Author: T21 Media

നിപ പ്രതിരോധ പ്രവർത്തനങ്ങൾക്ക് തുരങ്കം വെക്കാൻ കോൺഗ്രസും മാധ്യമങ്ങളും രംഗത്തിറക്കിയ സ്വയം പ്രഖ്യാപിത ആഗോള ആരോഗ്യ വിദഗ്ധൻ എസ് എസ് ലാലിൻ്റെ വിഡ്ഡിത്തങ്ങൾ തുറന്നു കാട്ടി ഡോ. ജിതേഷ് വി വയനാട്. അന്താരാഷ്ട്ര പൊതുജനാരോഗ്യ വിദഗ്ധൻ എന്ന മേലങ്കിയണിഞ്ഞ് എസ് എസ് ലാൽ നിപ വൈറസിനെക്കാൾ മാരകമായി നാട്ടിൽ നുണ വൈറസ് പരത്തുന്നതാണ് പൊതുജനാരോഗ്യ പ്രവർത്തകനും കോഴിക്കോട്ട് നിപ പ്രതിരോധ പ്രവർത്തനങ്ങളുമായി ബന്ധപ്പെട്ട് പ്രവർത്തിക്കുകയും ചെയ്യുന്ന ഡോ. ജിതേഷ് ഫെയ്സ്ബുക്ക് കുറിപ്പിലൂടെ തുറന്നു കാണിക്കുന്നത്. ഫെയ്സ്ബുക്ക് കുറിപ്പിൻ്റെ പൂർണരൂപം: “ഡോ. എസ്‌. എസ്. ലാൽ എന്ന “ഗ്ലോബൽ ” പബ്ലിക്ക് ഹെൽത്ത് വിദഗ്ധനോട് സ്നേഹപൂർവം …….. താങ്കളുടെ ഒരു വോയ്സ് ക്ലിപ്പ് 24 onlive എന്ന പോർട്ടൽ വഴി കേൾക്കാനിടയായി. അതുമായി ബന്ധപ്പെട്ട് ചിലത് പറയട്ടെ: ആദ്യം പൊതുവായ രണ്ട് കാര്യങ്ങൾ:. A1. ഒരു പ്രോഫഷണൽ കോൺഗ്രസ് നേതാവ് എന്ന നിലക്ക് താങ്കൾ എന്ത് തന്നെ പറഞ്ഞാലും ഞാൻ അതിനോട് പ്രതികരിക്കില്ല.…

കേന്ദ്രസർക്കാർ വിഹിതം നൽകാത്തതിനാൽ പ്രതിസന്ധിയിലായ സ്‌കൂൾ ഉച്ചഭക്ഷണ പദ്ധതി മുടക്കമില്ലാതെ തുടരാൻ സംസ്ഥാന സർക്കാർ അടിയന്തിരമായി 81.57 കോടി രൂപ അനുവദിച്ചു. സ്‌കൂൾ ഉച്ചഭക്ഷണ പദ്ധതി മുടങ്ങില്ലെന്നും പദ്ധതി നിർത്തി വെക്കാൻ തീരുമാനമെടുക്കുന്നതിന് ഒരു ഉദ്യോഗസ്ഥനെയും ചുമതലപ്പെടുത്തിയിട്ടില്ലെന്നും പൊതു വിദ്യാഭ്യാസ വകുപ്പ് മന്ത്രി വി ശിവൻകുട്ടി വ്യക്തമാക്കി. നടപ്പുസാമ്പത്തിക വർഷം പദ്ധതിക്കായി കേന്ദ്ര സർക്കാർ നൽകാനുള്ളത്‌ 284.31 കോടി രൂപയാണ്‌. ആദ്യഗഡുവായ 170.59 കോടി രൂപ പോലും നൽകിയിട്ടില്ല. പദ്ധതി മുടങ്ങാതിരിക്കാൻ സംസ്ഥാന വിഹിതത്തിന്റെ പകുതി 81.57 കോടി രൂപയാണ്‌ പൊതുവിദ്യാഭ്യാസ ഡയറക്ടർക്ക്‌ അനുവദിച്ചത്‌. ഇതുപയോഗിച്ച്‌ ജൂൺ–ജൂലൈ മാസത്തെ മുഴുവൻ തുകയും ആഗസ്തിലെ ഒരു വിഹിതവും സ്‌കൂളുകൾക്ക്‌ നൽകും. കേന്ദ്ര വിഹിതം ലഭിക്കുന്ന മുറയ്ക്ക് ബാക്കി തുക വിതരണം ചെയ്യാനാകുമെന്നും മന്ത്രി പറഞ്ഞു. പാചക തൊഴിലാളികളുടെ ഓണറേറിയം : കേന്ദ്രം നിശ്ചയിച്ചത് ആയിരം രൂപ, കേരളം നൽകുന്നത് 13500 സ്കൂൾ ഉച്ചഭക്ഷണ പാചക തൊഴിലാളികൾക്ക് കേന്ദ്ര വിഹിതം അറുന്നൂറ് രൂപയും സംസ്ഥാന…

ദില്ലി: പ്രതിപക്ഷ പാർടികളുടെ കൂട്ടായ്മയായ ഇന്ത്യ സഖ്യം രാജ്യത്തെ 14 മാധ്യമ അവതാരകരെ ബഹിഷ്കരിക്കാൻ തീരുമാനിച്ചു. വർ​ഗീയ വിദ്വേഷം പ്രചരിപ്പിക്കുകയും ബിജെപി വക്താക്കളെന്ന നിലയിൽ പെരുമാറുകയും ചെയ്യുന്നവരെയാണ് മുന്നണി ബഹിഷ്കരിക്കാൻ തീരുമാനിച്ചത്. എല്ലാവരും ഹിന്ദി, ഇംഗ്ലീഷ് വാർത്താ ചാനലുകളിലെ അവതാരകരാണ്. പട്ടികയിൽ അർണാബ് ​ഗോസ്വാമിയും സുധിർ ചൗധരിയും ഉൾപ്പെടുന്നു. ചാനലുകളിൽ പക്ഷപാതപരമായി പെരുമാറുന്ന വാർത്ത അവതാരകരുടെ പട്ടിക തയാറാക്കാൻ ബുധനാഴ്ച ചേർന്ന ഇന്ത്യ സഖ്യത്തിൻറെ ഏകോപന സമിതി തീരുമാനിച്ചിരുന്നു. ഇതിനായി സഖ്യത്തിൻ്റെ മാധ്യമ ഉപസമിതിയെ അധികാരപ്പെടുത്തി. പിന്നാലെയാണ് പട്ടിക പുറത്തുവിട്ടത്. പ്രസ്തുത അവതാരകരുടെ പരിപാടികളിൽ പങ്കെടുക്കില്ലെന്നും പ്രതിനിധികളെ അയയ്ക്കില്ലെന്നുമാണ് മുന്നണിയുടെ തീരുമാനം. കോൺ​ഗ്രസ് നേതാവ് പവൻ ഖേരയാണ് സാമൂഹ്യമാധ്യമങ്ങളിലൂടെ പേരുകൾ പുറത്തുവിട്ടത്. അർണാബ് ഗോസ്വാമി (റിപ്പബ്ലിക്ക് ടിവി) സുധിർ ചൗധരി (ആജ് തക്) അതിഥി ത്യാഗി (ഭാരത് എക്സ്പ്രസ് ) അമൻ ചോപ്ര (ന്യൂസ് 18) അമീഷ് ദേവ്‌ഗൺ ( ന്യൂസ് 18) ആനന്ദ് നരസിംഹൻ (ന്യൂസ് 18 ) അശോക്…

