മലയാളി പ്രേക്ഷകരിൽ ആവേശം തീർക്കാൻ പടവെട്ട് നാളെ തീയേറ്ററുകളിലേയ്ക്ക്. പിറന്ന മണ്ണിൽ ജീവിക്കാനായി മനുഷ്യൻ നടത്തുന്ന അതിജീവനമാണ് ചിത്രത്തിൽ പ്രേമയമാകുന്നത്. ലിജു കൃഷ്ണൻ എഴുതി സംവിധാനം ചെയ്യുന്ന ചിത്രം മാലൂർ എന്ന ഗ്രാമത്തിലെ കർഷകരുടെ ജീവിതത്തിലൂടെയാണ് ചിത്രം കടന്നുപോകുന്നത്.
നമ്മുടെ മണ്ണ്, നമ്മുടെ നാട്, നമ്മുടെ വീട്, നമ്മുടെ വയൽ നമ്മൾക്ക് എന്ന് പറഞ്ഞു വയ്ക്കുന്ന ചിത്രത്തിൽ നിവിൻ പോളി കോറോത്ത് രവി എന്ന കഥാപാത്രത്തെയാണ് അവതരിപ്പിക്കുന്നത്. ചിത്രത്തിൽ നിവിനെ കൂടാതെ ഷമ്മി തിലകൻ, ഷൈൻ ടോം ചാക്കോ, അദിതി ബാലൻ, രമ്യ സുരേഷ്, ഇന്ദ്രൻസ്, ദാസൻ കോങ്ങാട്, സുധീഷ് തുടങ്ങിയവരും പ്രധാന കഥാപാത്രത്തിലെത്തുന്നുണ്ട്.
നിവിൻ പോളിയുടെ ഇതുവരെ കാണാത്ത പ്രകടനം തന്നെയാണ് ചിത്രത്തിൻ്റെ മുഖ്യ ആകർഷണം. ഗോവിന്ദ് വസന്തയുടെ സംഗീതവും ഇതിനകം തന്നെ പ്രേക്ഷക പ്രീതി നേടികഴിഞ്ഞു. സണ്ണി വെയ്ൻ പ്രൊഡക്ഷൻസിൻ്റെ സഹകരണത്തിൽ സാരിഗമ നിർമ്മിക്കുന്ന ചിത്രം എഴുതി സംവിധാനം ചെയ്യുന്നത് ലിജു കൃഷ്ണൻ ആണ്. അദിതി ബാലൻ, ഷമ്മി തിലകൻ, ഷൈൻ ടോം ചാക്കോ, ഇന്ദ്രൻസ് തുടങ്ങിയവരും ചിത്രത്തിൽ അഭിനയിക്കുന്നുണ്ട്.
