അജിത്തിനെ നായകനാക്കി എച്ച്. വിനോദ് സംവിധാനം ചെയുന്ന ചിത്രമാണ് തുനിവ്. പൊങ്കലിന് പ്രേക്ഷകരിലേയ്ക്ക് എത്തുന്ന ചിത്രത്തിനായി ആരാധകരും അക്ഷമയോടെ കാത്തിരിക്കുകയാണ്. ഇപ്പോൾ ചിത്രത്തിലെ രണ്ടാമത്തെ ഗാനവും പുറത്ത് വിട്ടിരിക്കുകയാണ്. കാസേതൻ കടവൂളഡ’ എന്ന ഗാനമാണ് ചിത്രത്തിലേതായി ജിബ്രാന്റെ സംഗീത സംവിധാനത്തിൽ പുറത്തുവിട്ടിരിക്കുന്നത്. വൈശാഖ്, മഞ്ജു വാര്യർ, ജിബ്രാൻ എന്നിവരാണ് ചിത്രത്തിനായി പാടിയിരിക്കുന്നത്.
നിരവ് ഷായാണ് ചിത്രത്തിന്റെ ചായാഗ്രാഹണം. അജിത്തിന്റെയും മഞ്ജു വാര്യരുടെയും നൃത്ത രംഗം ഉൾപ്പെടുത്തിയിട്ടുള്ള ‘ചില്ല ചില്ല’ എന്ന ആദ്യ ഗാനവും വലിയ ഹിറ്റായി മാറിയിരുന്നു. ചിത്രത്തിൽ മലയാളത്തിന്റെ സ്വന്തം ലേഡീ സൂപ്പർ സ്റ്റാർ മഞ്ജു വാരിയർ ആണ് നായികയായി എത്തുന്നത്. താരത്തിന്റെ രണ്ടാമത്തെ തമിഴ് ചിത്രം കൂടിയാണ് തുനിവ്.
നേർക്കൊണ്ട പാർവൈ, വലിമൈ എന്നീ സിനിമകൾക്ക് ശേഷം എച്ച്. വിനോദും അജിത്തും വീണ്ടും ഒന്നിക്കുന്ന സിനിമയാണ് തുനിവ്. ചിത്രം പാൻ ഇന്ത്യൻ റിലീസായി പുറത്തിറക്കാനാണ് അണിയറപ്രവർത്തകർ ശ്രമിക്കുന്നത്. അഞ്ച് ഭാഷകളിൽ ആയിരിക്കും സിനിമയുടെ റിലീസ്. ബോണി കപൂറാണ് ചിത്രം നിർമിക്കുന്നത്. ബാങ്ക് മോഷണം മാത്രമല്ല സിനിമയുടെ പ്രമേയം. ഇതൊരു ആക്ഷൻ ത്രില്ലർ കൂടിയാണെന്ന് സംവിധായകൻ വിനോദ് ഒരഭിമുഖത്തിൽ വെളിപ്പെടുത്തിയിരുന്നു.
അജിത്, മഞ്ജു വാരിയർ, ആമിർ, പവനി റെഡ്ഡി, സിബി ഭാവന എന്നിവരാണ് ചിത്രത്തിൽ മോഷ്ടാക്കളായി എത്തുന്നത്. ഈ ടീമിനെ പിടിക്കാൻ തുനിഞ്ഞിറങ്ങുന്ന പൊലീസ് ആയി സമുദ്രക്കനി എത്തുന്നു. വീര, സമുദ്രക്കനി, ജോൺ കൊക്കെൻ, തെലുങ്ക് നടൻ അജയ് തുടങ്ങിയവരാണ് ചിത്രത്തിൽ എത്തുന്ന മറ്റ് താരങ്ങൾ.
ബോണി കപൂറാണ് ചിത്രം നിർമിക്കുന്നത്. നിരവ് ഷാ ആണ് ചിത്രത്തിന്റെ ഛായാഗ്രാഹണം. വിജയ് വേലുക്കുട്ടിയാണ് ചിത്രസംയോജനം. നേരത്തെ ചിത്രത്തിന്റെ ഒടിടി പാർട്‌ണേഴ്‌സിന്റെയടക്കമുള്ള വിവരങ്ങൾ പുറത്ത് വിട്ടിരുന്നു. തീയേറ്റർ റിലീസിന് ശേഷം നെറ്റ്ഫ്‌ളിക്‌സിലൂടെയാണ് ചിത്രം കൂടുതൽ പ്രേക്ഷകരിലേയ്ക്ക് എത്തുന്നത്.
