ജന്മസിദ്ധമായ നർമ്മത്തിലൂടെ മലയാളിയെ ചിരിപ്പിച്ച നടന്‍ കെ.റ്റി.എസ് പടന്നയിൽ വിടവാങ്ങി. ഇന്ന് രാവിലെയാണ് അന്തരിച്ചത്. വാർധക്യസഹജമായ അസുഖങ്ങളെ തുടർന്ന് കടവന്തറയിലെ ആശുപത്രിയിൽ ചികിത്സയിലായിരുന്നു. രാജസേനന്റെ അനിയൻ ബാവ ചേട്ടൻ ബാവ എന്ന ചിത്രത്തിലൂടെയാണ് മലയാളസിനിമാ മേഖലയിലേക്ക് അരങ്ങേറ്റം കുറിക്കുന്നത്. ശ്രീ കൃഷ്ണപുരത്തെ നക്ഷത്രതിളക്കത്തിലെ ഹാസ്യ കഥാപാത്രം ഏറെ ശ്രദ്ദിക്കപ്പെട്ടിരുന്നു. ആദ്യത്തെ കണ്മണി, സ്വപ്ന ലോകത്തെ ബാലഭാസ്ക്കർ, അമ്മ അമ്മായിയമ്മ, കുഞ്ഞിരാമായണം, അമർ അക്ബർ അന്തോണി, രക്ഷാധികാരി ബൈജു തുടങ്ങിയ നിരവധി സിനിമകളിൽ ഹാസ്യതാരമായി തിളങ്ങി.
എന്നാൽ സിനിമാലോകത്ത് എത്തുന്നതിനു വളരേ മുന്നേ നാടകവേദികളിൽ സജീവമായിരുന്നു കെ.റ്റി.എസ്. 21-ാം വയസ്സിൽ അദ്ദേഹം സംവിധാനം ചെയ്ത വിവഹദല്ലാൽ എന്ന നാടകത്തിൽ കേന്ദ്ര കഥാപാത്രത്തെ അവതരിപ്പിച്ച് നാടകലോകത്തെയും വിസ്മയിപ്പിച്ചു. ചങ്കൻ‌സെറി ഗീത, വൈകോം മാളവിക, ആറ്റിംഗൽ ഐശ്വര്യ തുടങ്ങി നിരവധി പ്രൊഫഷണൽ നാടകസംഘങ്ങളുടെ നാടകങ്ങളിൽ പ്രധാന വേഷങ്ങൾ ചെയ്തിട്ടുണ്ട്.
നാടകവും സിനിമയുമായുള്ള ദീർഘകാല ബന്ധം ഉണ്ടായിരുന്നിട്ടും, ത്രിപ്പൂണിതുറയിലെ കണ്ണങ്കുലംഗരയിലെ തന്റെ ‘മുരുകൻ കട’ അടച്ചിരുന്നില്ല. ചലച്ചിത്രമേഖലയിൽ നിന്നുള്ള സ്ഥിരമായ വരുമാനത്തിന് ഗ്യാരണ്ടി ഇല്ലാത്തതിനാൽ മുരുകനെന്ന പേരുള്ള മുറുക്കാൻ കടയെയാണ് അദ്ദേഹം ആശ്രയിച്ചിരുന്നത്.
മലയാളിയെ മോണകാട്ടി നിഷ്കളങ്കമായി ചിരിക്കുകയും ചിരിപ്പിക്കുകയും ചെയ്ത ആ അതുല്യപ്രതിഭയ്ക്ക് ഓർമ്മപൂക്കൾ.
