‘കുറുക്കന്’ ശേഷം ‘ആപ്പ് കൈസേ ഹോ’യിലൂടെ ശ്രീനിവാസനും ധ്യാനും അജുവും ഒന്നിക്കുന്നു. അനാരോഗ്യത്തെ തുടർന്ന് മാറി നിന്ന താരം വീണ്ടും സിനിമാ രംഗത്ത് സജീവമാകുന്നതിന്റെ ആവേശത്തിലാണ് ആരാധകരും. മലയാളം കണ്ട മികച്ച നടന്റെ മടങ്ങിവരവാണ് ആരാധകർ ആഘോഷിക്കുന്നത്. ഇപ്പോഴിതാ നടന്റെ പുതിയ സിനിമയുടെ വിവരങ്ങളാണ് പുറത്ത് വന്നത്. ശ്രീനിവാസനും ധ്യാനും അജുവും ഒന്നിക്കുന്ന ‘ആപ്പ് കൈസേ ഹോ’ ചിത്രത്തിന്റെ സംവിധാനം വിനയ് ജോസ് ആണ്. ധ്യാൻ ശ്രീനിവാസൻ തന്നെയാണ് ചിത്രത്തിന്റെ തിരക്കഥയും എഴുതുന്നത്.
ചിത്രത്തിന്റെ ടൈറ്റിൽ പോസ്റ്റർ ധ്യാൻ തന്റെ ഫേസ്ബുക്ക് പേജിലൂടെ പുറത്ത് വിട്ടു. രമേഷ് പിഷാരടി, സൈജു കുറുപ്പ്, സുധീഷ്,ജീവ ജോസഫ്, ദിവ്യ ദർശൻ, സഞ്ജു ശിവറാം, ജൂഡ് ആൻറണി ജോസഫ്, നവാസ് വള്ളിക്കുന്ന്, ഇടവേള ബാബു, അബിൻ ബിനോ, സുരഭി സന്തോഷ്,തൻവി റാം, വിജിത തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നുണ്ട്.
മനു മഞ്ജിത്തും സ്വാതി ദാസും ചേർന്നൊരുക്കുന്ന വരികൾക്ക് ഡോൺ വിൻസന്റ് സംഗീതവും പശ്ചാത്തല സംഗീതവും ഒരുക്കുന്നു. അഖിൽ ജോർജ് ഛായാഗ്രഹണവും വിനയൻ എം ജെ എഡിറ്റിംഗും നിർവ്വഹിക്കുന്നു. കലാസംവിധാനം, അസീസ് കരുവാരക്കുണ്ട്. മേക്കപ്പ്. വിപിൻ ഓമശ്ശേരി, കോസ്റ്റ്യം -ഡിസൈൻ.- ഷാജി ചാലക്കുടി.
നവാഗതനായ ജയലാൽ ദിവാകരൻ സംവിധാനം ചെയ്യുന്ന കുറുക്കൻ എന്ന ചിത്രത്തിലാണ് ശ്രീനിവാസൻ തന്റെ മടങ്ങി വരവ് അറിയിച്ചത്. വിനീത് ശ്രീനിവാസൻ, ഷൈൻ ടോം ചാക്കോ എന്നിവരാണ് ശ്രീനിവാസനൊപ്പം മറ്റു കേന്ദ്ര കഥാപാത്രങ്ങളെ അവതരിപ്പിക്കുന്നത്. വർണ്ണചിത്രയുടെ ബാനറിൽ മഹാസുബൈർ ആണ് ചിത്രം നിർമ്മിക്കുന്നത്.
https://www.facebook.com/DhyanSreenivasanOfficial/posts/724926272334658
