Author: T21 Media

തൃശൂർ: കരുവന്നൂർ സഹകരണ ബാങ്ക് തട്ടിപ്പുമായി ബന്ധപ്പെട്ട് നടക്കുന്നത് കൃത്യമായ ബിജെപി, എൻഫോഴ്‌സ്മെന്റ് ഡയക്ടറേറ്റ് അജണ്ടയെന്ന്‌ സിപിഎം സംസ്ഥാന കമ്മിറ്റി അംഗവും കേരള ബാങ്ക് വൈസ് പ്രസിഡൻറുമായ എം കെ കണ്ണൻ. താനും എ സി മൊയ്തീൻ എംഎൽഎയുമാണ് എൻഫോഴ്‌സ്‌മെന്റിൻ്റെ ലക്ഷ്യം. നൂറ് ശതമാനം നിയമപരമായ കാര്യങ്ങൾ മാത്രമെ താൻ ചെയ്തിട്ടുള്ളു. കരുവന്നൂരും താനും തമ്മിൽ എന്താണ് ബന്ധമെന്ന് അറിയില്ലെന്നും തനിക്ക് ഒരു ബിനാമി അക്കൗണ്ടുമില്ലെന്നും അദ്ദേഹം പറഞ്ഞു. 28 ന് ഹാജരാകാൻ ഇഡി തന്നോട് ആവശ്യപ്പെട്ടിട്ടുണ്ട്. അന്ന് ഹാജരാകും. പാർട്ടി പരിപാടിയുള്ളതിനാൽ ഹാജരാകാൻ സാധിക്കില്ലെന്ന് അറിയിച്ചിരുന്നു. എന്നാൽ അറസ്റ്റ് ചെയ്യുമെന്നാണ് ഇ ഡി ഭീഷണി മുഴക്കിയത്. അടിയന്തരാവസ്ഥകാലത്ത് ഒന്നര വർഷം ജയിലിൽ കിടന്നയാൾ ആണ് താനെന്നും അറസ്റ്റിനെ ഭയമില്ലെന്നും പറഞ്ഞു. കോടതിയിൽ വിശ്വാസമുണ്ട്. ചോദിച്ച എല്ലാറ്റിനും മറുപടി നൽകിയിട്ടുണ്ട്. മൊഴികൾ അടിച്ചേൽപ്പിക്കുകയാണ് ഇഡി. കരുവന്നൂർ ബാങ്ക് ക്രമക്കേടുമായി യാതൊരു ബന്ധവും തനിക്കില്ല. തനിക്ക് ബിനാമി ഇടപാടുകളും ഇല്ല. സതീഷ് കുമാറുമായി…

പാറശ്ശാല: പ്രണയം നടിച്ച്‌ വിഷം കലർത്തിയ കഷായം നൽകി ആൺസുഹൃത്ത്‌ ഷാരോണിനെ കൊന്ന പ്രതി ഗ്രീഷ്മയ്ക്ക് വേണ്ടി ഹാജരായത് ബിജെപി നേതാവായ അഭിഭാഷകൻ. ബിജെപിയുടെ കാഞ്ഞിരംകുളം ബ്ലോക്ക് പഞ്ചായത്ത് അംഗം അഡ്വ: സുനീഷാണ് ഗ്രീഷമക്ക് വേണ്ടി ഹാജരായത്. കഴിഞ്ഞ ദിവസമാണ് ഗ്രീഷ്മ 11 മാസത്തെ ജയിൽവാസത്തിനൊടുവിൽ ജാമ്യത്തിലിറങ്ങിയത്. ഷാരോൺ വധക്കേസിൽ ഉപാധികളോടെയാണ് ജസ്റ്റിസ് മുഹമ്മദ് നിയാസിൻ്റെ ബെഞ്ച് ഗ്രീഷ്മയ്ക്ക് ജാമ്യം അനുവദിച്ചിരിക്കുന്നത്. അട്ടക്കുളങ്ങര ജയിലിൽ കഴിഞ്ഞിരുന്ന ഗ്രീഷ്മയെ കഴിഞ്ഞ 15നാണ് സഹത്തടവുകാരുടെ പരാതിയെ തുടർന്ന് ആലപ്പുഴ മാവേലിക്കര സ്പെഷ്യൽ സബ് ജയിലിലേക്ക് മാറ്റിയത്. അതേസമയം മകന്‌ നീതിലഭിക്കാൻ ഏതറ്റംവരെയും പോകുമെന്ന്‌ ഷാരോണിൻ്റെ അച്ഛൻ ജയരാജ്‌ പാറശാലയിൽ മാധ്യമപ്രവർത്തകരോട്‌ പറഞ്ഞു. ഗ്രീഷ്‌മയ്‌ക്ക് ഹൈക്കോടതി ജാമ്യം അനുവദിച്ച പശ്ചാത്തലത്തിലാണ്‌ കുടുംബത്തിൻ്റെ പ്രതികരണം. മനസാക്ഷിയെ ഞെട്ടിച്ച ഇത്തരം സംഭവങ്ങൾ ഇനി ആവർത്തിച്ചുകൂടാ. പ്രതിക്ക്‌ കടുത്തശിക്ഷ ഉറപ്പാക്കണം. നീതി ഉറപ്പാക്കാൻ സുപ്രീംകോടതിയെ സമീപിക്കുമെന്നും മുഖ്യമന്ത്രിക്ക്‌ നിവേദനം നൽകുമെന്നും ജയരാജ്‌ പറഞ്ഞു.

