ഉണ്ണി മുകുന്ദൻ നായകനായെത്തുന്ന ‘ഷെഫീക്കിൻ്റെ സന്തോഷം’ ചിത്രത്തിൻ്റെ ട്രെയിലർ പുറത്ത് വിട്ടു. ഹിറ്റ് ചിത്രമായ മേപ്പടിയാനു ശേഷം ഉണ്ണി മുകുന്ദൻ നിർമ്മിക്കുന്ന ചിത്രം കൂടിയാണ് ‘ഷെഫീക്കിൻ്റെ സന്തോഷം’എന്നൊരു പ്രത്യേകത കൂടിയുണ്ട്. നവാഗതനായ അനൂപ് പന്തളം ആണ് ചിത്രം സംവിധാനം ചെയ്യുന്നത്. പാറത്തോട് എന്ന ചെറിയ ഗ്രാമത്തിലെ ഒരു സാധാരണ കുടുംബത്തിൽ നിന്നുള്ള പ്രവാസിയായ ഷെഫീഖ് എന്ന ചെറുപ്പക്കാരൻ്റെ കഥയാണ് ഈ ചിത്രത്തിൽ പറയുന്നത്.
‘ഷെഫീക്കിൻ്റെ സന്തോഷത്തിൽ തൻ്റെ അച്ഛൻ അഭിനയിക്കുന്നുവെന്നും ഉണ്ണി മുകുന്ദൻ നേരത്തെ പറഞ്ഞിരുന്നു. ചിത്രത്തിൽ, മനോജ് കെ ജയൻ, ദിവ്യ പിള്ള, ബാല, ആത്മീയ രാജൻ, ഷഹീൻ സിദ്ദിഖ്, മിഥുൻ രമേശ്, സ്!മിനു സിജോ, അനീഷ് രവി, അരുൺ ശങ്കരൻ പാവുമ്പ, ബോബൻ സാമുവൽ, അസിസ് നെടുമങ്ങാട്, ജോർഡി പൂഞ്ഞാർ, ഉണ്ണി നായർ തുടങ്ങിയവരും അഭിനയിക്കുന്നുണ്ട്.
ഛായാഗ്രഹണം- എൽദോ ഐസക്, സംഗീതം- ഷാൻ റഹ്മാൻ, എഡിറ്റർ- നൗഫൽ അബ്ദുള്ള, ലൈൻ പ്രൊഡ്യൂസർ- വിനോദ് മംഗലത്ത്, മേക്കപ്പ്- അരുൺ ആയൂർ, വസ്ത്രാലങ്കാരം- അരുൺ മനോഹർ, സ്റ്റിൽസ്- അജി മസ്‌ക്കറ്റ്, അസോസിയേറ്റ് ഡയറക്ടർ- രാജേഷ് കെ രാജൻ, പ്രാമോഷൻ കൺസൾട്ടന്റ്- വിപിൻ കുമാർ, പ്രൊഡക്ഷൻ ഡിസൈനർ- ശ്യാം കാർത്തികേയൻ. എന്നിവരാണ് ചിത്രത്തിന്റെ അണിയറയിൽ പ്രവർത്തിച്ചിരിക്കുന്നത്. നവംബർ 25ന് ഗുഡ് വിൽ എന്റെർറ്റൈന്മെന്റ്സ് ‘ഷെഫീഖിന്റെ സന്തോഷം’ തിയ്യേറ്ററിലെത്തിക്കുന്നു.
