മഹാരാഷ്ട്ര തീരത്ത് ആയുധങ്ങളുമായി ബോട്ട് കണ്ടെത്തി

എ.കെ 47 തോക്കുകളും വെടിയുണ്ടകളും അടക്കമുള്ള ആയുധങ്ങളുമായി മഹാരാഷ്ട്രയിലെ റായ്ഗഡ് തീരത്ത് ബോട്ട് കണ്ടെത്തി. റായ്ഗഡ് ജില്ലയിലെ ഹരിഹരേശ്വർ തീർത്താണ് ബോട്ട് കണ്ടെത്തിയത്. ഇതിനെത്തുടർന്ന് മഹാരാഷ്ട്രയിലെങ്ങും പോലീസ് ജാഗ്രതാ നിർദേശം നൽകിയിട്ടുണ്ട്. എ കെ 47 തോക്കുകൾ കണ്ടെത്തിയതായി പോലീസ് സ്ഥിരീകരിച്ചിട്ടുണ്ട്. എന്നാൽ ഇതിനെ സംബന്ധിച്ച കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല. ഓസ്‌ട്രേലിയയില്‍ നിര്‍മ്മിച്ച ബോട്ടാണ് പോലീസ് പിടിച്ചെടുത്തതെന്നാണ് പുറത്തുവരുന്ന വിവരം. ഹരിഹരേശ്വർ തീരത്തേക്ക് വരുന്ന വിവരം ബോട്ടിലുള്ളവർ കോസ്റ്റ് ഗാർഡിനെ അറിയിച്ചിരുന്നില്ല. വിവരം ലഭിച്ചതിനെ തുടർന്ന് മഹാരാഷ്ട്ര തീവ്രവാദ വിരുദ്ധ സ്‌ക്വാഡ് റായ്‌ഗഡിലേക്ക് തിരിച്ചു.