തിരുവനന്തപുരം: സഹകരണമേഖലയിലെ നിക്ഷേപങ്ങൾ സുരക്ഷിതമല്ലെന്ന വാദം വസ്തുതകൾക്ക് നിരക്കുന്നതല്ലെന്നും സഹകരണ- മേഖലയെ തകർക്കുന്നതിനുള്ള ഗൂഡശ്രമത്തിൻ്റെ ഭാഗമാണന്നും സഹകരണ രജിസ്ട്രേഷൻ വകുപ്പ് മന്ത്രി വി എൻ വാസവൻ പറഞ്ഞു. സഹകരണ സംഘങ്ങളിലെ നിക്ഷേപത്തിന് സഹകരണ നിക്ഷേപ ഗ്യാരന്റി ബോർഡ് സുരക്ഷ ഉറപ്പു നിൽകുന്നുണ്ട്. അഞ്ച് ലക്ഷം രൂപയുടെ ഗ്യാരന്റിയാണ് ബോർഡ് ഉറപ്പു നൽകുന്നത്. വാണിജ്യ ബാങ്കുകളിലെ നിക്ഷേപത്തിന് ഗ്യാരന്റി നൽകുന്ന ഡിപ്പോസിറ്റ് ഇൻഷ്വറൻസ് ആന്റ് ക്രെഡിറ്റ് ഗ്യാരന്റി കോർപ്പറേഷൻ നൽകുന്നതും 5 ലക്ഷം രൂപയുടെ പരിരക്ഷ മാത്രമാണെന്ന് മന്ത്രി ചൂണ്ടിക്കാട്ടി. എന്നാൽ സഹകരണ മേഖലയിൽ ഇതിന് പുറമെ പ്രതിന്ധിയിൽ ആകുന്ന സംഘങ്ങളെ സംരക്ഷിക്കാൻ പുതുതായി പുനരുദ്ധാരണ നിധി രൂപീകരിച്ചു കഴിഞ്ഞു. 1200 കോടി രൂപയാണ് പുനരുദ്ധാരണ നിധിക്കായി സജ്ജമാക്കിയിരിക്കുന്നത്. ഇതോടൊപ്പം തന്നെ സഹകരണ വികസന ക്ഷേമനിധി ബോർഡിൽ നിന്ന് ധനസഹായം നൽകുന്ന പദ്ധതിയും നിലവിലുണ്ട്. ഇതൊക്കെ മറച്ചുവെച്ചാണ് സഹകരണമേഖലയിലെ നിക്ഷേപം സുരക്ഷിതമല്ലെന്ന വാർത്തകൾ പ്രചരിപ്പിക്കുന്നത്. കരുവന്നൂർ ബാങ്ക് പ്രതിസന്ധിയിൽ അകപ്പെട്ടപ്പോൾ പണം ഇടാക്കുന്ന…

ഉമ്മൻചാണ്ടിയുടെ ആത്മകഥ ‘കാലം സാക്ഷി’ യുമായി ബന്ധപ്പെട്ട വിവാദങ്ങൾ കോൺഗ്രസിനെ ഉലയ്ക്കുകയാണ്. പാർടിയുടെ അനിഷേധ്യ നേതാവിൻ്റെ ആത്മകഥ ഏറ്റവും പ്രഹരമേൽപ്പിച്ചുകൊണ്ടിരിക്കുന്നത്‌ കോൺഗ്രസിനെ തന്നെ. ഭൂരിപക്ഷം ചെന്നിത്തലയ്ക്കായിട്ടും പിന്നിൽ നിന്നു കുത്തി വി ഡി സതീശൻ പ്രതിപക്ഷ നേതാവായതും ഒന്നാന്തരം അവസരം കിട്ടിയിട്ടും പിണറായി വിജയനും സിപിഎമ്മും തന്നെ ഉപദ്രവിക്കാതിരുന്നതും സോളാർ കേസ് ആയുധമാക്കി മുഖ്യമന്ത്രി പദത്തിൽ നിന്നു