മലയാളികളുടെ പ്രിയപ്പെട്ട താരം ഇന്ദ്രൻസ് കേന്ദ്ര കഥാപാത്രത്തിലെത്തുന്ന പുതിയ ചിത്രമാണ് നൊണ. രാജേഷ് ഇരുളം സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറ പ്രവർത്തകർ പങ്കുവെച്ചു. ഹേമന്ത്കുമാർ ആണ് ചിത്രത്തിന്റെ രചന നിർവ്വഹിക്കുന്നത്. രാജേഷ് ഇരുളം തന്നെയാണ് ചിത്രത്തിന്റ എഡിറ്റിംഗ് നിർവഹിക്കുന്നത്.
റെജി ഗോപിനാഥാണ് സംഗീത സംവിധാനം. പോൾ ബത്തേരിയാണ് ചിത്രത്തിന്റെ ഛായാഗ്രാഹണം. ഗാനരചന സിബി അമ്പലപ്പുറം ആണ്. ഇന്ദ്രൻസിന്റേതായി ഒടുവിൽ തീയേറ്ററിൽ എത്തിയത് ‘ആനന്ദം പരമാനന്ദം’ എന്ന ചിത്രമാണ്. ഷാഫി സംവിധാനം ചെയ്യുന്ന ചിത്രത്തിൽ ഷറഫുദ്ദീൻ നായകനായി. ‘തിങ്കളാഴ്ച്ച നിശ്ചയം’ ഫെയിം അനഘ നാരായണൻ നായികയായി. എം സിന്ധുരാജിന്റെ തിരക്കഥയിൽ ഒരുങ്ങിയ ചിത്രം ഫാന്റസിയുടെ അകമ്പടിയോടെയുള്ള ഫാമിലി ഹ്യൂമറാണ്.
https://www.facebook.com/indrans.actor/posts/714195400077234
