നവാഗതനായ അമീൻ അസലം സംവിധാനം ചെയ്യുന്ന ‘മോമോ ഇൻ ദുബായ്’ ഫെബ്രുവരി മൂന്നിന് ഐക്കോൺ സിനിമാസ് റിലീസ് പ്രദർശനത്തിനെത്തിക്കും. ജോ ആൻഡ് ജോ പ്രൊഡക്ഷൻ ടീമും, ജാനേ മൻ, ജോ ആൻഡ് ജോ, ജയ ജയ ജയ ജയ ഹേ തുടങ്ങിയ ചിത്രങ്ങളുടെ വിതരണക്കാരും വീണ്ടും ഒന്നിക്കുന്ന കിഡ്‌സ് ആന്റ് ഫാമിലി എന്റെർറ്റൈനർ ചിത്രമാണ് ‘മോമോ ഇൻ ദുബായ്’.
അനു സിത്താര, അനീഷ് ജി. മേനോൻ, ജോണി ആന്റണി എന്നിവരാണ് ചിത്രത്തിൽ കേന്ദ്ര കഥാപാത്രങ്ങളിൽ എത്തുന്നത്. സുഡാനി ഫ്രം നൈജീരിയ, ഹലാൽ ലൗ സ്റ്റോറി തുടങ്ങിയ ചിത്രങ്ങൾക്ക് ശേഷം സക്കരിയയുടെയും ‘ആയിഷ’യുടെ തിരകഥാകൃത്ത് ആഷിഫ് കക്കോടിയുടെയും തിരക്കഥയിൽ ഒരുങ്ങുന്ന ചിത്രമാണ് മോമോ ഇൻ ദുബായ്.
ഇമാജിൻ സിനിമാസ്, ക്രോസ് ബോർഡർ ക്യാമറ, ബിയോണ്ട് സ്റ്റുഡിയോസ് എന്നിവയുടെ ബാനറിൽ സക്കരിയ, ഹാരിസ് ദേശം, പി.ബി. അനീഷ്, നഹല അൽ ഫഹദ് എന്നിവർ ചേർന്നാണ് ‘മോമോ ഇൻ ദുബായ്’ നിർമ്മിക്കുന്നത്. ബി.കെ. ഹരിനാരായണൻ, ഡോക്ടർ ഹിഖ്മത്തുള്ള, അമീൻ കാരക്കുന്ന് എന്നിവരുടെ വരികൾക്ക് ജാസി ഗിഫ്റ്റ്, ഗഫൂർ എം. ഖയാം, യാക്‌സൻ & നേഹ എന്നിവർ സംഗീതം പകരുന്നു.
അണിയറ പ്രവർത്തകർ ഇവർ;
ഒട്ടേറെ സിനിമകളുടെ പ്രൊഡക്ഷൻ കൺട്രോളറായ ഹാരിസ് ദേശം നിർമാതാവാവുന്ന ചിത്രം കൂടിയാണിത്. എഡിറ്റർ- രതീഷ് രാജ്, പ്രൊഡക്ഷൻ കൺട്രോളർ- റിന്നി ദിവാകരൻ, പ്രൊഡക്ഷൻ ഡിസൈനർ-ഗോകുൽ ദാസ്, മോഹൻദാസ്, മേക്കപ്പ്- മുഹമ്മദ് അനിസ്, കോസ്റ്റ്യൂം ഡിസൈനർ- ഇർഷാദ് ചെറുകുന്ന്, സ്റ്റിൽസ്- സിനറ്റ സേവ്യർ, പരസ്യകല-പോപ്‌കോൺ, ചീഫ് അസോസിയേറ്റ് ഡയറക്ടർ- ഇർഷാദ് പരാരി, സൗണ്ട് ഡിസൈൻ- വിക്കി & കിഷൻ, കാസ്റ്റിംങ്ങ് ഡയറക്ടർ- നൂറുദ്ധീൻ അലി അഹമ്മദ്, പ്രൊഡക്ഷൻ കോർഡിനേഷൻ- ഗിരീഷ് അത്തോളി, പ്രൊമോഷൻ കൺസൾട്ടന്റ്- വിപിൻ കുമാർ, പി.ആർ.ഒ.- എ.എസ്. ദിനേശ്.