താഴെയിറക്കാൻ കോൺഗ്രസ് നേതാക്കൾ നടത്തിയ ഗൂഢാലോചനയും ഉമ്മൻ ചാണ്ടി തന്നെ തുറന്നു കാട്ടുകയാണ്. “കാലം സാക്ഷി ” ഗ്രന്ഥകർത്താവ് സണ്ണിക്കുട്ടി എബ്രഹാമുമായി ദേശാഭിമാനി തിരുവനന്തപുരം ബ്യൂറോ ചീഫ് ദിനേശ് വർമ നടത്തിയ അഭിമുഖത്തിൽ നിന്ന് : ഇങ്ങനെയൊരു പുസ്തകത്തോട്‌ ഉമ്മൻചാണ്ടി താൽപ്പര്യപ്പെട്ടിരുന്നോ ? നിർബന്ധത്തിന്‌ വഴങ്ങി പലപ്പോഴായി ഓരോ കാര്യങ്ങൾ പറയുകയായിരുന്നു. മൂന്നുവർഷമെടുത്താണ്‌ പുസ്തകത്തിനായി വ്യക്തി–രാഷ്‌ട്രീയ ജീവിതം വിവരിച്ചത്‌. എന്തായിരിക്കണം ഈ പുസ്തകമെന്ന്‌ കൃത്യമായ ധാരണ ഉമ്മൻചാണ്ടിക്കുണ്ടായിരുന്നു. പഴയ കാര്യങ്ങളാണല്ലോ, പുനഃപരിശോധന വേണ്ടിവന്നോ ? അദ്ദേഹത്തിന്‌ ‘ക്രിസ്റ്റൽ ക്ലിയർ’ ഓർമയാണ്‌. സ്കൂളിലെ അധ്യാപകരുടെ…

കൊല്ലം ജില്ലയിലെ കല്ലുവാതുക്കൽ പഞ്ചായത്തിൽ ബിജെപി പിന്തുണയോടെ യുഡിഎഫ് അധികാരത്തിൽ. പ്രസിഡന്റായി കോൺ​ഗ്രസിലെ എൻ ശാന്തിനിയും വൈസ് പ്രസിഡന്റായി പി പ്രതീഷ്‌കുമാറും വിജയിച്ചു. കൊല്ലം ജില്ലയിൽ ബിജെപി ഭരണമുണ്ടായിരുന്ന ഏക പഞ്ചായത്തായിരുന്നു കല്ലുവാതുക്കൽ. ആ​ഗസ്‌ത്‌ 25ന് യുഡിഎഫ് കൊണ്ടുവന്ന അവിശ്വാസം എൽഡിഎഫ് പിന്തുണയോടെ പാസ്സായതോടെയാണ് ബിജെപി പുറത്തായത്. ബിജെപി– ഒമ്പത്‌, യുഡിഎഫ്– എട്ട്‌, എൽഡിഎഫ്– ആറ്‌ എന്നിങ്ങനെയാണ്‌ കക്ഷിനില. അഴിമതി ഭരണത്തിലും നേതാക്കളുടെ സ്വജനപക്ഷപാതത്തിലും പ്രതിഷേധിച്ച് ബിജെപിയുടെ പഞ്ചായത്ത്‌ അംഗങ്ങളായ ബി ആർ ദീപ, അല്ലി അജി, രചിത, എൻ അപ്പുക്കുട്ടൻപിള്ള എന്നിവർ അംഗത്വം രാജിവച്ച് എൽഡിഎഫിനൊപ്പം പ്രവർത്തിക്കാൻ തീരുമാനിച്ചു. ചൊവ്വാഴ്ച പ്രസിഡന്റ് സ്ഥാനത്തേക്കു നടന്ന തെരഞ്ഞെടുപ്പിൽ അവിശ്വാസത്തിലൂടെ പുറത്തായ പ്രസിഡന്റ് എസ് സുദീപ, യുഡിഎഫിനു വേണ്ടി എൻ ശാന്തിനി, ബിജെപി ബന്ധം ഉപേക്ഷിച്ച ബി ആർ ദീപ എന്നിവർ മത്സരിച്ചു. എൽഡിഎഫ് പിന്തുണ നൽകിയ ബി ആർ ദീപയ്ക്ക് 10 ഉം യുഡിഎഫിന് എട്ടും ബിജെപിക്ക് അഞ്ചും വോട്ട് ലഭിച്ചു.…