കോഴിക്കോട് ജില്ലയില്‍ വീണ്ടും നിപ്പ വൈറസ് രോഗബാധ സ്ഥിരീകരിച്ചതിനെ തുടര്‍ന്ന് സംസ്ഥാനത്തെ മുഴുവന്‍ ആരോഗ്യസംവിധാനങ്ങളും ജാഗ്രതയിലാണെന്ന് മന്ത്രി വീണാ ജോർജ് നിയമസഭയെ അറിയിച്ചു. കോഴിക്കോട് ജില്ലയില്‍ ആരോഗ്യ ജാഗ്രതാ നിര്‍ദ്ദേശം നല്‍കിയിട്ടുണ്ട്. കണ്ണൂര്‍, വയനാട്, മലപ്പുറം തുടങ്ങിയ സമീപ ജില്ലകളിലും ജാഗ്രത പുലര്‍ത്തണം. നിപ്പ രോഗബാധ സ്ഥിരീകരിച്ച സാഹചര്യത്തില്‍ ചട്ടം 300 അനുസരിച്ച് നിയമസഭയിൽ പ്രസ്താവന നടത്തുകയായിരുന്നു മന്ത്രി. സപ്തംബർ 11 ന് രാവിലെയാണ് കോഴിക്കോട്ടെ സ്വകാര്യ ആശുപത്രിയിലെ അസ്വാഭാവിക പനിക്കേസുകള്‍ ആരോഗ്യ വകുപ്പിന്റെ ശ്രദ്ധയില്‍ പെടുന്നത്. ആരോഗ്യവകുപ്പുമന്ത്രിയുടെ നിര്‍ദ്ദേശത്തിന്റെ അടിസ്ഥാനത്തില്‍ ആരോഗ്യവകുപ്പ് ഡയറക്ടര്‍ ഉടന്‍ തന്നെ സര്‍വൈലന്‍സിനും പനിക്കേസുകളുടെ വിശദമായ വിവര ശേഖരണത്തിനും കോഴിക്കോട് ജില്ലാ മെഡിക്കല്‍ ഓഫീസറെ ചുമതലപ്പെടുത്തി. ഒരു കുടുംബത്തിലെ രണ്ട് കുട്ടികള്‍ക്കും, അവരുടെ അടുത്ത ബന്ധുവിനും കുട്ടിക്കുമാണ് പനി ബാധിച്ച് ചികില്‍സയിലുണ്ടായിരുന്നത്. പനി ബാധിച്ച കുട്ടികളുടെ പിതാവ് ആഗസ്ത് 30 ന് മരിതായി കണ്ടെത്തി. സ്വകാര്യ ആശുപത്രിയില്‍ ചികില്‍സ തേടിയ ആ വ്യക്തിയുടെ ചികില്‍സാ വിവരങ്ങള്‍…

തിരുവനന്തപുരം എല്‍ ബി എസ് വനിതാ എഞ്ചിനീയറിംഗ് കോളേജിലെ വിദ്യാര്‍ത്ഥിനികളും അധ്യാപകരും ചേര്‍ന്ന് സ്വന്തമായി നിര്‍മ്മിച്ച വിമണ്‍ എന്‍ജിനീയേര്‍ഡ് സാറ്റലൈറ്റ് ‘വിസാറ്റ്’ വിക്ഷേപണത്തിന്റെ അവസാനവട്ട മിനുക്കുപണിയിലാണെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍ ബിന്ദു. വനിതാ അധ്യാപകരുടെ നേതൃത്വത്തില്‍ വിദ്യാര്‍ഥിനികള്‍ നിര്‍മ്മിച്ച സാറ്റലൈറ്റ് ലോകത്തിന് മാതൃകയാണെന്ന് മന്ത്രി ഫെയ്‌സ്ബുക്കില്‍ കുറിച്ചു. കുറിപ്പിന്റെ പൂര്‍ണ്ണ രൂപം; ‘വളയിട്ട കൈകളിലൂടെ ഒരു സാറ്റലൈറ്റ് വിക്ഷേപണത്തിന് തയ്യാറെടുക്കുകയാണ് ഐ എസ് ആര്‍ ഒ , നമ്മുടെ ഉന്നതവിദ്യാഭ്യാസ രംഗത്തിന്റെ അഭിമാനം വാനോളം ഉയര്‍ത്തിക്കൊണ്ട്.. തിരുവനന്തപുരം എല്‍ ബി എസ് വനിതാ എഞ്ചിനീയറിംഗ് കോളേജിലെ വിദ്യാര്‍ത്ഥിനികളും അധ്യാപകരും ചേര്‍ന്ന് സ്വന്തമായി നിര്‍മ്മിച്ച വിമണ്‍ എന്‍ജിനീയേര്‍ഡ് സാറ്റലൈറ്റ് ‘വിസാറ്റ്’ വിക്ഷേപണത്തിന്റെ അവസാനവട്ട മിനുക്കുപണിയിലാണ്. അസി.