മധ്യപ്രദേശിൽ കാണാതായ മലയാളി സൈനികൻ്റെ മൃദതേഹം കണ്ടെത്തി. കരസേനയിൽ ക്യാപ്റ്റനായിരുന്ന നിർമ്മൽ ശിവരാജിൻ്റെ മൃതദേഹമാണ് കണ്ടെത്തിയത്. ഓഗസ്റ്റ് പതിനഞ്ചിന് മധ്യപ്രദേശിലെ ജബൽപുരിൽ നിന്ന് ജോലി സ്ഥലത്തേക്ക് കാറിൽ പോയ നിർമൽ ശിവരാജിനെ കുറിച്ച് പിന്നീട് വിവരങ്ങളൊന്നും ഉണ്ടായിരുന്നില്ല. പൂർണമായി തകർന്ന നിലയിൽ നിർമ്മൽ ശിവരാജിൻ്റെ കാർ ഇന്നു രാവിലെ കണ്ടെത്തിയിരുന്നു. നിർമ്മൽ ശിവരാജ് പ്രളയത്തിൽ പെട്ടുപോയിരിക്കാം എന്നാണ് നിലവിലെ കണക്കുകൂട്ടൽ.
ജപാൽപൂരിൽ ലെഫ്റ്റനന്റായി ജോലി ചെയ്യുന്ന നിർമ്മലിന്റെ ഫോൺ ലൊക്കേഷൻ അവസാനമായി കണ്ടെത്തിയത് നർമ്മദാപുരത്തെ ബച്ച്വാര ഗ്രാമത്തിലാണ്. തുടർന്ന് നടത്തിയ തെരച്ചിൽ നിർമ്മൽ ശിവരാജിൻ്റെ മൃതദേഹവും കണ്ടെത്തുകയായിരുന്നു. നിർമ്മൽ ശിവരാജ് എറണാംകുളം മാമംഗലം സ്വദേശിയാണ്. ഗോപി ചന്ദ്രയാണ് ജീവിത പങ്കാളി.