എ കെ ആന്റണിയുടെ ഭാര്യ എലിസബത്തിൻ്റെ കൃപാസനം ന്യായീകരണത്തെ പരിഹസിച്ച്‌ മുതിർന്ന കോൺഗ്രസ്‌ നേതാവ്‌ പ്രൊഫ. ജി ബാലചന്ദ്രൻ. അനിൽ ആന്റണിയുടെ ശരീര ഭാഷ പോലും രാഷ്ട്രീയത്തിനു വഴങ്ങുന്നതല്ല. സംസാരത്തിൽ പോലും പിഴവു വരുന്നു. കൃപാസനത്തിൽ പോയി മാതാവിൻ്റെ മുൻപിൽ കുറിപ്പെഴുതി വച്ച് ജോസഫച്ചൻ്റെ മദ്ധ്യസ്ഥ പ്രാർത്ഥനയിൽ വെളിപാടുണ്ടായി എന്നാണ് ശ്രീമതി എലിസബത്ത് പറഞ്ഞത്. എ കെ ആന്റണിയുടെ അവിശ്വാസവും എലിസബത്തിൻ്റെ വിശ്വാസവും അനുരഞ്ജനത്തിലെത്തിയത്രേ. ഒരു പുരുഷായസ്സു മുഴുവൻ കോൺഗ്രസ്സിൽ പ്രവർത്തിച്ച ആന്റണി എന്ന കുഞ്ഞാടിനും ഒടുവിൽ മാനസാന്തരം വന്ന്‌ നരേന്ദ്രമോദിയുടെ മുന്നിൽ മുട്ടുകുത്തുമോയെന്നും അദ്ദേഹം ചോദിച്ചു. ആന്റണി KSU പ്രസിഡന്റായി പ്രവർത്തിച്ചപ്പോൾ വൈസ് പ്രസിഡന്റായി പ്രവർത്തിച്ച നേതാവാണ് ബാലചന്ദ്രൻ. എ കെ ആന്റണി ഉന്നത സ്ഥാനങ്ങൾ വഹിച്ചിരുന്നപ്പോഴൊക്കെ അതിൻ്റെ തണലിൽ എല്ലാ ആനുകൂല്യവും പറ്റിയശേഷവും കുടുംബം പാർടിയെ അപഹസിച്ചത്‌ ശരിയായില്ലെന്നും അദ്ദേഹം ഫെയ്‌സ്‌ബുക്ക്‌ കുറിപ്പിൽ പറഞ്ഞു. ഫെയ്സ്ബുക്ക് കുറിപ്പ് “എ കെ ആന്റണി എന്റെ ഉറ്റ സുഹൃത്താണ്. അദ്ദേഹം KSU…

കൊച്ചി: കരുവന്നൂർ കേസിൽ തൃശൂർ വടക്കാഞ്ചേരി നഗരസഭാ കൗൺസിലർ പി ആർ അരവിന്ദാക്ഷനെ ഇഡി അറസ്റ്റ് ചെയ്തു. ഉച്ചയ്ക്ക് ഒന്നരയോടെയാണ് കൊച്ചിയിൽ നിന്നെത്തിയ ഇ ഡി ഉദ്യോഗസ്ഥർ അരവിന്ദാക്ഷനെ കസ്റ്റഡിയിൽ എടുത്തത്. നേരത്തെ ചോദ്യം ചെയ്യലിനിടയിൽ ഇഡി ഉദ്യോഗസ്ഥർ മർദിച്ചിരുന്നുവെന്ന് അരവിന്ദാക്ഷൻ പരാതി നൽകിയിരുന്നു. കേസിൽ മൊഴിയായി സിപിഎം