തമിഴിൽ നിന്ന് വിജയ് ചിത്രം വാരിസും അജിത്ത് ചിത്രം തുനിവും ഈ ആഴ്ചയിൽ എത്തുന്ന ചിത്രങ്ങളാണ്. ആരാധകർ ആവേശത്തോടെ കാത്തിരിക്കുന്ന ഈ ചിത്രങ്ങൾക്ക് പിന്നാലെ നന്ദമുറി ബാലകൃഷ്ണയുടെ വീര സിംഹ റെഡ്ഡിയും പ്രദർശനത്തിനൊരുങ്ങുന്നു എന്ന വാർത്തയാണ് പുറത്ത് വരുന്നത്. ചിത്രത്തിന്റെ സെൻസറിംഗ് പൂർത്തിയായി. ബാലയ്യ സ്‌റ്റൈൽ ആക്ഷൻ രംഗങ്ങൾ കൊണ്ട് സമ്പന്നമായ ചിത്രത്തിന് യു/ എ സർട്ടിഫിക്കറ്റ് ആണ് ലഭിച്ചിരിക്കുന്നത്.
ശ്രുതി ഹാസൻ നായികയാവുന്ന ചിത്രത്തിൽ മലയാളത്തിൽ നിന്ന് ഹണി റോസും ലാലും പ്രധാന വേഷത്തിലെത്തുന്നുണ്ട്. വരലക്ഷ്മി ശരത്കുമാർ, ദുനിയ വിജയ്, പി രവി ശങ്കർ, ചന്ദ്രികാ രവി, അജയ് ഘഓഷ്, മുരളി ശർമ്മ തുടങ്ങിയവരും താരനിരയിലുണ്ട്. കുർണൂൽ ആയിരുന്നു സിനിമയുടെ പ്രധാന ലൊക്കേഷൻ. ബിഗ് ബജറ്റിലാണ് ചിത്രം ഒരുങ്ങുന്നത്. തെലുങ്കിലെ പ്രമുഖ നിർമ്മാണ കമ്പനിയായ മൈത്രി മൂവി മേക്കേഴ്‌സിന്റെ ബാനറിൽ നവീൻ യെർനേനിയും രവി ശങ്കർ യലമൻചിലിയും ചേർന്നാണ് ചിത്രത്തിൻറെ നിർമ്മാണം.
സംഗീതം തമൻ എസ്, ഛായാഗ്രഹണം റിഷി പഞ്ചാബി, എഡിറ്റിംഗ് നവീൻ നൂലി, സംഘട്ടനം റാം- ലക്ഷ്മൺ, വി വെങ്കട്, പ്രൊഡക്ഷൻ ഡിസൈനർ എ എസ് പ്രകാശ്. സംഭാഷണങ്ങൾ ഒരുക്കിയിരിക്കുന്നത് സായ് മാധവ് ബുറയാണ്. ജനുവരി 12 ന് ചിത്രം തിയറ്ററുകളിൽ എത്തും. ചിത്രത്തിന്റെ രചനയും സംവിധാനവും ഗോപിചന്ദ് മലിനേനിയാണ്.
It's U/A for #VeeraSimhaReddy💥💥
All set to Roar in Theatres from Jan 12 🔥🔥🔥#VeeraSimhaReddyOnJan12th
Natasimham #NandamuriBalakrishna @megopichand @shrutihaasan @varusarath5 @ramjowrites @MusicThaman @RishiPunjabi5 @SonyMusicSouth pic.twitter.com/6OnXQvYcTR
— Mythri Movie Makers (@MythriOfficial) January 9, 2023
