പുതിയ വർഷത്തിലേയ്ക്ക് കടക്കുന്ന വേളയിൽ 2022 ൽ ഏറ്റവും കൂടുതൽ കളക്ഷൻ കിട്ടിയ ചിത്രങ്ങൾ പുറത്ത് വിട്ടിരിക്കുകയാണ് സിനിമ ട്രാക്കേഴ്‌സായ ഫ്രൈഡേ മാറ്റ്‌നീ. ‘കെജിഎഫ് ചാപ്റ്റർ 2’വും ‘ഭീഷ്മ പർവ’വുമാണ് കേരളത്തിൽ മുന്നിട്ട് നിൽക്കുന്ന രണ്ട് ചിത്രങ്ങൾ. കേരളത്തിൽ 2022ൽ ഏറ്റവും കൂടുതൽ കളക്ഷൻ നേടിയ ചിത്രം കെജിഎഫ് ‘ചാപ്റ്റർ 2’ ആണ്.
ഏപ്രിൽ 14ന് റിലീസ് ചെയ്ത ചിത്രം കേരളത്തിൽ 68.50 കോടി രൂപയാണെന്നാണ് ലഭിക്കുന്ന റിപ്പോർട്ട്. യാഷ് നായകനായി പ്രദർശനത്തിന് എത്തിയ ചിത്രം രാജ്യമെമ്പാടും മികച്ച പ്രതികരണമാണ് ഉയർന്നത്. പ്രശാന്ത് നീൽ ആണ് ചിത്രം സംവിധാനം ചെയ്തത്. യാഷ് നായകനായ പിരീഡ് ഗ്യാങ്സ്റ്റർ ഡ്രാമ ചിത്രത്തിൽ സഞ്ജയ് ദത്താണ് വില്ലനായി എത്തിയത്.
Highest grossing Malayalam Film at Kerala Boxoffice in 2022 with 47.10 crores gross #BheeshmaParvam pic.twitter.com/R6PKzx7ykP
— Friday Matinee (@VRFridayMatinee) December 18, 2022
‘റോക്കി ഭായി’ എന്ന കേന്ദ്ര കഥാപാത്രത്തെയാണ് യഷ് അവതരിപ്പിച്ചത്. ശ്രീനിധി ഷെട്ടി, രവീണ ടണ്ഡൻ, പ്രകാശ് രാജ്, മാൾവിക അവിനാശ്, അച്യുത് കുമാർ, അയ്യപ്പ പി ശർമ, റാവു രമേശ്, ഈശ്വരി റാവു തുടങ്ങിയവരാണ് മറ്റ് കഥാപാത്രങ്ങളായി എത്തി. 100 കോടിയലിധികം യാഷ് ചിത്രം ആകെ കളക്ഷൻ നേടിയിരുന്നു.
കേരളത്തിൽ ഏറ്റവും കൂടുതൽ കളക്ഷൻ സ്വന്തമാക്കിയ മലയാള ചിത്രം ‘ഭീഷ്മ പർവ’മാണ്. മമ്മൂട്ടി നായകനായി എത്തിയ ചിത്രം വലിയ ഓളമാണ് ആരാധകർക്കിടയിൽ സൃഷ്ടിച്ചത്. അമൽ നീരദായിരുന്നു ചിത്രത്തിന്റെ സംവിധായകൻ. 47.10 കോടി രൂപയാണ് കേരളത്തിൽ നിന്ന് മാത്രമായി ‘ഭീഷ്മ പർവം’ നേടിയത്. അമൽ നീരദ് തന്നെയാണ് നിർമാതാവ്.
#KGFChapter2 – Highest grossing movie in Kerala Boxoffice in 2022 with 68.50 Crores gross. pic.twitter.com/JPn4yajGZn
— Friday Matinee (@VRFridayMatinee) December 18, 2022
