അജിത് കുമാർ നായകനായി എത്തുന്ന തുനിവ് ചിത്രത്തിന് വേണ്ടി സ്വന്തം ശബ്ദദത്തിൽ തന്നെ ഡബ്ബ് ചെയ്ത് ലേഡീ സൂപ്പർ സ്റ്റാർ മഞ്ജു വാരിയർ. വലിമൈയ്ക്കു ശേഷം എച്ച്. വിനോദും അജിത്തും ഒന്നിക്കുന്ന ചിത്രമാണ് തുനിവ്. മഞ്ജു തന്നെയാണ് ഡബ്ബിംഗ് ചിത്രം ഫേസ്ബുക്കിലൂടെ പങ്കുവെച്ചത്. തിരക്കഥ എച്ച് വിനോദ് തന്നെയാണ്. മഞ്ജുവാണ് ചിത്രത്തിൽ നായികയായി എത്തുന്നത്.
വീര, സമുദ്രക്കനി, ജോൺ കൊക്കെൻ, തെലുങ്ക് നടൻ അജയ് തുടങ്ങിയവരാണ് ചിത്രത്തിൽ എത്തുന്ന മറ്റ് താരങ്ങൾ. ബോണി കപൂറാണ് ചിത്രം നിർമിക്കുന്നത്. നേരത്തെ ധനുഷ് ചിത്രം അസുരനു വേണ്ടിയും മഞ്ജു തന്നെയായിരുന്നു തമിഴിൽ ഡബ്ബ് ചെയ്തത്. മഞ്ജു വാരിയർ അഭിനയിക്കുന്ന രണ്ടാമത്തെ ചിത്രം കൂടിയാണ് തുനിവ്. നിരവ് ഷാ ആണ് ചിത്രത്തിൻ്റെ ഛായാഗ്രാഹണം. വിജയ് വേലുക്കുട്ടിയാണ് ചിത്രസംയോജനം.
എച്ച്. വിനോദ് തന്നെയാണ് തിരക്കഥയും എഴുതുന്നത്. ബോണി കപൂർ ആണ് നിർമാണം. ചിത്രം പൊങ്കൽ റിലീസ് ആയി തിയറ്ററുകളിലെത്തും. നേരത്തെ ചിത്രത്തിൻ്റെ ഒടിടി പാർട്‌ണേഴ്‌സിന്റെയടക്കമുള്ള വിവരങ്ങൾ പുറത്ത് വിട്ടിരുന്നു. തീയേറ്റർ റിലീസിന് ശേഷം നെറ്റ്ഫ്‌ളിക്‌സിലൂടെയാണ് ചിത്രം കൂടുതൽ പ്രേക്ഷകരിലേയ്ക്ക് എത്തുന്നത്. തനിവിൻ്റെ പോസ്റ്ററുകളിലും മറ്റും സൈബറിടത്ത് വൈറലായിരുന്നു.
