വിനീത് ശ്രീനിവാസൻ നായകനാകുന്ന ‘മുകുന്ദനുണ്ണി അസോസിയേറ്റ്സി’ൻ്റെ പോസ്റ്ററുകൾ പുറത്തിറങ്ങി. നവമ്പർ നാലിന് പുറത്തിറങ്ങാനിരിക്കുന്ന ചിത്രത്തിൻ്റെ രണ്ടു പോസ്റ്ററുകളാണ് പുറത്തിറങ്ങിയിരിക്കുന്നത്. ഇതിനോടകം തന്നെ പോസ്റ്ററുകൾ ജനശ്രദ്ധ നേടിക്കഴിഞ്ഞു. അഭിനവ് സുന്ദർ നായക് ആണ് ചിത്രം സംവിധാനം ചെയ്യുന്നത്. കോമഡിക്ക് പ്രാധാന്യം നൽകുന്ന ചിത്രത്തിൽ വിനീത് വക്കീൽ വേഷത്തിലാകും എത്തുക. വേറിട്ട ഫസ്റ്റ് ലുക്ക് പോസ്റ്ററിന് പിന്നാലെ കഥാപാത്രത്തെ വ്യക്തമാക്കുന്ന രണ്ടാമത്തെ പോസ്റ്ററും റിലീസ് ചെയ്തിരിക്കുകയാണ്.
വിമൽ ഗോപാലകൃഷ്‍ണനും സംവിധായകൻ അഭിനവ് സുന്ദർ നായകും ചേർന്നാണ് ചിത്രത്തിൻ്റെ തിരക്കഥ എഴുതിയിരിക്കുന്നത്. ഛായാഗ്രാഹണം നിര്‍വഹിക്കുന്നത് വിശ്വജിത്ത് ഒടുക്കത്തിലാണ്. സുരാജ് വെഞ്ഞാറുംമൂട്, ആസുധികോപ്പ, തൻവിറാം, ജോർജ്ജ് കോര, മണികണ്ഠൻ പട്ടാമ്പി, സുധീഷ്, അൽത്താഫ് സലിം, നോബിൾ ബാബു തോമസ്, ബിജു സോപാനം, റിയാസെറ, വിജയൻ കാരന്തൂർ തുടങ്ങിയവരാണ് മറ്റ് പ്രധാന അഭിനേതാക്കൾ.
