കുങ്കുമപ്പൂവ് എന്ന പരമ്പരയിലൂടെ അഭിനയ ലോകത്തേക്ക് എത്തിയ താരമാണ് ആശ ശരത്ത്. പിന്നീട് അഭിനയ മികവ് കൊണ്ട് സിനിമ ലോകത്ത് നടി ചുവടുറപ്പിച്ചു. ദൃശ്യം എന്ന മോഹൻലാൽ ചിത്രമാണ് നടിയുടെ ജീവിതത്തിലെ ബ്രേക്ക്‌ ത്രൂ ആയത്. ചിത്രത്തിലെ പോലീസ് വേഷം ആശയെ കൂടുതൽ പ്രിയങ്കരിയാക്കി.
മികച്ച നർത്തകി കൂടിയാണ് ആശ ശരത്ത്. ഇപ്പോൾ നടിയുടെ മകൾ ഉത്തര ശരത്തും സിനിമ ലോകത്തേക്ക് എത്തിയിരിക്കുകയാണ്. ഇരുവരും ഒന്നിച്ചാണ് സിനിമയിൽ എത്തുന്നത് എന്ന പ്രത്യേകത കൂടിയുണ്ട്. ഖെദ്ദ എന്ന മലയാള ചിത്രത്തിലൂടെയാണ് ഉത്തര എത്തുന്നത്. ചിത്രത്തിൻ്റെ ടീസർ പുറത്തിറങ്ങി. മകൾ ഒരുമിച്ചു എത്തുന്നതിൻ്റെ സന്തോഷവും താരം തൻ്റെ ഇൻസ്റ്റാഗ്രാമിലൂടെ പങ്കുവെക്കുന്നുണ്ട്.
അമ്മ മകൾ ബന്ധത്തിലെ വൈകാരിക മുഹൂർത്തങ്ങളും അവിചാരിതമായി കുടുംബ ബന്ധങ്ങളിൽ സംഭിവിക്കുന്ന ചില വെല്ലുവിളികളുമൊക്കെയാണ് ചിത്രത്തിൻ്റെ ഇതിവൃത്തം. ബെൻസി പ്രൊഡക്ഷൻസിൻ്റെ ബാനറിൽ കെ വി അബ്ദുൽ നാസർ നിർമ്മിച്ച ചിത്രത്തിൻ്റെ രചനയും സംവിധാനവും നിർവഹിച്ചത് മനോജ് കാനയാണ്. നവംബർ അവസാനത്തോടു കൂടി ചിത്രം പുറത്തിറങ്ങുമെന്നാണ് വിവരം.
