ഉണ്ണി മുകുന്ദൻ നായകനായി എത്തുന്ന ഏറ്റവും പുതിയ ചിത്രം ‘ഷെഫീക്കിൻ്റെ സന്തോഷം’ വരുന്ന വെള്ളിയാഴ്ച പ്രദർശനത്തിനെത്തും. നേരത്തെ ചിത്രത്തിൻ്റെ ട്രെയിലറും ഗാനങ്ങളും പുറത്ത് വന്നിരുന്നു. ഹിറ്റ് ചിത്രമായ മേപ്പടിയാനു ശേഷം ഉണ്ണി മുകുന്ദൻ നിർമ്മിക്കുന്ന ചിത്രം കൂടിയാണ് ‘ഷെഫീക്കിൻ്റെ സന്തോഷം’എന്നൊരു പ്രത്യേകത കൂടിയുണ്ട്.
നവാഗതനായ അനൂപ് പന്തളം ആണ് ചിത്രം സംവിധാനം ചെയ്യുന്നത്. പാറത്തോട് എന്ന ചെറിയ ഗ്രാമത്തിലെ ഒരു സാധാരണ കുടുംബത്തിൽ നിന്നുള്ള പ്രവാസിയായ ഷെഫീഖ് എന്ന ചെറുപ്പക്കാരൻ്റെ കഥയാണ് ഈ ചിത്രത്തിൽ പറയുന്നത്. ‘ഷെഫീക്കിൻ്റെ സന്തോഷ’ത്തിൽ തൻ്റെ അച്ഛൻ അഭിനയിക്കുന്നുവെന്നും ഉണ്ണി മുകുന്ദൻ നേരത്തെ പറഞ്ഞിരുന്നു.
ചിത്രത്തിൽ, മനോജ് കെ ജയൻ, ദിവ്യ പിള്ള, ബാല, ആത്മീയ രാജൻ, ഷഹീൻ സിദ്ദിഖ്, മിഥുൻ രമേശ്, സ്മിനു സിജോ, അനീഷ് രവി, അരുൺ ശങ്കരൻ പാവുമ്പ, ബോബൻ സാമുവൽ, അസിസ് നെടുമങ്ങാട്, ജോർഡി പൂഞ്ഞാർ, ഉണ്ണി നായർ തുടങ്ങിയവരും അഭിനയിക്കുന്നുണ്ട്. റിയലിസ്റ്റിക് ഫാമിലി എന്റർടെയ്‌നർ വിഭാഗത്തിലാണ് ചിത്രം പ്രേക്ഷകരിലേയ്ക്ക് എത്തുന്നത്.
ഛായാഗ്രഹണം- എൽദോ ഐസക്, സംഗീതം- ഷാൻ റഹ്മാൻ, എഡിറ്റർ- നൗഫൽ അബ്ദുള്ള, ലൈൻ പ്രൊഡ്യൂസർ- വിനോദ് മംഗലത്ത്, മേക്കപ്പ്- അരുൺ ആയൂർ, വസ്ത്രാലങ്കാരം- അരുൺ മനോഹർ, സ്റ്റിൽസ്- അജി മസ്‌ക്കറ്റ്, അസോസിയേറ്റ് ഡയറക്ടർ- രാജേഷ് കെ രാജൻ, പ്രാമോഷൻ കൺസൾട്ടന്റ്- വിപിൻ കുമാർ, പ്രൊഡക്ഷൻ ഡിസൈനർ- ശ്യാം കാർത്തികേയൻ. എന്നിവരാണ് ചിത്രത്തിൻ്റെ അണിയറയിൽ പ്രവർത്തിച്ചിരിക്കുന്നത്. നവംബർ 25ന് ഗുഡ് വിൽ എന്റെർറ്റൈന്മെന്റ്‌സ് ‘ഷെഫീഖിൻ്റെ സന്തോഷം’ തിയ്യേറ്ററിലെത്തിക്കുന്നു.
https://www.facebook.com/IamUnniMukundan/posts/pfbid0WSSmi6Vr5rWJBxJAbT2JBRSKcSavJNENoLtaZ2ALSzRwAdybceDqqPzJbKU6G4Ujl
