മമ്മൂട്ടിയുടെ ത്രില്ലർ സിനിമയായ റോഷാക്കിൻ്റെ റിലീസ് തിയതി പ്രഖ്യാപിച്ചു. ഒക്ടോബർ ഏഴിനാണ് ചിത്രത്തിൻ്റെ റിലീസ് തീരുമാനിച്ചിരിക്കുന്നത്. ചിത്രത്തിൻ്റെ ലോകമെമ്പാടുമുള്ള റിലീസ് ഡേറ്റ് മമ്മൂട്ടി സാമൂഹ്യ മാധ്യമത്തിലൂടെ പങ്കുവച്ചു. ‘കെട്ട്യോളാണെൻ്റെ മാലാഖ’യ്ക്ക് ശേഷം നിസാം ബഷീര്‍ സംവിധാനം ചെയ്യുന്ന ചിത്രത്തിൻ്റെ സെൻസറിങ് പൂർത്തിയായി. മമ്മൂട്ടി കമ്പനിയാണ് ചിത്രത്തിൻ്റെ നിർമാണം. ഷറഫുദ്ദീന്‍, ജഗദീഷ്, ഗ്രേസ് ആൻ്റണി, ബിന്ദു പണിക്കര്‍, സഞ്ജു ശിവറാം, കോട്ടയം നസീര്‍, ബാബു അന്നൂര്‍ , മണി ഷൊര്‍ണ്ണൂര്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
സമീർ അബ്ദുൽ തിരക്കഥയെഴുതിയ ചിത്രത്തിൽ നിമിഷ് രവിയാണ് ഛായാഗ്രഹണം നിർവഹിക്കുക. ചിത്രസംയോജനം കിരണ്‍ ദാസ്, സംഗീതം മിഥുന്‍ മുകുന്ദന്‍, കലാസംവിധാനം ഷാജി നടുവില്‍, പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍, ചമയം റോണക്‌സ് സേവ്യര്‍ ആൻഡ് എസ്സ് ജോര്‍ജ്, വസ്ത്രാലങ്കാരം സമീറ സനീഷ്, പ്രൊഡക്ഷന്‍ ഡിസൈനര്‍ ബാദുഷ എന്നിവരാണ് അണിയറപ്രവര്‍ത്തകര്‍.
