അടുത്തിടെ ഏറെ ചർച്ചയായതും പ്രേക്ഷകർ ഒന്നടങ്കം കാത്തിരുന്ന ഒന്നായിരുന്നു ലിജോ ജോസ് പെല്ലിശേരിയും താരരാജ് മോഹൻലാലും ഒന്നിക്കുന്നു എന്ന വാർത്ത. ഷിബു ബേബി ജോണിൻ്റെ ജോൺ ആൻഡ് മേരി ക്രിയേറ്റീവ്‌സാണ് രസകരമായ പോസ്റ്റർ ഫേസ്ബുക്കിലൂടെ പങ്കുവെച്ചതോടെയാണ് ഈ അഭ്യൂഹങ്ങൾക്ക് കാരണമായത്. മോഹൻലാലിൻ്റെ മീശയും ലിജോ ജോസ് പെല്ലിശേരിയുടെ ബാഗും അടങ്ങിയ ചിത്രമാണ് ആരാധകരെ കുഴപ്പിക്കുന്ന അഭ്യൂഹത്തിലേയ്ക്ക് വഴിവെച്ചത്.
ഇപ്പോൾ ഈ കൂട്ടുകെട്ട് ഔദ്യോഗികമായി പ്രഖ്യാപിച്ചിരിക്കുകയാണ് താരരാജാവ് മോഹൻലാൽ. തൻ്റെ അടുത്ത സിനിമ ഇന്ത്യൻ സിനിമയിലെ തന്നെ ഏറ്റവും മികച്ച സംവിധായകനായ ലിജോ ജോസിനൊപ്പമാണെന്നും അദ്ദേഹത്തിനൊപ്പം ഒന്നിക്കുന്നതിൽ അതിയായ സന്തോഷമുണ്ടെന്നും മോഹൻലാൽ പറഞ്ഞു.
ലിജോ ജോസിനൊപ്പം നിൽക്കുന്ന ചിത്രങ്ങളും മോഹൻലാൽ ഫേസ്ബുക്കിലൂടെ പങ്കുവെച്ചിട്ടുണ്ട്. ഷിബു ബേബി ജോണിൻ്റെ ഉടമസ്ഥതയിലുള്ള ജോൺ ആൻഡ് മേരി ക്രിയേറ്റീവും മാക്‌സ്‌ലാബും സെഞ്ച്വുറി ഫിലിംസും ചേർന്നാകും ചിത്രം നിർമിക്കുക. സിനിമയുടെ പേരും മറ്റ് അണിയറക്കാരുടെ വിവരങ്ങളുടെയും പ്രഖ്യാപനം അടുത്തുതന്നെ ഉണ്ടാകും.