നേതാക്കളുടെ പേര് നൽകണം എന്നാവശ്യപ്പെട്ടാണ് മർദിച്ചതെന്നും അരവിന്ദാക്ഷൻ പറഞ്ഞിരുന്നു. കരുവന്നൂർ സഹകരണ ബാങ്ക്‌ ക്രമക്കേടിന്റെ പേരിൽ ചോദ്യം ചെയ്യാൻ വിളിപ്പിച്ചാണ്‌ അന്ന് പീഡിപ്പിച്ചത്‌. പുറംലോകം കാണിക്കില്ലെന്ന്‌ ഇ ഡി ഉദ്യോഗസ്ഥർ ഭീഷണിപ്പെടുത്തി. എഴുതിവച്ച ലിസ്‌റ്റ്‌ പ്രകാരം സിപിഎം സംസ്ഥാന സെക്രട്ടറിയറ്റംഗം പി കെ ബിജു, സംസ്ഥാന കമ്മിറ്റിയംഗങ്ങളായ എ സി മൊയ്‌തീൻ എംഎൽഎ, എം കെ കണ്ണൻ എന്നിവർക്ക്‌ പങ്കുണ്ടെന്ന തരത്തിൽ കള്ളമൊഴി രേഖപ്പെടുത്തി ഒപ്പിട്ട്‌ വാങ്ങി. എ സി മൊയ്‌തീന്‌ പോപ്പുലർ ഫ്രണ്ട്‌ (പിഎഫ്‌ഐ) ബന്ധം ഉണ്ടെന്ന്‌ പറയണമെന്ന്‌ ആവശ്യപ്പെട്ടും മർദ്ദിച്ചുവെന്നു പറഞ്ഞിരുന്നു. ഇഡി മർദനത്തിനെതിരെ എറണാകുളം സെൻട്രൽ പോലീസിൽ…

മന്ത്രി വീണാ ജോർജിനെതിരായ അധിക്ഷേപ പരാമർശത്തിൽ കെ എം ഷാജിയെ ന്യായീകരിച്ച്‌ വനിതാ ലീഗ്‌. ഷാജിയുടെ പരാമർശം സ്ത്രീവിരുദ്ധതയായി കാണാനാവില്ലെന്ന് വനിതാ ലീഗ് സംസ്ഥാന വൈസ് പ്രസിഡന്റ്‌ ഷാജിത നൗഷാദ് പറഞ്ഞു. “സാധനം എന്ന് പറയുന്നത് നിത്യ ജീവിതത്തിൽ ഉപയോഗിക്കുന്ന ഒരു വാക്കാണ്. സാധനം എന്നു പറയുന്നത് ഒരു പ്രാദേശിക ഭാഷയാണ്. വാക്കുകൾ വളച്ചൊടിച്ച വനിതാ കമീഷനെതിരെയാണ് കേസെടുക്കേണ്ടതെന്നും ഷാജിത പറഞ്ഞു. അന്തോം കുന്തോം തിരിയാത്ത ഒരു സാധനമാണ് ഇപ്പോൾ കേരളത്തിൽ ആരോഗ്യവകുപ്പിൻ്റെ തലപ്പത്തുളള മന്ത്രി എന്നായിരുന്നു കെഎം ഷാജിയുടെ അധിക്ഷേപം. വാചകമടിച്ചും മുഖ്യമന്ത്രിയെ സ്തുതിച്ചും നടക്കാമെന്നല്ലാതെ അവർക്ക് ഒന്നിനും കഴിയില്ല. ഈ കപ്പൽ കുലുങ്ങില്ല സർ എന്ന പ്രസംഗത്തിന് കിട്ടിയ സമ്മാനമാണ് ആരോഗ്യമന്ത്രി സ്ഥാനം എന്നും വീണാ ജോർജിന് എന്താണ് യോഗ്യത എന്നുമാണ് കെ എം ഷാജി മന്ത്രി വീണാ ജോർജിനെ പരിഹസിച്ചത്.

