ബിജു മേനോനെ നായകനാക്കി ദീപു അന്തിക്കാട് സംവിധാം ചെയ്ത നാലാം മുറ എന്ന ചിത്രത്തിന്റെ ട്രെയിലർ പുറത്ത് വിട്ടു. പോലീസ് ഓഫീസറായിട്ടാണ് ബിജു മേനോൻ എത്തുന്നത്. കുറ്റാന്വേഷണ കഥയുമായി എത്തുന്ന ചിത്രത്തിൽ ഗുരു സോമസുന്ദരവും പ്രധാന വേഷത്തിലെത്തുന്നുണ്ട്. നേരത്തെ ചിത്രത്തിന്റെ റിലീസ് തീയതി പുറത്ത് വിട്ടിരുന്നു. ക്രിസ്മസ് സമ്മാനമായി ഡിസംബർ 23 നാണ് ചിത്രം തിയേറ്ററുകളിലെത്തുന്നത്.
യുഎഫ്‌ഐ മോഷൻ പിക്‌ച്ചേഴ്‌സിന്റെ ബാനറിൽ കിഷോർ വാരിയത്ത് യു എസ് എ, ലക്ഷ്മികാന്ത് ക്രിയേഷൻസിന്റെ ബാനറിൽ സുധീഷ് പിള്ള, സെലിബ്രാൻഡ്‌സിന്റെ ബാനറിൽ ഷിബു അന്തിക്കാട് എന്നിവർ ചേർന്നാണ് ഈ ബിഗ് ബഡ്ജറ്റ് സിനിമ നിർമിക്കുന്നത്. ബിജു മേനോനെയും സോമ സുന്ദരത്തെയും കൂടാതെ ദിവ്യ പിള്ള, ശാന്തി പ്രിയ, ഷീല എബ്രഹാം, സുരഭി സന്തോഷ്, ഷൈനി സാറ, അലൻസിയർ, പ്രശാന്ത് അലക്‌സാണ്ടർ തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. സൂരജ് വി ദേവ് ആണ് രചന.
ലോകനാഥൻ ഛായാഗ്രഹണവും കൈലാസ് മേനോൻ സംഗീത സംവിധാനവും നിർവഹിക്കുന്നു. ഗോപീ സുന്ദർ ആണ് പശ്ചാത്തല സംഗീതം ഒരുക്കുന്നത്. എഡിറ്റിംഗ് ഷമീർ മുഹമ്മദ്, കലാസംവിധാനം അപ്പുണ്ണി സാജൻ, വസ്ത്രാലങ്കാരം നയന ശ്രീകാന്ത്, മേക്കപ്പ് റോണക്‌സ് സേവ്യർ, ഡിജിറ്റൽ മാർക്കറ്റിംഗ് എന്റർടെയ്ൻമെൻറ് കോർണർ, പ്രൊഡക്ഷൻ കൺട്രോളർ ജാവേദ് ചെമ്പ്. വാർത്താപ്രചരണം- ജിനു അനിൽകുമാർ തുടങ്ങിയവരാണ് ചിത്രത്തിലെ മറ്റ് അണിയറ പ്രവർത്തകർ.
