കോൺഗ്രസിൽ ചേരില്ലെന്ന് വ്യക്തമാക്കി പ്രഗതിശിൽ സമാജ്‌വാദി പാർട്ടി നേതാവ് ശിവ്പാൽ സിങ് യാദവ്. താൻ കോൺഗ്രസിൽ ചേരുമെന്ന വാർത്തകൾ വ്യാജമാണ്. അടുത്ത പൊതു തെരഞ്ഞെടുപ്പിൽ പ്രതിപക്ഷ പാർട്ടികളെ ശക്തിപ്പെടുത്താനാണ് താൻ ശ്രമിക്കുന്നതെന്നും ശിവപാൽ സിങ് വ്യക്തമാക്കി. പ്രഗതിശിൽ സമാജ്‌വാദി പാർട്ടി ഉത്തർപ്രദേശ് സംസ്ഥാന അധ്യക്ഷനായ ശിവ്പാൽ സിങ് ജസ്വന്ത്‌നഗറിൽ നിന്നുള്ള നിയമസഭാ സാമാജികനാണ്.
ഇപ്പോൾ ഞങ്ങൾ സഖ്യകക്ഷികളായി പരസ്പരം കാണുന്നില്ല. ഞങ്ങൾ വേർപിരിഞ്ഞു. ഇപ്പോൾ സ്വന്തം പാർട്ടിയെ വളർത്താനാണ് ശ്രമിക്കുന്നത്. അതിന്റെ ഉത്തരവാദിത്വം യുവനേതാക്കൾക്ക് നൽകിയെന്നും ശിവ്പാൽ സിങ് യാദവ് പറഞ്ഞു.
