ആന്റണി വർഗീസ് കേന്ദ്ര കഥാപാത്രമായെത്തുന്ന ചിത്രം ഓ മേരി ലൈല ക്രിസ്മസിന് തിയേറ്ററുകളിലേയ്ക്ക് എത്തുന്നു. ചിത്രത്തിൻ്റെ പുതിയ പോസ്റ്റർ പങ്കുവെച്ചാണ് ചിത്രം ക്രിസ്മസിന് എത്തുന്നതായി പ്രഖ്യാപിച്ചത്. ഡിസംബർ 23 നാണ് ചിത്രം തീയേറ്ററുകളിൽ എത്തുന്നത്. നേരത്തെ, പുറത്തിറങ്ങിയ ടീസറും, രണ്ടു ഗാനങ്ങളും ഇതിനോടകം തന്നെ ശ്രദ്ധ നേടി കഴിഞ്ഞു. അടിക്കും ഇടിക്കും ഒരിടവേള കൊടുത്തു കൊണ്ട് ഈ ക്രിസ്തുമസ് കാലം പൊടി പൊടിക്കുവാൻ ഞങ്ങളെത്തുന്നുവെന്ന് ആന്റണി വർഗീസ് പോസ്റ്റർ പങ്കുവെച്ച് കുറിച്ചു.
ഡോ.പോൾസ് എന്റർടെയ്ൻമെന്റിൻ്റെ ബാറനിൽ ഡോ. പോൾ വർഗ്ഗീസാണ് ചിത്രം നിർമിച്ചിരിക്കുന്നത്. ശ്രീ ഗോകുലം മൂവീസ് ചിത്രം തീയേറ്ററുകളിൽ എത്തിക്കും. ലൈലാസുരൻ എന്ന കോളേജ് വിദ്യാർത്ഥിയുടെ വേഷത്തിലാണ് ആന്റണി വർഗീസ് ചിത്രത്തിലെത്തുന്നത്. അഭിഷേക് കെ.എസാണ് ചിത്രത്തിൻ്റെ സംവിധാനം. നവാഗതനായ അനുരാജ് ഒ.ബിയുടേതാണ് ചിത്രത്തിൻ്റെ തിരക്കഥ.
സോന ഒലിക്കൽ, നന്ദന രാജൻ, ശബരീഷ് വർമ്മ, അൽത്താഫ് സലീം, ബാലചന്ദ്രൻ ചുള്ളിക്കാട്, സെന്തിൽ കൃഷ്ണ, ശിവകാമി, ബ്രിറ്റൊ ഡേവിസ്, ശ്രീജ നായർ തുടങ്ങിയവരും നിരവധി പുതുമുഖങ്ങളും ചിത്രത്തിൽ അണിനിരക്കുന്നുണ്ട്. പ്രേക്ഷകരുടെ സ്വന്തം പെപ്പെയുടെ പുതിയ മുഖത്തിനായി ആരാധകരും കാത്തിരിക്കുകയാണ്.
https://www.facebook.com/AntonyVarghese4u/posts/pfbid0XkZvSUJfiSH4JNckdx1U1MKfxE1kWLFiDjUvgF6qw6PCrwgqfP262yK9XjKspphHl
