റോഷാക്ക് എന്ന ഹിറ്റ് ചിത്രത്തിന് ശേഷം മെഗാസ്റ്റാർ മമ്മൂട്ടിയുടേതായി അണിയറയിൽ ഒരുങ്ങുന്ന ചിത്രമാണ് കാതൽ. തെന്നിന്ത്യൻ സുന്ദരി ജ്യോതികയാണ് ചിത്രത്തിൽ നായികയായി എത്തുന്നത്. നീണ്ട 12 വർഷങ്ങൾക്ക് ശേഷം ജ്യോതിക മലയാളത്തിൽ എത്തുന്ന പ്രത്യേകതയും കാതൽ എന്ന ചിത്രത്തിനുണ്ട്. നേരത്തെ ചിത്രത്തിൻ്റെ ഫസ്റ്റ് ലുക്ക് പോസ്റ്ററും മറ്റും പ്രേക്ഷകർക്കിടയിൽ വൈറലാണ്. കാതൽ ചിത്രത്തിന്റെ ഷൂട്ടിംഗ് സെറ്റിൽ നടി ജ്യോതികയുടെ ഭർത്താവും നടനുമായ സൂര്യയും എത്തിയതിൻ്റെ ചിത്രങ്ങളും വൈറലായിരുന്നു.
ഇപ്പോൾ, കുഞ്ഞുങ്ങൾക്കൊപ്പം സമയം ചെലവിടുന്ന മമ്മൂട്ടിയുടെ ലൊക്കേഷൻ വീഡിയോയാണ് വൈറാലാകുന്നത്. ഇവ മിറിയം എന്ന കൊച്ചു കുട്ടിയാണ് താരത്തിനൊപ്പം കളിക്കുന്നത്. അമ്മ സിൻസി അനിലിനൊപ്പം കാതൽ സിനിമയുടെ ലൊക്കേഷനിലെത്തിയതാണ് ഈ മിടുക്കി. തൻ്റെ മകൾ മമ്മൂട്ടിക്കൊപ്പം കളിക്കുകയും ചിരിക്കുകയും ചെയ്യുന്ന വിശേഷം സിൻസി തന്നെയാണ് ഫേസ്ബുക്കിലൂടെ പങ്കിട്ടത്. ഇവയ്ക്ക് ഒപ്പം മറ്റ് കുട്ടികളും ലൊക്കേഷനിൽ ഉണ്ടായിരുന്നു.
ചോക്ലേറ്റ് നൽകിയാണ് മമ്മൂട്ടി കുഞ്ഞുങ്ങളെ യാത്രയാക്കിയത്. ഇന്നെൻ്റെ മകൾക്കു അറിയില്ല… അവൾ ചേർന്ന് നിൽക്കുന്നതും ഓടി ചെന്ന് ചെവിയിൽ സ്വകാര്യം പറയുന്നതും അവളെ തലോടുന്നതും ചിരിപ്പിക്കുന്നതും ആയ ആ വ്യക്തിത്വം ആരാണെന്നും എന്താണെന്നും, നാളെ അവളിത് അഭിമാനത്തോടെ കാണും. ജീവിതയാത്രയിൽ ഒരു നിധി പോലെ സൂക്ഷിക്കുമെന്ന് വീഡിയോ പങ്കുവെച്ച് സിൻസി കുറിച്ചു.
കുറിപ്പ്;
ഇന്നെൻ്റെ മകൾക്കു അറിയില്ല… അവൾ ചേർന്ന് നിൽക്കുന്നതും ഓടി ചെന്ന് ചെവിയിൽ സ്വകാര്യം പറയുന്നതും അവളെ തലോടുന്നതും ചിരിപ്പിക്കുന്നതും ആയ ആ വ്യക്തിത്വം ആരാണെന്നും എന്താണെന്നും…❤🥰
നാളെ അവളിത് അഭിമാനത്തോടെ കാണും..ജീവിതയാത്രയിൽ ഒരു നിധി പോലെ സൂക്ഷിക്കും…❤
ഈ വീഡിയോ പകർത്തുമ്പോൾ എനിക്ക് അവളുടെ പ്രായത്തിലേക്ക് ഒന്ന് മടങ്ങി പോകനായിരുന്നുവെങ്കിലെന്നു ആത്മാർഥമായി ആഗ്രഹിച്ചു പോയി…❤
https://www.facebook.com/shawn.sincy.3/videos/1136400180600492/
