ഗ്രാൻമ ക്രിയേഷന്റെ ബാനറിൽ ജനാധിപത്യ മഹിളാ അസോസിയേഷൻ പതിമൂന്നാം ദേശീയ സമ്മേളനത്തിനു വേണ്ടി ഒരുക്കിയ ഷോർട്ട് ഫിലിം ‘തന്റേടം, ഹെർ സ്പേസ്’ ശ്രദ്ധേയമാകുന്നു. ഒരു ആണധികാര സമൂഹത്തിൽ വ്യത്യസ്ത തുറകളിൽ ജീവിക്കുന്ന സ്ത്രീകൾ അവരുടെ ദൈനംദിന ജീവിതത്തിൽ നേരിടേണ്ടിവരുന്ന വളരെ പിന്തിരിപ്പനായ ചോദ്യങ്ങളെയും അവസ്ഥകളെയും നിയന്ത്രണങ്ങളെയും അത്തരം ചട്ടക്കൂടുകളിൽ നിന്നും പുറത്തു വരാൻ അവർ നടത്തുന്ന ശ്രമങ്ങളുമാണ് ചിത്രത്തിലുടനീളം പ്രമേയമാകുന്നത്.
ക്യാമറ സുജിത്ത് വിശ്വംഭരനും എഡിറ്റിംഗ് പ്രസാദ് നാരായണനും നിർവഹിച്ചിരിക്കുന്നു. ഉഷ. എൻ, ലയ മരിയ ജെയ്സൺ, അരുണിമലക്ഷ്മി, ദേവിക ഉദയൻ, ബിന്ദിയ എന്നിവരാണ് ഹ്രസ്വചിത്രത്തിൽ അഭിനയിക്കുന്ന താരങ്ങൾ. മേഘന രമേശ് സംവിധാനം ചെയ്ത ചിത്രത്തിന്റെ ആശയവും തിരക്കഥയും ഒരുക്കിയത് അശ്വതി വി, റിഷിദാസ് എന്നിവരാണ്.
