2018ൽ കേരളത്തെ നടുക്കിയ മഹാപ്രളയം സിനിമയാകുന്നു. 2018 എന്ന പേരിലാണ് ചിത്രം എത്തുന്നത്. മലയാള സിനിമാ ലോകത്തെ വൻ താരനിരയാണ് ചിത്രത്തിൽ അണിനിരക്കുന്നത്. ജൂഡ് ആന്തണി ജോസഫാണ് സംവിധാനം ചെയ്യുന്നത്. ഇദ്ദേഹം തന്നെയാണ് തിരക്കഥയും. യുവനോവലിസ്റ്റുകളിൽ ശ്രദ്ധേയനായ അഖിൽ പി ധർമജൻ ആണ് സഹ രചയിതാവ്.
ചിത്രത്തിൻ്റെ ടൈറ്റിൽ പോസ്റ്റർ പൃഥ്വിരാജും ഫഹദ് ഫാസിലും ഉൾപ്പടെയുള്ള താരങ്ങൾ തങ്ങളുടെ പേജുകളിലൂടെ പങ്കുവെയ്ക്കുന്നുണ്ട്. ടൊവിനോ തോമസ്, കുഞ്ചാക്കോ ബോബൻ, ആസിഫ് അലി, വിനീത് ശ്രീനിവാസൻ, കലൈയരസൻ, നരേൻ, ലാൽ, ഇന്ദ്രൻസ്, അജു വർഗീസ്, അപർണാ ബാലമുരളി, തൻവി റാം, ശിവദ ഗൗതമി നായർ എന്നിവരാണ് പ്രധാന വേഷങ്ങളിലെത്തുന്നത്.
അഖിൽ ജോർജ് ഛായാഗ്രഹണവും ചമൻ ചാക്കോ എഡിറ്റിങ്ങും നിർവഹിക്കുന്നു. സൂപ്പർഹിറ്റ് കന്നഡ ചിത്രമായ 777 ചാർലിയിലൂടെ ശ്രദ്ധേയനായ നോബിൻ പോൾ ആണ് ചിത്രത്തിൻ്റെ സംഗീത സംവിധാനം.പ്രൊഡക്ഷൻ ഡിസൈൻ -മോഹൻദാസ്. സൗണ്ട് ഡിസൈൻ ആൻഡ് മിക്സ് -വിഷ്ണു ഗോവിന്ദ്. കോസ്റ്റിയൂം ഡിസൈൻ -സമീറ സനീഷ്.
ലൈൻ പ്രൊഡ്യൂസർ -ഗോപകുമാർ.ജി.കെ. പ്രൊഡക്ഷൻ കൺട്രോളർ -ശ്രീകുമാർ ചെന്നിത്തല. ചീഫ് അസോ.ഡയറക്ടർ -സൈലക്സ് എബ്രഹാം. സ്റ്റിൽസ് -സിനത് സേവ്യർ. വി.എഫ്.എക്സ് -മൈൻഡ്സ്റ്റീൻ സ്റ്റുഡിയോസ്. ടൈറ്റിൽ ഡിസൈൻ -ആന്റണി സ്റ്റീഫൻ. ഡിസൈൻസ് -ഏസ്തെറ്റിക്ക് കുഞ്ഞമ്മ.
