നടൻ പ്രഭാസ് നായകനാകുന്ന ചിത്രം പ്രഖ്യാപിച്ചതു മുതൽ വാർത്തകളിൽ ഇടംപിടിക്കുന്നതാണ് പ്രൊജക്ടര് കെ. നാഗ് അശ്വിൻ സംവിധാനം ചെയ്യുന്ന ചിത്രത്തിൽ പ്രഭാസിന്റെ നായികയായി എത്തുന്നത് പ്രേക്ഷക പ്രിയങ്കരി ദീപിക പദുകോൺ ആണ്. ഇപ്പോൾ താരത്തിന്റെ ജന്മദിനത്തിൽ ആശംസകൾ നേർന്നുകൊണ്ടുള്ള പുതിയ ചിത്രം പങ്കുവെച്ച് രംഗത്ത് വന്നിരിക്കുകയാണ് അണിയറ പ്രവർത്തകർ.
ടൈം ട്രാവൽ ഘടകങ്ങൾ ഉള്ള ചിത്രമായിരിക്കും ‘പ്രൊജക്റ്റ് കെ’ എന്നാണ് ആദ്യം പ്രചരിക്കപ്പെട്ടിരുന്നത്. എന്നാൽ ടൈം ട്രാവലിനെ കുറിച്ചുള്ള സിനിമ അല്ല ‘പ്രൊജക്റ്റ് കെ’ എന്ന് സംഭാഷണ രചയിതാവായ സായ് മാധവ് ബുറ അടുത്തിടെ വ്യക്തമാക്കിയിരുന്നു. ടൈം മെഷീനോ കാലങ്ങളിലൂടെയുള്ള സഞ്ചാരമോ ചിത്രത്തിന്റെ ഭാഗമായിട്ടില്ലെന്നാണ് ‘പ്രൊജക്റ്റ് കെ’യുടെ സംഭാഷണം എഴുതുന്ന സായ് മാധവ് ബുറ ആരാധകരെ അറിയിച്ചത്.
ഒരു ഴോണർ സിനിമയായിരിക്കും ഇതെന്നാണ് സായ് മാധവ് ബുറ നൽകുന്ന സൂചന. വൈജയന്തി മൂവീസാണ് ചിത്രം നിർമിക്കുന്നത്. അമിതാഭ് ബച്ചനും ചിത്രത്തിൽ ഒരു പ്രധാന കഥാപാത്രമായി എത്തുന്നു. പ്രഭാസിന്റെ ആരാധകർക്ക് ഏറെ പ്രതീക്ഷ നൽകുന്ന ചിത്രവുമാണ് ‘പ്രൊജക്റ്റ് കെ’.
Here's wishing our @deepikapadukone a very Happy Birthday.#ProjectK #HBDDeepikaPadukone pic.twitter.com/XfCbKapf25
— Vyjayanthi Movies (@VyjayanthiFilms) January 5, 2023
