പാർട്ടി സീറ്റ് നൽകുന്നില്ലെന്ന് ആരോപിച്ച് ആം ആദ്മി പാർട്ടി മുൻ കൗൺസിലറുടെ ആത്മഹത്യ ഭീഷണി. ആംആദ്മിയുടെ മുൻ കൗൺസിലർ ഹസീബ് ഉൾ ഹസനാണ് ആത്മഹത്യ ഭീഷണി മുഴക്കിയത്. ഡൽഹിയിലെ ശാസ്ത്രി പാർക്ക് മെട്രോ സ്റ്റേഷന് മുന്നിലുള്ള ഹൈടെൻഷൻ വൈദ്യൂതി ടവറിൽ കയറിയിരുന്നാണ് ഹസീബ് പാർട്ടിയെ പ്രതിരോധത്തിലാക്കിയത്.
വരാനിരിക്കുന്ന ഡൽഹി നഗരസഭാ തിരഞ്ഞെടുപ്പിൽ മത്സരിക്കാൻ ടിക്കറ്റ് നൽകിയില്ലെന്നും ഇതേത്തുടർന്നാണ് ആത്മഹത്യാ ഭീഷണി മുഴക്കി വൈദ്യുതി ടവറിന് മുകളിൽ കയറിയതെന്നും ഹസീബ് പറഞ്ഞു. അതേ സമയം ഡൽഹി എംസിഡി തിരഞ്ഞെടുപ്പിനുള്ള 134 സ്ഥാനാർത്ഥികളുടെ ആദ്യ പട്ടിക എഎപി പുറത്തുവിട്ടു.