പ്രൊഫസര്‍ ഡോ.ലിസി എബ്രഹാമിന്റെ നേതൃത്വത്തില്‍ കോളേജിലെ സ്‌പെയ്‌സ് ക്ലബ്ബില്‍ അംഗങ്ങളായ വിദ്യാര്‍ത്ഥിനികളുടെ മൂന്നുവര്‍ഷത്തെ നിരന്തര അധ്വാനത്തിന്റെ ഫലമാണ് ഈ അഭിമാന നേട്ടം. ക്യാമ്പസ്സില്‍ വച്ചായിരുന്നു പദ്ധതിയുടെ ആദ്യഘട്ട നിര്‍മ്മാണം. പിന്നീട് വിക്രം സാരാഭായി…

ലൈംഗിക പീഡനമടക്കം സോളാർ കേസുകൾ വീണ്ടും കുത്തിയിളക്കി കോൺഗ്രസ്‌ നേതൃത്വം ഊരാക്കുടുക്കിലായി. കരുണാകരനെ രാജി വെപ്പിച്ച ചാരക്കേസ് മോഡലിൽ ഉമ്മൻചാണ്ടിയെ താഴെയിറക്കി മുഖ്യമന്ത്രി പദം തട്ടിയെടുക്കാൻ തിരുവഞ്ചൂർ രാധാകൃഷ്ണനും രമേശ് ചെന്നിത്തലയും നടത്തിയ നീക്കങ്ങൾ കോൺഗ്രസ് നേതാക്കൾ തന്നെ പുറത്തു കൊണ്ടുവന്നു ഇതിൽ അന്ന് ആഭ്യന്തര മന്ത്രിയായിരുന്ന തിരുവഞ്ചൂർ രാധാകൃഷ്ണനു നേരെയാണ്‌ തെളിവുകളുടെയും ആരോപണങ്ങളുടെയും കുന്തമുന. ഉമ്മൻചാണ്ടിയെ നാണം കെടുത്തി ഇറക്കിവിടാൻ കോൺഗ്രസ്‌ നേതാക്കൾ സോളാർ കേസ്‌ സമർഥമായി ഉപയോഗിച്ചുവെന്നാണ്‌ തെളിയുന്നത്‌. തിരുവഞ്ചൂരിനെതിരെ നേരത്തേ ഉയർന്ന പരാതികളിലേക്ക് കൂടുതൽ വെളിച്ചം വീശുന്ന വിവരങ്ങളാണ്‌ പുറത്തുവന്നു കൊണ്ടിരിക്കുന്നത്. ഇനിയും വെളിപ്പെടുത്തലുകൾ വരാനുണ്ടെന്നും കോൺഗ്രസ്‌ വൃത്തങ്ങൾ സൂചന നൽകുന്നു. ഉമ്മൻചാണ്ടിയുടെ പേരുള്ള, പരാതിക്കാരിയുടെ കത്ത്‌ പുറത്തുവരാൻ അതിയായ താൽപ്പര്യം കാണിച്ചത് അന്നത്തെ ആഭ്യന്തരമന്ത്രിമാരായിരുന്ന രണ്ടു പേർ ദൂതന്മാർ വഴി സമീപിച്ചിരുന്നുവെന്ന്‌ ദല്ലാൾ നന്ദകുമാർ വ്യക്തമാക്കി. മുഖ്യമന്ത്രിയായ ഉമ്മൻചാണ്ടിയെപ്പോലും അറിയിക്കാതെയാണ് അദ്ദേഹത്തിന്റെ പഴ്സണൽ സ്റ്റാഫ് അംഗമായ ടെനി ജോപ്പനെ തിരുവഞ്ചൂർ അറസ്റ്റ് ചെയ്യിച്ചതെന്നും ഉമ്മൻചാണ്ടിയെ ഇത്‌…

