പ്രശസ്‌ത്ര ഇംഗ്ലീഷ് ചലച്ചിത്ര പരമ്പരയായ ഹാരി പോട്ടറിലെ ഹാഗ്രിഡ് എന്ന കഥാപാത്രത്തെ അവതരിപ്പിച്ച നടൻ റോബി കോൾട്രെയ്ൻ അന്തരിച്ചു. സ്കോട്ടിഷ് താരമായിരുന്ന റോബിക്ക് 72 വയസായിരുന്നു. കോൾട്രയ്‌ൻ്റെ ഏജന്റായ ബെലിൻഡ റൈറ്റാണ് കോൾട്രയ്‌ൻ്റെ മരണവാർത്ത പുറത്തുവിട്ടത്. സ്കോട്ലൻഡിലെ ഒരു ആശുപത്രിയിൽ വച്ചായിരുന്നു അന്ത്യം. മരണകാരണം വ്യക്തമല്ല.
ഹാഗ്രിഡ് എന്ന അധ്യാപക കഥാപാത്രത്തിലൂടെ ലോകത്താകമാനമുള്ള കുട്ടികളുടെയും മുതിർന്നവരുടെയും മനസ്സിൽ ഇടാൻ നേടിയ കലാകാരനാണ് റോബി കോൾട്രെയ്ൻ. 1990-കളിലെ ക്രാക്കർ എന്ന പരമ്പരയിൽ ഡിറ്റക്ടീവായി അഭിനയിച്ച് പ്രശസ്തി നേടിയ റോബി കോൾട്രെയ്ൻ ക്രാക്കറിലെ അഭിനയത്തിന് മൂന്ന് വർഷം തുടർച്ചയായി ബ്രിട്ടീഷ് അക്കാദമി ടെലിവിഷൻ അവാർഡുകളിൽ മികച്ച നടനുള്ള പുരസ്‌കാരം കരസ്ഥമാക്കി. ജെയിംസ് ബോണ്ട് ത്രില്ലറായ ഗോൾഡൻ ഐ, ദി വേൾഡ് ഈസ് നോട്ട് ഇനഫ് എന്നിവയാണ് മറ്റു ശ്രദ്ധേയമായ ചിത്രങ്ങൾ.
