നരേൻ, ജോജു ജോർജ്, ഷറഫുദീൻ, ആനന്ദി, പവിത്ര ലക്ഷ്മി തുടങ്ങിയവർ കേന്ദ്ര കഥാപാത്രങ്ങളായി എത്തുന്ന അദൃശ്യം ചിത്രത്തിൻ്റെ ട്രെയിലർ പുറത്ത് വിട്ടു. നവാഗതനായ സാക് ഹാരിസ് സംവിധാനം ചെയ്യുന്ന ചിത്രം നവംബർ 18 വെള്ളിയാഴ്ച തീയേറ്ററുകളിലെത്തും.
മലയാളം, തമിഴ് ഭാഷകളിൽ ഒരേസമയം ചിത്രീകരണം നടത്തിയ സിനിമ ഫോറൻസിക്, കള എന്നീ ചിത്രങ്ങൾ നിർമിച്ച ജുവിസ് പ്രൊഡക്ഷനും യുഎഎൻ ഫിലിം ഹൗസ്, എഎഎആർ പ്രൊഡക്ഷൻസ് എന്നിവരും ചേർന്നാണ് നിർമിക്കുന്നത്. ചെന്നൈ,പോണ്ടിച്ചേരി എന്നിവിടങ്ങളിലാണ് ചിത്രീകരണം പൂർത്തിയാക്കിയത്.
അതേസമയം, അദൃശ്യത്തിൻ്റെ തമിഴ് പതിപ്പിന് യുഗി എന്നാണ് പേര് നൽകിയിരിക്കുന്നത്. പരിയേറും പെരുമാൾ ഫെയിം കതിർ, നരേയ്ൻ, നട്ടി നടരാജൻ തുടങ്ങിയവരാണ് തമിഴിൽ കേന്ദ്രകഥാപാത്രങ്ങളെ അവതരിപ്പിക്കുന്നത്. ചെന്നൈയിലും പോണ്ടിച്ചേരിയിലുമായാണ് ചിത്രീകരണം പൂർത്തിയാക്കിയത്.