തിരുവനന്തപുരം: ജീവിതത്തിൽ ഏറ്റവും ചാരിതാർത്ഥ്യവും അഭിമാനവും നൽകിയ ഒരു കാര്യം ഏതാണെന്ന് ചോദിച്ചാൽ ഉത്തരം ഈ സൗജന്യ ഡയാലിസിസ് കേന്ദ്രം സ്ഥാപിച്ചത് എന്നായിരുക്കുമെന്ന് മന്ത്രി എം ബി രാജേഷ്. പാലക്കാട് എംപി ആയിരിക്കെ 2013ലാണ് ഒറ്റപ്പാലം സർക്കാർ ആശുപത്രിയിൽ ഈ ഡയാലിസിസ് കേന്ദ്രം ആരംഭിച്ചത്. ഇന്നിപ്പോൾ ഒരു ലക്ഷം ഡയാലിസിസ് അവിടെ പൂർത്തിയായിരിക്കുന്നു. ഒരൊറ്റ രോഗിയിൽ നിന്നും ചില്ലിക്കാശ് പോലും ഈടാക്കാതെ പൂർണ്ണമായും സൗജന്യമായി! സ്വകാര്യ ആശുപത്രികളിലെ നിരക്ക് നോക്കിയാൽ രോഗികൾക്ക് 20 കോടി രൂപയുടെ എങ്കിലും ചെലവ് ലാഭിക്കാനായെന്നും മന്ത്രി ഫേസ്ബുക്കിൽ കുറിച്ചു. ഫേസ്ബുക്ക് കുറിപ്പ്: ജീവിതത്തിൽ ഏറ്റവും ചാരിതാർത്ഥ്യവും അഭിമാനവും നൽകിയ ഒരു കാര്യം ഏതാണെന്ന് ചോദിച്ചാൽ ഉത്തരം ഈ സൗജന്യ ഡയാലിസിസ് കേന്ദ്രം സ്ഥാപിച്ചത് എന്നായിരിക്കും. പാലക്കാട് എംപി ആയിരിക്കെ 2013ലാണ് ഒറ്റപ്പാലം സർക്കാർ ആശുപത്രിയിൽ ഈ ഡയാലിസിസ് കേന്ദ്രം ആരംഭിച്ചത്. ഇന്നിപ്പോൾ ഒരു ലക്ഷം ഡയാലിസിസ് അവിടെ പൂർത്തിയായിരിക്കുന്നു. ഒരൊറ്റ രോഗിയിൽ നിന്നും ചില്ലിക്കാശ് പോലും…

തിരുവനന്തപുരം: മുഖ്യമന്ത്രിയുടെയും മന്ത്രിമാരുടെയും നേതൃത്വത്തിലുള്ള മേഖലാതല അവലോകന യോഗത്തിന് തിരുവനന്തപുരത്ത് തുടക്കമായി. മുഖ്യമന്ത്രി പിണറായി വിജയനും മന്ത്രിമാരും ഉദ്യോഗസ്ഥരും യോഗത്തിലേക്കെത്തി. ഭരണ നേട്ടങ്ങൾ ജനങ്ങൾക്ക്‌ കൂടുതൽ അനുഭവവേദ്യമാക്കാനും സമയബന്ധിത പദ്ധതി നിർവഹണം ഉറപ്പാക്കാനുമായി സംസ്ഥാനത്ത്‌ നടത്തുന്ന നാല്‌ മേഖലാ യോഗങ്ങളിൽ ആദ്യത്തേതാണ് തിരുവനന്തപുരത്ത് നടക്കുന്നത്. ജില്ലകളിലെ പ്രശ്നങ്ങൾക്ക്‌ പരിഹാരം കാണുന്നതിനും വികസന പ്രവർത്തനങ്ങൾ വേഗത്തിലാക്കുന്നതിനുമുള്ള നടപടികൾ അവലോകനയോഗത്തിലുണ്ടാകും. തിരുവനന്തപുരം ജിമ്മി ജോർജ് ഇൻഡോർ സ്റ്റേഡിയത്തിൽ ആരംഭിച്ച യോഗത്തിൽ തിരുവനന്തപുരം, കൊല്ലം, പത്തനംതിട്ട ജില്ലകളുടെ അവലോകനമാണ്‌ നടക്കുക. പകൽ 1.30 വരെ പ്രമുഖ പദ്ധതികളുടെയും പരിപാടികളുടെയും അവലോകനം. വൈകിട്ട് 3.30 മുതൽ അഞ്ചുവരെ പോലീസ് ഓഫീസർമാരുടെ യോഗത്തിൽ ക്രമസമാധാന പ്രശ്നങ്ങൾ വിലയിരുത്തും. സെപ്റ്റംബർ 28 നു പാലക്കാട്, മലപ്പുറം, തൃശൂർ ജില്ലകളുടെ മേഖലാതല അവലോകന യോഗം തൃശൂർ ഈസ്റ്റ് ഫോർട്ട് ലൂർദ് ചർച്ച് ഹാളിൽ നടക്കും. ഒക്ടോബർ മൂന്നിന് എറണാകുളം, ഇടുക്കി, ആലപ്പുഴ, കോട്ടയം ജില്ലകളുടെ യോഗങ്ങൾ എറണാകുളം ബോൾഗാട്ടി പാലസിലും ഒക്ടോബർ…