അപ്പോൾ സിപിഐ എം സമൂഹത്തോട്‌ പറയുന്നത്‌ ഗൗരവത്തിൽ കാണാൻ നാം നിർബന്ധിതരായിരിക്കുന്നു

സിപിഐ എം വിമർശനത്തിന് വിധേയമാകുന്നതും ആ പാർട്ടിയുടെ പോരായ്മകൾ ചൂണ്ടിക്കാണിക്കാൻ മാധ്യമജാ​ഗ്രത ഉണ്ടാകുന്നതും ഒരിക്കലും തെറ്റല്ല. പലപ്പോഴും നമുക്ക് തിരിച്ചറിയാനാകുന്നതുപോലെ പോസിറ്റീവായ വിമർശനങ്ങളല്ല കേരളത്തിൽ മുഖ്യധാര എന്നവകാശപ്പെടുന്ന മാധ്യമങ്ങളുയർത്തുന്നത്. ഇടതുപക്ഷം ആക്രമിക്കപ്പെടണം വിശിഷ്യാ സിപിഐ(എം) വേട്ടയാടപ്പെടണം എന്ന മാധ്യമ മുതലാളി താൽപര്യം അപകടകരമാണ്. ഈ അപകടം ഇവിടുത്തെ പത്ര– ദൃശ്യ മാധ്യമങ്ങൾ കൈകാര്യം ചെയ്യുന്നതുകൊണ്ടാണ് സിപിഐ(എം) പലപ്പോഴും മാധ്യമമുതലാളി താൽപര്യത്തിനെതിരെ അതിശക്തമായ നിലപാട് പരസ്യമായി കൈക്കൊള്ളുന്നതും.