ഷാഫിയുടെ സംവിധാനത്തിൽ ഒരുങ്ങുന്ന ഫാമിലി, ഹ്യൂമർ, എന്റെർടൈനറായ ‘ആനന്ദം പരമാനന്ദം’ ചിത്രത്തിലെ ‘അക്കരെ നിക്കണ’ എന്ന ആദ്യ ലിറിക്‌സ് വീഡിയോ ഗാനം പുറത്തിറങ്ങി. ഷറഫുദ്ധീൻ, ഇന്ദ്രൻസ് എന്നിവരാണ് ചിത്രത്തിൽ കേന്ദ്ര കഥാപാത്രത്തിലെത്തുന്നത്. ഇതിന് പുറമേ അജു വർഗീസ്, ബൈജു സന്തോഷ്, സാദിഖ്, സിനോയ് വർഗീസ്, ഒ.പി. ഉണ്ണികൃഷ്ണൻ, നിഷ സാരംഗ്, അനഘ നാരായണൻ എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്.
ഔദ്യോഗിക ജീവിതത്തിൽ നിന്നും വിരമിച്ച് വിശ്രമ ജീവിതത്തിലേക്കു കടന്ന പോസ്റ്റ്മാൻ ദിവാകരക്കുറുപ്പ്, വിവാഹം കഴിക്കാനുള്ള സ്വപ്നവുമായി ഗൾഫിൽ നിന്നും എത്തുന്ന പി.പി. ഗിരീഷ് എന്ന യുവാവിനേയും കേന്ദ്രീകരിച്ചാണ് ഈ ചിത്രത്തിൻ്റെ പ്രമേയം. ‘പഞ്ചവർണ്ണത്തത്ത’, ‘ആനക്കള്ളൻ’ എന്നീ ചിത്രങ്ങൾക്കു ശേഷം സപ്തതരംഗ് ക്രിയേഷൻസിൻ്റെ ബാനറിൽ ഒ.പി. ഉണ്ണികൃഷ്ണൻ, സന്തോഷ് വള്ളക്കാലിൽ, ജയഗോപാൽ, പി.എസ്. പ്രേമാനന്ദൻ, കെ. മധു എന്നിവർ ചേർന്ന് നിർമ്മിക്കുന്ന ഈ ചിത്രത്തിൻ്റെ തിരക്കഥ എം. സിന്ധുരാജ് ആണ്.
പാലക്കാട് ജില്ലയിലെ കൊല്ലങ്കോടും പരിസരങ്ങളിലുമായിട്ടാണ് ഈ ചിത്രത്തിൻ്റെ ചിത്രീകരണം പൂർത്തികരിച്ചത്. ‘ആനന്ദം പരമാനന്ദം’ ഉടൻ തിയ്യേറ്ററുകളിൽ എത്തുന്നതാണ്. ‘തിങ്കളാഴ്ച്ച നിശ്ചയം’ ഫെയിം അനഘ നാരായണനാണ് നായിക. മനു മഞ്ജിത്തിൻ്റെ വരികൾക്ക് ഷാൻ റഹ്മാൻ ഈണം പകരുന്നു. ഛായാഗ്രഹണം- മനോജ് പിള്ള, എഡിറ്റർ- വി. സാജൻ, കല- അർക്കൻ, മേക്കപ്പ്- പട്ടണം റഷീദ്, കോസ്റ്റ്യൂം ഡിസൈൻ- സമീറാ സനീഷ്, ചീഫ് അസ്സോസ്സിയേറ്റ് ഡയറക്ടർ- റിയാസ്, അസ്സോസ്സിയേറ്റ് ഡയറക്ടർ- രാജീവ് ഷെട്ടി, പ്രൊഡക്ഷൻ മാനേജേഴ്‌സ് – ശരത്, അന്ന. പ്രൊഡക്ഷൻ എക്‌സിക്കുട്ടീവ്- ബാബുരാജ് മനിശ്ശേരി, പ്രൊഡക്ഷൻ കൺട്രോളർ- ഡിക്‌സൻ പൊടുത്താസ്. സപ്തത തരംഗ് റിലീസ് ഈ ചിത്രം പ്രദർശനത്തിനെത്തിക്കുന്നു.