രാജ്യത്ത്‌ വർധിച്ചുവരുന്ന മാധ്യമ വിചാരണ കോടതികളുടെ നീതിനിർവഹണത്തെ പ്രതികൂലമായി ബാധിക്കുവെന്ന്‌ അതിരൂക്ഷമായി വിമർശിച്ച സുപ്രീംകോടതി മാധ്യമ വിചാരണയെ ചെറുക്കാൻ മൂന്നുമാസത്തിനകം പുതുക്കിയ മാർഗനിർദേശം പുറത്തിറക്കണമെന്ന്‌ കേന്ദ്രസർക്കാരിനോട്‌ ആവശ്യപ്പെട്ടു. കുറ്റകൃത്യങ്ങളെ സംബന്ധിച്ച്‌ പൊലീസ്‌ നടത്തുന്ന വെളിപ്പെടുത്തലുകൾ മാധ്യമ വിചാരണയിൽ കലാശിക്കുന്നത്‌ ഒഴിവാക്കണമെന്ന്‌ നിർദേശിച്ച ചീഫ്‌ ജസ്‌റ്റിസ്‌ ഡി വൈ ചന്ദ്രചൂഢിന്റെ അധ്യക്ഷതയിലുള്ള ബെഞ്ചാണ്‌ മാർഗനിർദേശങ്ങൾ സമർപ്പിക്കാൻ കേന്ദ്രആഭ്യന്തര മന്ത്രാലയത്തോട്‌ ആവശ്യപ്പെട്ടത്‌. 2017ൽ പീപ്പിൾസ് യൂണിയൻ ഫോർ സിവിൽ ലിബർട്ടീസ് അടക്കമുള്ളവർ സമർപ്പിച്ച ഹർജിയിലാണ്‌ നടപടി. ഒരുമാസത്തിനുള്ളിൽ എല്ലാ സംസ്ഥാന പൊലീസ്‌ മേധാവിമാരും മന്ത്രാലയത്തിന്‌ ശുപാർശ സമർപ്പിക്കണം. ദേശീയ മനുഷ്യവകാശ കമീഷന്റെ നിർദേശങ്ങളും തേടണം. ജനുവരി രണ്ടാം വാരം വീണ്ടും വിഷയം പരിഗണിക്കും. അഭിപ്രായ സ്വാതന്ത്ര്യത്തിന്റെ പേരിൽ മാധ്യമ വിചാരണ നടത്തുന്നത്‌ അനുവദിക്കില്ലന്ന്‌ ചീഫ്‌ ജസ്‌റ്റിസ്‌ വ്യക്തമാക്കി. വെളിപ്പെടുത്തലുകൾ മാധ്യമവിചാരണയിൽ കലാശിക്കുന്നതും അതുവഴി കുറ്റം തെളിയിക്കപ്പെടുന്നതിന്‌ മുമ്പ്‌ ഒരാളെ കുറ്റക്കാരനെന്ന്‌ മുദ്രകുത്തുന്നത്‌ ഒഴിവാക്കേണ്ടതുണ്ട്‌. 2014ൽ കോടതി പുറപ്പെടുവിച്ച മാർഗനിർദേശത്തിന്റെ അടിസ്ഥാനത്തിൽ പൊലീസിന്‌ ഇക്കാര്യത്തിൽ എന്ത്‌…

മുൻ മുഖ്യമന്ത്രി ഉമ്മൻ ചാണ്ടിയുടെ പേഴ്‌സണൽ സ്റ്റാഫ് അംഗമായ ടെനി ജോപ്പനെ സോളാർ കേസിൽ അറസ്റ്റ് ചെയ്യുന്ന കാര്യം ഉമ്മൻ ചാണ്ടി അറിഞ്ഞിരുന്നില്ലെന്ന്‌ മുതിർന്ന കോൺഗ്രസ് നേതാവ് കെ സി ജോസഫ്‌. സോളാർ കേസ്‌ വീണ്ടും സജീവ ചർച്ചയാകുന്നതിനിടെയാണ് അന്നത്തെ ആഭ്യന്തരമന്ത്രി തിരുവഞ്ചൂർ രാധാകൃഷ്‌ണനെതിരെ ഉമ്മൻചാണ്ടിയുടെ വിശ്വസ്‌തൻ കൂടിയായിരുന്ന കെ സി ജോസഫിൻ്റെ വെളിപ്പെടുത്തൽ. പേഴ്‌സണൽ സ്റ്റാഫംഗമായിരുന്ന ടെനി ജോപ്പൻ ഉമ്മൻ ചാണ്ടിയുടെ സന്തത സഹചാരി കൂടിയായിരുന്നു. ഭരണത്തലവനായ മുഖ്യമന്ത്രിയുടെ ഓഫീസിലെ ഒരാളെ അറസ്റ്റ് ചെയ്യുമ്പോൾ ആഭ്യന്തര വകുപ്പ് അദ്ദേഹത്തെ അറിയിക്കേണ്ടതാണ്‌. സമ്മതം വാങ്ങിയില്ലെങ്കിലും അറിയിക്കുക എന്നതാണ് നടപടിക്രമം. അതൊന്നും പാലിക്കപ്പെട്ടില്ല. അന്വേഷണ ഉദ്യോഗസ്ഥനായ എ ഹേമചന്ദ്രൻ ആഭ്യന്തരമന്ത്രിയെ വിവരം അറിയിച്ചില്ല എന്നായിരുന്നു പിന്നീട്‌ പ്രചരിപ്പിച്ചത്. മുഖ്യമന്ത്രിയുടെ സ്റ്റാഫിനെ അറസ്റ്റ് ചെയ്തത് എന്തുകൊണ്ട് അദ്ദേഹത്തെ അറിയിച്ചില്ല എന്നതിനും ആഭ്യന്തര മന്ത്രി അറിയാതെ ഒരുദ്യോഗസ്ഥൻ ഇത്‌ ചെയ്യുമെന്ന്‌ കരുതുന്നുണ്ടോ എന്ന ചോദ്യത്തിന്‌ ‘അതിന്‌ ഉത്തരം പറയേണ്ടത് ഞാനല്ല. പിന്നീട് അതേക്കുറിച്ച് ഞാൻ അന്വേഷിച്ചുമില്ല…

തിരുവനന്തപുരം: സ്‌ത്രീകൾക്കും കുട്ടികൾക്കും സുരക്ഷ ഒരുക്കുന്നതോടൊപ്പം അവർക്കെതിരായ കുറ്റകൃത്യങ്ങൾ തടയുന്നതിനും അക്രമണങ്ങളിൽ കുറ്റമറ്റ രീതിയിൽ അന്വേഷണം നടത്തി കുറ്റവാളികളെ കണ്ടെത്തി ശിക്ഷ ഉറപ്പാക്കുന്നതിനും സർക്കാർ പ്രതിജ്ഞാബദ്ധമാണെന്ന് മുഖ്യമന്ത്രി പിണറായി വിജയൻ. കുറ്റകൃത്യങ്ങളോട് വിട്ടുവീഴ്ചയില്ലാത്ത നിലപാടാണ് സർക്കാർ സ്വീകരിക്കുന്നത്. ആലുവയിലെ കുട്ടിയുടെ വിഷയത്തിൽ പോലീസ് ഉടൻ നടപടി സ്വീകരിച്ചുവെന്നും മുഖ്യമന്ത്രി പറഞ്ഞു. അൻവർ സാദത്തിൻ്റെ അടിയന്തര പ്രമേയത്തിന് മറുപടി നൽകുകയായിരുന്നു മുഖ്യമന്ത്രി. പോക്‌സോ കേസുകൾ കൈകാര്യം ചെയ്യുന്നതിന് സംസ്ഥാനത്ത് നിലവിലുള്ള പ്രത്യേക കോടതികൾക്കു പുറമെ 56 അതിവേഗ കോടതികൾ ആരംഭിക്കാൻ തീരുമാനിച്ചതിൽ 54 എണ്ണത്തിൻ്റെ പ്രവർത്തനം തുടങ്ങിയിട്ടുണ്ട്. അതിഥിത്തൊഴിലാളികളുടെ വിശദാംശങ്ങൾ ശേഖരിക്കുന്നതിനും അവരുടെ രജിസ്‌ട്രേഷനുമായി