ഷാരൂഖ് ഖാൻ- ദീപിക പദുകോൺ കൂട്ടുകെട്ടിൽ പിറന്ന ചിത്രം പഠാൻ്റെ ട്രെയിലർ ജനുവരി 10ന് പുറത്ത് വിടും. ‘പഠാൻ’ എന്ന ചിത്രത്തിലേതായി ഇതുവരെ പുറത്തുവിട്ട രണ്ട് ഗാനങ്ങളും വലിയ ഹിറ്റായി മാറിയിരുന്നു.
ചിത്രത്തിലെ ആദ്യ ഗാനം ദീപികയുടെ ബിക്കിനിയുടെ നിറത്തെ ചൊല്ലി വലിയ വിവാദത്തിലായിരുന്നു. ഷാരൂഖ് ഖാൻ ചിത്രം ബഹിഷ്‍കരിക്കണമെന്ന് ആവശ്യപ്പെട്ട് ബിജെപി നേതാക്കള്‍ രംഗത്ത് എത്തിയിരുന്നു. എന്നാൽ ഈ വിവാദങ്ങളെ മറികടന്ന് കുതിപ്പ് തുടരുകയാണ് ചിത്രം. ഷാരൂഖ് ഖാനും ദീപിക പദുക്കോണിനും പുറമേ ജോണ്‍ എബ്രഹാമും പ്രധാന കഥാപാത്രത്തെ അവതരിപ്പിക്കുന്നു.
ഡിംപിള്‍ കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങി ഒട്ടേറെ താരങ്ങള്‍ പഠാനിൽ അണിനിരക്കുന്നു. സത്ചിത് പൗലൗസാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. 2023 ജനുവരി 25നാണ് തിയറ്റര്‍ റിലീസ് പ്രഖ്യാപിച്ചിരിക്കുന്ന ചിത്രത്തിന്റെ ഡിജിറ്റല്‍ റൈറ്റ്‍സ് ആമസോണ്‍ പ്രൈം വീഡിയോയാണ് സ്വന്തമാക്കിയിരിക്കുന്നത്.
