മാത്യു തോമസും അന്നാ ബെന്നും കേന്ദ്ര കഥാപാത്രങ്ങളാക്കി ജെക്സൺ ആന്റണി സംവിധാനം ചെയ്യുന്ന ‘അഞ്ച് സെന്റും സെലീനയും’ എന്ന ചിത്രത്തിൻ്റെ മോഷൻ പോസ്റ്റർ പുറത്ത് വിട്ടു. ഒരു സെക്കന്റ് ക്ലാസ് യാത്രയുടെ ശ്രദ്ധേയമായ വിജയത്തിനു ശേഷം ജെക്സൺ ആന്റണി സംവിധാനം ചെയ്യുന്ന ചിത്രമാണ് അഞ്ചു സെന്റും സെലീനയും. സാധാരണക്കാരായ മനഷ്യരുടെ ജീവിതത്തിലൂടെയാണ് ഈ ചിത്രം കടന്നു പോകുന്നത്. യഥാർത്ഥ ജീവിതത്തിൻ്റെ നേർക്കാഴ്ച്ചയെന്നു തന്നെ പറയാം.
സുധി കോപ്പ, സിബി തോമസ്, അരുൺ പാവുംമ്പ, രാജേഷ് പറവൂർ, ഹരീഷ് പേങ്ങൻ, ശാന്തി കൃഷ്ണ, ശ്രിന്ദ, അനുമോൾ, രശ്മി അനിൽ, ശ്രീലത നമ്പൂതിരി, പോളി വത്സൻ തുടങ്ങിയവരാണ് ചിത്രത്തിൽ വേഷമിടുന്ന മറ്റ് താരങ്ങൾ. ശക്തമായ കഥാപാത്രങ്ങളിലൂടെ പ്രേക്ഷകർക്കിടയിൽ ഏറെ സ്വാധീനമുളവാക്കിയ അന്നാ ബെന്നിന് ഇതിലെ സെലീന എന്ന കഥാപാത്രവും ഏറെ അംഗീകാരം ഉറപ്പിക്കാൻ പോന്നതാണ്. ബെന്നി.പി.നായരമ്പലത്തിന്റേതാണ് തിരക്കഥ.
ബെന്നിയുടെ തിരക്കഥയിൽ മകൾ അന്നാ ബെൻ നായികയായി അഭിനയിക്കുന്ന ആദ്യ ചിത്രം കൂടിയാണിത്. കൈതപ്രം,ബി.കെ.ഹരിനാരായണൻ എന്നിവരുടെ വരികൾക്ക് ഹിഷാം അബ്ദുൾ വഹാബ് ഈണം പകർന്നിരിക്കുന്നു. സ്വരൂപ് ഫിലിപ്പ് ഛായാഗ്രഹണം നിർവ്വഹിക്കുന്നു.എഡിറ്റിംഗ് – രഞ്ജൻ ഏബ്രഹാം, കലാസംവിധാനം – ത്യാഗുതവനൂർ.
മേക്കപ്പ് – ഹസ്സൻ വണ്ടൂർ, കോസ്റ്റ്യം -ഡിസൈൻ. കുമാർ എടപ്പാൾ ചീഫ് അസ്സോസ്സിയേറ്റ് ഡയറക്ടർ – സുധീഷ് ചന്ദ്രൻ അസ്സോസ്സിയേറ്റ് ഡയറക്ടർ – അംബു.ആർ.നായർ. പ്രൊഡക്ഷൻ മാനേജർ – അനീഷ് ചന്ദ്രൻ, പ്രൊഡക്ഷൻ എക്സിക്കുട്ടിവ് – അബിൻ എടവനക്കാട് . പ്രൊഡക്ഷൻ കൺട്രോളർ- ഷാഫി ചെമ്മാട് . ഡിസൈൻ – കൊളിൻസ് ലിയോഫിൽ, എക്സിക്കുട്ടീവ് പ്രൊഡ്യൂസർ – പ്രേംലാൽ.കെ.കെ.