തൊഴിൽ വകുപ്പ് ‘അതിഥി’ പോർട്ടൽ പ്രാവർത്തികമാക്കിയിട്ടുണ്ടെന്നും മുഖ്യമന്ത്രി പറഞ്ഞു. മറുപടിയുടെ പൂർണരൂപം: സ്ത്രീകൾക്കും കുട്ടികൾക്കും സുരക്ഷ ഒരുക്കുന്നതോടൊപ്പം അവർക്കെതിരായ കുറ്റകൃത്യങ്ങൾ തടയുന്നതിനും അക്രമണങ്ങളിൽ കുറ്റമറ്റ രീതിയിൽ അന്വേഷണം നടത്തി കുറ്റവാളികളെ കണ്ടെത്തി ശിക്ഷ ഉറപ്പാക്കുന്നതിനും പോലീസ് പ്രതിജ്ഞാബദ്ധമാണ്. എറണാകുളം ആലുവയിൽ ബീഹാർ സ്വദേശികളുടെ വീട്ടിൽ 07.09.2023 വെളുപ്പിന്…

കോഴിക്കോട് പനി ബാധിച്ച് മരിച്ചവരുമായി അടുത്ത സമ്പർക്കമുള്ളവരെ കണ്ടെത്തുമെന്ന് മന്ത്രി വീണാ ജോർജ്. നിപയെന്ന് സംശയമുള്ള ആളുകൾ താമസിക്കുന്ന സ്ഥലത്ത് പരിശോധന നടത്താൻ നിർദ്ദേശം നൽകിയിട്ടുണ്ട്. ഹൈ റിസ്ക് കോണ്ടാക്റ്റിലുള്ളവരെ കണ്ടെത്തും. മുമ്പ് ഇതുപോലുള്ള മരണങ്ങൾ ഉണ്ടായോ എന്ന് അന്വേഷിക്കാൻ നിർദേശം നൽകിയതായും മന്ത്രി പറഞ്ഞു. കോഴിക്കോട് ഉന്നതതല യോ​ഗത്തിൽ പങ്കെടുക്കാനെത്തിയതായിരുന്നു മന്ത്രി. നിപാ ബാധ സംശയിക്കുന്ന രണ്ടുപേരുടെ സ്രവ പരിശോധനാ ഫലം ചൊവ്വാഴ്‌ച വൈകിട്ട്‌ ലഭിക്കുമെന്നും മന്ത്രി പറഞ്ഞു. രണ്ട്‌ സ്വകാര്യ ആശുപത്രികളിലായി ചികിത്സയിലിരിക്കെ മരിച്ചവരുടെ സ്രവങ്ങളാണ്‌ പുണെയിലെ വൈറോളജി ലാബിലക്ക്‌ പരിശോധനക്ക്‌ അയച്ചത്‌. നിപ സംശയിക്കുന്ന സാഹചര്യത്തിലുള്ള അടിയന്തിര പ്രതിരോധ പ്രവർത്തനങ്ങളുടെ ജാഗ്രതാനിർദേശങ്ങളാണ്‌ ഇപ്പോൾ നടക്കുന്നത്‌. രോഗികളുമായി സമ്പർക്കം പുലർത്തിയവരുടെ പട്ടിക തയ്യാറാക്കിയിട്ടുണ്ട്‌. പ്രാഥമിക സമ്പർക്കമുണ്ടായവരുടേയും അടുത്ത സമ്പർക്കം പുലർത്തിയവരുടേയും പട്ടികയാണ്‌ തയ്യാറാക്കിയത്‌. അടുത്ത സമ്പർക്കം പുലർത്തിയ മുഴുവൻ പേരേയും നിരീക്ഷണത്തിലാക്കും. തിങ്കളാഴ്‌ച മരണമടഞ്ഞ 49 വയസുള്ളയാളുടെ മൃതദേഹം മുൻകരുതലുകളോടെ മോർച്ചറിയിൽ സൂക്ഷിച്ചിരിക്കയാണ്‌. സ്രവ പരിശോധനാഫലം വന്നശേഷമേ ഈ…