ബോളിവുഡ് സുന്ദരി കത്രീന കൈഫ് നായികയാകുന്ന ഫോൺ ഭൂത് ചിത്രത്തിൻ്റെ തീം സോംഗ് പുറത്ത്. കത്രീനയ്ക്ക് പുറമെ, ഇഷാൻ ഖട്ടർ, സിദ്ദാർത് ചതുർവേദി എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്. ഗുർമീത് സിംഗ് ആണ് ചിത്രത്തിൻ്റെ സംവിധാനം.
നവംബർ നാലിനാണ് ഫോൺ ഭൂതിൻ്റെ റിലീസ്. ഈ വേളയിലാണ് തീം സോംഗ് പുറത്ത് വിട്ടിരിക്കുന്നത്. പേടിപ്പിക്കുന്നതും രസിപ്പിക്കുന്നതും ആയിരിക്കും ചിത്രമെന്നാണ് വിവരം. രവി ശങ്കരൻ, ജസ്വിന്ദർ സിംഗ് എന്നിവരാണ് രചന നിർവ്വഹിച്ചിരിക്കുന്നത്. കെ യു മോഹനനാണ് ചിത്രത്തിൻ്റെ ഛായാഗ്രാഹണം നിർവഹിക്കുന്നത്. ശിവം ഗൗർ ആണ് ചിത്രത്തിൻ്റെ സംഗീത സംവിധായകൻ.
ഫോൺ ഭൂതിന് പുറമെ, ‘മേരി ക്രിസ്മസ്’ എന്ന ചിത്രവും കത്രീന കൈഫിന്റേതായി റിലീസ് ചെയ്യാനുണ്ട്. ശ്രീരാം രാഘവൻ ആണ് ചിത്രം സംവിധാനം ചെയ്യുന്നത്. വിജയ് സേതുപതിയാണ് ചിത്രത്തില് നായകനായി അഭിനയിക്കുന്നത്. സഞ്ജയ് കപൂർ, ടിന്നു ആനന്ദ്, വിനയ് പതക്, പ്രതിമ കസ്മി, രാധിക ശരത്കുമാർ, കവിൻ ജയ് ബാബു, ഷൺമുഖരാജൻ എന്നിവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്.
