സംവിധായകനും നടനുമായ റോഷൻ ആൻഡ്രൂസ് ബോളിവുഡിലേയ്ക്ക് ചുവടുവെയ്ക്കാനൊരുങ്ങി. സൂപ്പർ താരം ഷാഹിദ് കപൂർ നായകനാകുന്ന ചിത്രത്തിലാണ് റോഷൻ ആൻഡ്രൂസ് തന്റെ അരങ്ങേറ്റം കുറിക്കുന്നത്. ബോബി സഞ്ജയ് ആണ് സിനിമയുടെ തിരക്കഥ. ഹിന്ദിയിൽ സംഭാഷണമെഴുതുന്നത് ഹുസൈൻ ദലാൽ ആണ്. ഇന്ത്യൻ സിനിമയിലെ പ്രതിഭകളാണ് ചിത്രത്തിന്റെ അണിയറയിലും പ്രവർത്തിക്കുന്നത്.
ഇന്ത്യയിലെ പ്രമുഖ നിർമാതാക്കളിലൊരാളായ സിദ്ധാർഥ് റോയ് കപൂർ ആണ് ചിത്രത്തിന്റെ നിർമ്മാണം വഹിക്കുന്നത്. സിനിമയുടെ പ്രി പ്രൊഡക്ഷൻ ഈ മാസം ആരംഭിക്കുമെന്ന് അണിയറ പ്രവർത്തകർ അറിയിച്ചു. മാർച്ച് മാസത്തോടെ ചിത്രീകരണം ആരംഭിക്കും. മുംബൈ പൊലീസ്, നോട്ട് ബുക്ക്, കായംകുളം കൊച്ചുണ്ണി, ഹൗ ഓൾഡ് ആർ യു തുടങ്ങി ഓരോ സിനിമയിലും തന്റേതായ കയ്യൊപ്പ് പതിപ്പിച്ച സംവിധായകനായ റോഷൻ ആൻഡ്രൂസിന്റെ ബോളിവുഡ് അരങ്ങേറ്റം ആരാധകരും അക്ഷമയോടെ കാത്തിരിക്കുകയാണ്.
”ഞാൻ ഹിറ്റുകളും ശരാശരി സിനിമകളും പരാജയപ്പെട്ട സിനിമകളും സൃഷ്ടിച്ചിട്ടുണ്ട്. പക്ഷേ വ്യത്യസ്തയാർന്ന സിനിമകൾ ഒരുക്കുന്നതിലും നിന്നും ഒരിക്കലും പിന്മാറിയിട്ടില്ല. എന്നെ സ്വീകരിച്ചതിലും പ്രചോദിപ്പിക്കുന്നതിലും നന്ദി. ഞാൻ തിരിച്ചുവരുമെന്നും റോഷൻ ആൻഡ്രൂസ് പ്രതികരിച്ചു.
