മണികണ്ഠൻ ആചാരിയും മെറീന മൈക്കിൾ, അഞ്ജലി നായർ ഒന്നിക്കുന്ന ചിത്രം രണ്ടാംമുഖത്തിന്റെ പുതിയ പോസ്റ്റർ പുറത്ത് വിട്ടു. കൃഷ്ണജിത്ത് എസ് വിജയൻ സംവിധാനം ചെയ്യുന്ന ചിത്രം യു കമ്പനിയുടെയും കണ്ടാ ഫിലിംസിന്റെയും ബാനറുകളിൽ കെ ടി രാജീവും കെ ശ്രീവർമ്മയും സംയുക്തമായാണ് നിർമ്മിക്കുന്നത്. ഈ മാസം ആവസാനം ചിത്രം പ്രദർശനത്തിന് എത്തും. മണികണ്ഠൻ ആചാരിക്ക് ഏറെ അഭിനയസാധ്യത നൽകുന്ന വേഷമാണ് ചിത്രത്തിലേതെന്ന് അണിയറക്കാർ പറയുന്നു.
ബിറ്റോ ഡേവിസ്, നന്ദൻ ഉണ്ണി, റിയാസ് എം ടി, വിനോദ് തോമസ്, കോട്ടയം സോമരാജ്, പരസ്പരം പ്രദീപ്, സൂഫി സുധീർ, കെ ടി രാജീവ്, അമൃത് രാജീവ്, ജിജ സുരേന്ദ്രൻ, രേവതി ശാരി തുടങ്ങിയവർക്കൊപ്പം സംവിധായകനും ചിത്രത്തിൽ ഒരു കഥാപാത്രത്തെ അവതരിപ്പിക്കുന്നു.
ഏറെ സാമൂഹ്യ പ്രസക്തിയുള്ള പ്രമേയം ചർച്ച ചെയ്യുന്ന സിനിമയാണ് ഇതെന്നും, നാട്ടിൻപുറത്തിന്റെ നന്മയും വിശുദ്ധിയുമൊക്കെ ഒപ്പിയെടുക്കുന്ന ഈ സിനിമ ഒരു സമ്പൂർണ്ണ റിയലിസ്റ്റിക് മൂവി ആണെന്നും അണിയറ പ്രവർത്തകർ അറിയിക്കുന്നു.
നിത്യ ജീവിതത്തിലെ വൈകാരിക മുഹൂർത്തങ്ങളിലൂടെ ചിത്രം പ്രേക്ഷക മനസ്സുകളിൽ ഇടംനേടുമെന്നാണ് അണിയറക്കാരുടെ പ്രതീക്ഷ. കെ ശ്രീവർമ്മയാണ് രണ്ടാം മുഖത്തിൻറെ രചന നിർവ്വഹിച്ചിരിക്കുന്നത്. ക്യാമറ അജയ് പി പോൾ, ഹുസൈൻ അബ്ദുൾ ഷുക്കൂർ, എഡിറ്റിംഗ് ഹരി മോഹൻദാസ്, സംഗീതം രാജേഷ് ബാബു കെ ശൂരനാട്, ഗാനരചന ബാപ്പു വാവാട്, നിഷാന്ത് കോടമന, ഡോ. പി എൻ രാജേഷ് കുമാർ, മേക്കപ്പ് അനൂപ് സാബു, കലാസംവിധാനം ശ്രീജിത്ത് ശ്രീധർ, വസ്ത്രാലങ്കാരം ആദിത്യ നാണു, പ്രൊഡക്ഷൻ കൺട്രോളർ വിനോദ് പറവൂർ, പി ആർ ഒ- പി ആർ സുമേരൻ, പ്രൊഡക്ഷൻ എക്‌സിക്യൂട്ടീവ് സഹദ് നടേമ്മൽ, സ്റ്റുഡിയോ കെ സ്റ്റുഡിയോസ് കൊച്ചി, സ്റ്റിൽസ് വിഷ്ണു രഘു തുടങ്ങിയവരാണ് അണിയറ പ്രവർത്തകർ.
