ജമ്മുകശ്മീരിൽ ഉധംപൂരിൽ സ്ഫോടനം. നിർത്തിയിട്ടിരുന്ന ബസിനകത്താണ് സ്ഫോടനമുണ്ടായത്. സ്‌ഫോടനത്തിൽ ആർക്കും പരിക്കില്ല. കശ്മീർ സ്ഫോടനങ്ങളുടെ പശ്ചാത്തലത്തിൽ ദില്ലിയിൽ സുരക്ഷ ശക്തമാക്കിയിട്ടുണ്ട്. ദില്ലി പോലീസ് കമ്മീഷണർമാരുടെ നേതൃത്വത്തിൽ വിവിധ മേഖലകളിൽ റൂട്ട് മാർച്ച് നടത്തി. പ്രശ്ന ബാധിത മേഖലകളിൽ കൂടുതൽ ഉദ്യോഗസ്ഥരെ വിന്യസിച്ചുവെന്നും ദില്ലി പോലീസ് അറിയിച്ചു.
എട്ട് മണിക്കൂറിനിടെ ഇന്നലെ ജമ്മുഷ്മീർ ഉധംപൂരിൽ നടന്നത് രണ്ട് സ്ഫോടനങ്ങളാണ്. 10:45 ന് ദോമെയിൽ ചൗക്കിലാണ് ആദ്യ സ്ഫോടനം നടന്നത്. പെട്രോൾ പമ്പിന് സമീപത്ത് നിർത്തിയിട്ട ബസിലായിരുന്നു സ്ഫോടനം. സ്‌ഫോടനത്തിൽ രണ്ടുപേർക്ക് പരുക്കേറ്റു. എന്നാൽ പരിക്കേറ്റവരുടെ നില ഗുരുതരമല്ലെന്ന് പോലീസ് പറഞ്ഞു.
