2022 ഇന്ത്യൻ ബോക്സ് ഓഫീസിൽ നിന്നും വലിയ വിജയം നേടിയ മണിരത്‌നത്തിന്റെ ബിഗ് ബഡ്ജറ്റ് ചിത്രമാണ് പൊന്നിയിൻ സെൽവൻ. ഇപ്പോഴിതാ ചിത്രത്തിന്റെ രണ്ടാം ഭാഗം ഒരുങ്ങുന്നതായും, റിലീസ് തീയതിയും പ്രേക്ഷകരെയും അറിയിച്ചിരിക്കുകയാണ് അണിയറ പ്രവർത്തകർ.
2023 ഏപ്രിൽ 28-നാണ് ചിത്രം പ്രേക്ഷകരിലേയ്ക്ക് എത്തുന്നത്. വിക്രം, ഐശ്വര്യ റായ്, തൃഷ, കാർത്തി, ജയം രവി, പ്രകാശ് രാജ്, ജയറാം, ശരത്കുമാർ, പ്രഭു, ഐശ്വര്യലക്ഷ്മി തുടങ്ങിയവരാണ് പ്രധാന വേഷത്തിലെത്തിയത്. എ.ആർ. റഹ്മാനാണ് ചിത്രത്തിന്റെ സംഗീതം.
അഞ്ചു ഭാഷകളിലായി സെപ്തംബർ 30-ലായിരുന്നു പി എസ് 1 തീയ്യേറ്ററിലെത്തിയത്. വലിയ താരനിരയോട് കൂടി എത്തിയ ചിത്രം ഏറ്റവും വേഗത്തിൽ 100 കോടിയും നേടിയിരുന്നു. ആദ്യഭാഗം എത്തി 6-9 മാസത്തിനകം രണ്ടാംഭാഗം പുറത്തുവരുമെന്ന് മണിരത്നം നേരത്തേ അറിയിച്ചിരുന്നു.
