ലേഡി സൂപ്പര്‍സ്റ്റാര്‍ നയന്‍താര കേന്ദ്ര കഥാപാത്രമായി എത്തുന്ന കണക്റ്റ് എന്ന ചിത്രം പ്രേക്ഷകരിലേക്ക് എത്തുന്നു. നയൻതാരയ്ക്ക് പുറമെ, സത്യരാജ്, അനുപം ഖേര്‍, വിനയ് റായ്, ഹനിയ നഫീസ എന്നിവര്‍ അഭിനയിക്കുന്ന ഹൊറർ ചിത്രം ഡിസംബര്‍ 22-ന് തീയേറ്ററിൽ എത്തും.
ന്യൂ സൂര്യ ഫിലിംസ് ആണ് സിനിമ തീയേറ്ററുകളിലെത്തിക്കുന്നത്. മായ, ഗെയിം ഓവർ തുടങ്ങിയ ഹൊറർ ചിത്രങ്ങളിലൂടെ തമിഴകത്തെ പേടിപ്പിച്ച അശ്വിൻ ശരവൺ ആണ് കണക്റ്റ് ചിത്രത്തിൻ്റെ പിന്നിലും ഉള്ളത്. മണികണ്ഠൻ കൃഷ്ണമാചാരിയാണ് ഛായാഗ്രാഹകൻ, സംഗീതം പൃഥ്വി ചന്ദ്രശേഖർ.
95 മിനിറ്റ് ദൈർഘ്യമുള്ള സിനിമയ്ക്ക് തിയറ്ററുകളിൽ ഇടവേള ഉണ്ടാകില്ലെന്ന് നേരത്തെ അണിയറ പ്രവർത്തകർ പുറത്ത് വിട്ടിരുന്നു. നേരത്തെ പുറത്ത് വിട്ട ചിത്രത്തിൻ്റെ ട്രെയിലർ പ്രേക്ഷക പ്രശംസ പിടിച്ചു പറ്റിയിരുന്നു. നിരവധി പേരാണ് താരത്തിനു ആശസകൾ നേർന്ന് രംഗത്ത് വന്നത്.
