വാസുദേവ് സനൽ സംവിധാനം ഹയ എന്ന ചിത്രത്തിൽ പ്രേക്ഷകർക്കായി ഒരുക്കിയിരിക്കുന്നത് കിടിലൻ റോബോ ഫൈറ്റ്. മലയാള സിനിമാ ചരിത്രത്തിൽ തന്നെ ആദ്യമായാണ് റോബോ ഫൈറ്റ് സീൻ ഉൾപ്പെടുത്തിയിരിക്കുന്നത്. ചിത്രത്തിൻ്റെ ക്ലൈമാക്‌സിലേയ്ക്ക് നയിക്കുന്ന നിർണ്ണായക പ്രാധാന്യമുള്ള സീനിലാണ് അത്യന്തം ആക്ഷൻ പാക്ക്ഡ് ആയ റോബേലോ ഫൈറ്റ് ഒരുക്കിയിരിക്കുന്നതെന്നാണ് അണിയറ പ്രവർത്തകർ അറിയിച്ചിരിക്കുന്നത്.
സിനിമാ ലോകത്ത് പ്രകമ്പനം സൃഷ്ടിച്ച കന്നട ചിത്രം ‘കാന്താര’ യടക്കം സിനിമകളുടെ ഗ്രാഫിക്‌സ് തയ്യാറാക്കിയ പ്രമുഖ ഗ്രഫിക്‌സ് ഗ്രൂപ്പായ ലവകുശയാണ് ഈ റോബോട്ടിക് ഫൈറ്റ് സൃഷ്ടിച്ചിരിക്കുന്നത്. എഞ്ചിനീയറിംഗ് കോളജിൻ്റെ പശ്ചാത്തലത്തിൽ ഒരുങ്ങുന്ന ചിത്രം സിക്സ് സിൽവർ സോൾസ് സ്റ്റുഡിയോ ആണ് നിർമിച്ചിരിക്കുന്നത്. നവംബർ 25നാണ് സിനിമ തീയേറ്ററുകളിൽ എത്തുന്നത്. 24 പുതുമുഖങ്ങളാണ് ഹയയിൽ അണിനിരക്കുന്നത്. ക്യാംപസ് ത്രില്ലർ ആണ് ഹയ.
‘ഗോഡ്‌സ് ഓൺ കൺട്രി’ എന്ന ചിത്രത്തിന് ശേഷം വാസുദേവ് സനൽ സംവിധാനം ചെയ്യുന്ന ചിത്രമാണ് ഹയ. മാധ്യമപ്രവർത്തകനും എഴുത്തുകാരനുമായ മനോജ് ഭാരതിയാണ് ചിത്രത്തിൻ്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. മിന്നൽ മുരളിയിലൂടെ ഞെട്ടിച്ച നടൻ ഗുരു സോമസുന്ദരം ആണ് ചിത്രത്തിൽ പ്രധാന വേഷത്തിലെത്തുന്നത്. കൂടാതെ ഇന്ദ്രൻസ്, ജോണി ആന്റണി, ലാൽ ജോസ് , ശ്രീധന്യ, ശ്രീകാന്ത് മുരളി, ലയ സിംസൺ, കോട്ടയം രമേഷ്, ബിജു പപ്പൻ, ശ്രീരാജ്, സണ്ണി സരിഗ , വിജയൻ കാരന്തൂർ തുടങ്ങിയവർ മറ്റ് വേഷങ്ങളിൽ എത്തുന്നു.
മസാല കോഫി ബാൻഡിലെ വരുൺ സുനിലാണ് സംഗീതം. സന്തോഷ് വർമ്മ, മനു മഞ്ജിത്, പ്രൊഫ.പി.എൻ. ഉണ്ണികൃഷ്ണൻ പോറ്റി, ലക്ഷ്മി മേനോൻ , സതീഷ് ഇടമണ്ണേൽ എന്നിവരാണ് ഗാനങ്ങൾ എഴുതിയിരിക്കുന്നത്. കെ.എസ്.ചിത്ര, ജുവൻ ഫെർണാണ്ടസ്, രശ്മി സതീഷ് , അസ്ലം അബ്ദുൽ മജീദ്, വരുൺ സുനിൽ ,ബിനു സരിഗ , വിഷ്ണു സുനിൽ എന്നിവരാണ് ഗായകർ. ജിജു സണ്ണി ക്യാമറയും അരുൺ തോമസ് എഡിറ്റിഗും നിർവഹിച്ചിരിക്കുന്നു.
പ്രൊഡക്ഷൻ കൺട്രോളർ -എസ്. മുരുഗൻ, പ്രൊഡക്ഷൻ കോ ഓർഡിനേറ്റർ -സണ്ണി തഴുത്തല. ഫിനാൻസ് കൺട്രോളർ- മുരളീധരൻ കരിമ്പന.അസോ. ഡയറക്ടർ -സുഗതൻ, ആർട്ട് -സാബുറാം, മേയ്ക്കപ്പ്-ലിബിൻ മോഹൻ, സ്റ്റിൽസ് -അജി മസ്‌ക്കറ്റ്, വി എഫ് എക്‌സ്- ലവകുശ, ഡിജിറ്റൽ മാർക്കറ്റിംഗ് -എന്റർടൈൻമെന്റ് കോർണർ, പി ആർ ഒ- വാഴൂർ ജോസ് , ആതിര ദിൽജിത്ത് തുടങ്ങിയവരാണ് ചിത്രത്തിന്റെ അണിയറയിൽ പ്രവർത്തിച്ചിരിക്കുന്നത്.
