം. ഇതിൽ തന്നെ വിവാഹിതരായ പുരുഷൻമാരാണ് ഏറ്റവും കൂടുതൽ അത്മഹത്യ ചെയ്യുന്നത്. 2017 – 7870 പേരാണ് സംസ്ഥാനത്ത് ആത്മഹത്യ ചെയ്തതെങ്കിൽ 2018ൽ അത് 8237 ആണ്, 2019 ൽ 8556, 2020 ൽ 8500, 2021 ൽ 9549 എന്നിങ്ങനെയാണ് കണക്ക്.