ലോസ് ആഞ്ജലിസ്: 95-ാം ഓസ്‌കറിൽ ഇത്തവണ ഇന്ത്യയ്ക്ക് ചരിത്ര നേട്ടം. ഇരട്ടി സന്തോഷമാണ് ദ എലഫന്റ് വിസ്പറേഴ്‌സ് എന്ന ഹ്രസ്വ ചിത്രത്തിലൂടെയും നാട്ടു നാട്ടു ഗാനത്തിലൂടെയും കൈവന്നത്. ദ എലഫന്റ് വിസ്പറേഴ്‌സ് മികച്ച ഡോക്യുമെന്ററി ഹ്രസ്വചിത്രമായി തെരഞ്ഞെടുത്തപ്പോൾ ആർആർആറിലെ നാട്ടു നാട്ടു ഗാനം മികച്ച ഒറിജിനൽ സംഗീത വിഭാഗത്തിൽ പുരസ്‌കാരം നേടി. കാർത്തികി ഗോൾസാൽവേസ് ആണ് ദ എലഫന്റ് വിസ്പറേഴ്‌സ് സംവിധാനം ചെയ്തത്. ഗുനീത് മോംഗയാണ് നിർമാണം. അനാഥനായ ഒരു ആനക്കുട്ടിയും അതിന്റെ സംരക്ഷകരായ ആദിവാസി ദമ്പതികളും തമ്മിലുള്ള ബന്ധമാണ് ചിത്രത്തിൻ്റെ പ്രമേയം.
എം.എം കീരവാണി സംഗീതസംവിധാനം നിർവഹിച്ച നാട്ടു നാട്ടു ഗാനത്തിന് വരികൾ എഴുതിയത് ചന്ദ്രബോസാണ്. ഇരുവരും പുരസ്‌കാരം ഏറ്റുവാങ്ങി. എ.ആർ റഹ്മാൻ-ഗുൽസാർ ( 2008, സ്ലം ഡോഗ് മില്ല്യണയർ) ജോഡിയുടെ നേട്ടത്തിന് ശേഷം ഇതാദ്യമായാണ് മികച്ച ഒറിജിനൽ സോങ്ങിനുള്ള പുരസ്‌കാരം ഇന്ത്യയിലേക്കെത്തുന്നത്. ഡാനിയേൽ ക്വാൻ, ഡാനിയേൽ ഷൈനർട്ട് സംവിധാനം ചെയ്ത എവരിതിങ് എവരിവേർ ഓൾ അറ്റ് വൺസ് ആണ് മികച്ച ചിത്രം.
പുരസ്‌കാര ജേതാക്കൾ;
മികച്ച ചിത്രം- എവരിതിങ് എവരിവേർ ഓൾ അറ്റ് വൺസ് ( ഡാനിയേൽ ക്വാൻ, ഡാനിയേൽ ഷൈനർട്ട്)
മികച്ച സംവിധാനം- ഡാനിയേൽ ക്വാൻ, ഡാനിയേൽ ഷൈനർട്ട് (എവരിതിങ് എവരിവേർ ഓൾ അറ്റ് വൺസ്)
മികച്ച നടി- മിഷേൽ യോ (എവരിതിങ് എവരിവേർ ഓൾ ഏറ്റ് വൺസ്)
മികച്ച നടൻ- ബ്രെൻഡൻ ഫ്രാസെർ (ദ വെയ്ൽ) മികച്ച എഡിറ്റിങ്- എവരിതിങ് എവരിവേർ ഓൾ അറ്റ് വൺസ്
മികച്ച സൗണ്ട് റെക്കോഡിങ്- ടോപ് ഗൺ മാർവറിക്
മികച്ച തിരക്കഥ (ഒറിജിനൽ)- ഡാനിയേൽ ക്വാൻ, ഡാനിയേൽ ഷൈനർട്ട് (എവരിതിങ് എവരിവേർ ഓൾ അറ്റ് വൺസ്)
മികച്ച തിരക്കഥ (അഡാപ്റ്റഡ്)- സാറാ പോളെ (വുമൺ ടോക്കിങ്)
മികച്ച ഒറിജിനൽ സോങ്- ആർആർആർ (എം.എം കീരവാണി, ചന്ദ്രബോസ്)
മികച്ച ഡോക്യുമെന്ററി ഹ്രസ്വചിത്രം- ദ എലിഫന്റ് വിസ്പറേഴ്‌സ് (കാർത്തികി ഗോൾസാൽവേസ്, ഗുനീത് മോംഗ)
മികച്ച വിഷ്വൽ എഫക്റ്റ്‌സ് -അവതാർ ദ വേ ഓഫ് വാട്ടർ
മികച്ച പ്രൊഡക്ഷൻ ഡിസൈൻ- ഓൾ ക്വയറ്റ്ഓൺ ദവെസ്റ്റേൺ ഫ്രണ്ട്
മികച്ച ഹ്രസ്വചിത്രം (ആനിമേറ്റഡ്)- ദ ബോയ്, ദ മോ, ദ വോക്‌സ് ആന്റ് ഹോഴ്‌സ്
മികച്ച ഒറിജിനൽ സ്‌കോർ- വോക്കർ ബെർട്ടെൽമാൻ
മികച്ച ആനിമേറ്റഡ് സിനിമ- പിനോക്കിയോ
മികച്ച ഡോക്യുമെന്ററി ഫീച്ചർ ചിത്രം- നവാൽനി
മികച്ച ഛായാഗ്രഹണം- ജെയിംസ് ഫ്രണ്ട് (ഓൾ കൈ്വറ്റ് വെസ്റ്റേൺ ഫ്രണ്ട്)
മികച്ച മേക്ക് അപ്പ് ആന്റ് ഹെയർ സ്റ്റെൽ- അഡ്‌റിയെൻ മോറോട്ട്
മികച്ച കോസ്റ്റിയൂം ഡിസൈൻ- റുത്ത് കാർട്ടർ (ബ്ലാക്ക് പാന്തർ)
