അനൂപ് പന്തളം ആദ്യമായി തിരക്കഥയെഴുതി സംവിധാനം ചെയ്യുന്ന ‘ഷെഫീഖിൻ്റെ സന്തോഷം’ എന്ന ചിത്രത്തിൻ്റെ ഒഫീഷ്യൽ ടീസർ പുറത്ത് വിട്ടു. ഉണ്ണിമുകുന്ദൻ, മനോജ് കെ. ജയൻ, ബാല, ദിവ്യ പിള്ള, ആത്മീയ രാജൻ എന്നിവരാണ് ചിത്രത്തിൻ്റെ പ്രധാന കഥാപാത്രങ്ങളായി എത്തുന്നത്. ഇവരെ കൂടാതെ ഷഹീൻ സിദ്ധിക്ക്, മിഥുൻ രമേഷ്, കൃഷ്ണ പ്രസാദ്, ബോബൻ സാമുവൽ, ഹരീഷ് പേങ്ങൻ, അസീസ് നെടുമങ്ങാട്, പൊള്ളാച്ചി രാജാ, ജോർഡി പൂഞ്ഞാർ, സ്മിനു സിജോ, ഗീതി സംഗീത തുടങ്ങിയ പ്രമുഖരും ചിത്രത്തിൽ അണിനിരക്കുന്നുണ്ട്.
നവംബർ 25നാണ് ‘ഷെഫീഖിൻ്റെ സന്തോഷം’ പ്രദർശനത്തിനെത്തുന്നത്. ‘മേപ്പടിയാൻ’ എന്ന സൂപ്പർഹിറ്റ് ചിത്രത്തിനു ശേഷം ഉണ്ണിമുകുന്ദൻ ഫിലിംസിൻ്റെ ബാനറിൽ ഉണ്ണിമുകുന്ദൻ ആണ് നിർമ്മാണം. ‘എ ഫൺ റിയലസ്റ്റിക് മൂവി’ എന്ന് വിശേഷിപ്പിക്കുന്ന ഈ ചിത്രത്തിൻ്റെ ഛായാഗ്രഹണം എൽദൊ ഐസക് ആണ്. മനു മഞ്ജിത്, ഡോക്ടർ ഇക്ബാൽ കുറ്റിപ്പുറം, ഉണ്ണിമുകുന്ദൻ എന്നിവരുടെ വരികൾക്ക് ഷാൻ റഹ്മാൻ സംഗീതം പകർന്നിരിക്കുന്നു.
എഡിറ്റർ- നൗഫൽ അബ്ദുള്ള, ലൈൻ പ്രൊഡ്യൂസർ- വിനോദ് മംഗലത്ത്, പ്രൊഡക്ഷൻ ഡിസൈനർ- ശ്യാം കാർത്തികേയൻ, മേക്കപ്പ്- അരുൺ ആയൂർ, വസ്ത്രാലങ്കാരം- അരുൺ മനോഹർ, സ്റ്റിൽസ്- അജി മസ്‌ക്കറ്റ്, പരസ്യകല- മാ മി ജോ, ചീഫ് അസോസിയേറ്റ് ഡയറക്ടർ- രാകേഷ് കെ രാജൻ, പ്രൊമോഷൻ കൺസൾട്ടന്റുന്റ്- വിപിൻ കുമാർ, പ്രൊഡക്ഷൻ മാനേജർ- രഞ്ജിത് എം വി, പി ആർ ഒ- എ എസ് ദിനേശ്.
https://www.facebook.com/IamUnniMukundan/posts/pfbid02U7tiqbjEfVjbZgWMA8LsXJAmzFmFySTCsgWLgm765thB5rxt9sufo1AR1F2Gc4h4l
