Author: T21 Media

വീണ്ടും ഒരിക്കൽ കൂടി കേരളം നിപായെ അതിജീവിക്കുകയാണ്. ഇത്തവണ ഏറ്റവും വേഗത്തിൽ തന്നെ അത് കണ്ടെത്തി, വരുതിയിലാക്കി, രോഗം ഉണ്ടായവരെ പോലും ജീവിതത്തിലേക്ക് തിരിച്ചെത്തിച്ചു. നമ്മുടെ മൊത്തം ആരോഗ്യ രംഗത്തിന് അഭിമാനിക്കാവുന്ന നിമിഷവും വിജയവുമാണ്. പ്രത്യേകിച്ചും ആരോഗ്യമന്ത്രി വീണ ജോർജ്ജിന്. ആരോഗ്യരംഗത്ത് ഉണ്ടാകുന്ന ഏത് വിജയവും പരാജയവും മൊത്തം ആരോഗ്യ സംവിധാനത്തിന്റെയാണ്. എന്നാലും പരാജയങ്ങളോ പോരായ്‌മ‌കളോ ഉണ്ടാകുമ്പോൾ അത് മന്ത്രിയുടെ അക്കൗണ്ടിൽ കുറിക്കാൻ മാധ്യമങ്ങൾ കാണിക്കുന്ന താല്പര്യം കാര്യങ്ങൾ നന്നായി പോകുമ്പോൾ മന്ത്രിക്ക് ക്രെഡിറ്റ് കൊടുക്കാൻ അവർ കാണിക്കാറില്ല. പ്രത്യേകിച്ചും ഇപ്പോഴത്തെ ആരോഗ്യ മന്ത്രിക്ക്. ഇപ്പോഴത്തെ മന്ത്രിസഭയിൽ ശ്രീമതി വീണ ജോർജ്ജിനെ പോലെ ഓഡിറ്റ് ചെയ്യപ്പെടുന്നവർ ഉണ്ടെന്ന് എനിക്ക് തോന്നിയിട്ടില്ല. അതിന് പല കാരണങ്ങൾ ഉണ്ട് ആരോഗ്യ വകുപ്പാണ് താരതമ്യേന ചെറുപ്പക്കാരിയായ മന്ത്രിയാണ് ചോരച്ചാലുകൾ ഒന്നും നീന്തിക്കയറിയ രാഷ്ട്രീയ പാരമ്പര്യം ഇല്ലാത്ത ആളാണ് സ്ത്രീയാണ് മാധ്യമത്തിൽ നിന്നും വന്നതാണ്, അതിൻ്റെ കൊതിക്കെറുവ് പല മാധ്യമ സിംഹങ്ങൾക്കും ഉണ്ടെന്ന് തോന്നാറുണ്ട് ഇതിനൊക്കെ ഉപരി…

ആരോഗ്യമന്ത്രിയുടെ പേഴ്‌സണൽ സ്റ്റാഫ്‌ അംഗം അഖിൽ മാത്യുവിന്‌ സെക്രട്ടറിയറ്റ്‌ പരിസരത്ത്‌ കൈക്കൂലി നൽകിയെന്ന്‌ മാധ്യമങ്ങളുമായി ചേർന്ന് തിരക്കഥയുണ്ടാക്കിയ ഹരിദാസൻ വീണ്ടും മൊഴി മാറ്റി. സിസിടിവി ദൃശ്യങ്ങൾ പരിശോധിച്ചപ്പോൾ ആരോപണം കളവാണെന്ന്‌ കണ്ടെത്തിയതോടെയാണ് ഇവരുടെ തിരക്കഥയിലെ മാറ്റം. സിസി ടിവി ദൃശ്യങ്ങളിൽ ഹരിദാസനും ബാസിതും മാത്രമാണുള്ളത്‌. മറ്റാരെയും കാണാത്തതിനെക്കുറിച്ച്‌ ചോദിച്ചപ്പോൾ അവിടെ വച്ചല്ല പണം കൈമാറിയതെന്നാണ്‌ ഹരിദാസൻ്റെ വാദം. ദൃശ്യങ്ങൾ കാണിച്ച്‌ ചോദ്യം ചെയ്തപ്പോൾ, അഖിൽ സജീവിന്റെ നിർദേശപ്രകാരം പ്രസ്‌ക്ലബ് ഭാഗത്തേക്ക്‌ നടന്നെന്നും എതിരെ വന്ന അഖിൽ മാത്യുവെന്ന്‌ പരിചയപ്പെടുത്തിയ വ്യക്തിക്ക്‌ പണം നൽകിയെന്നുമായി. ഹരിദാസനൊപ്പമെത്തിയ ബാസിത്‌ ഫോണിൽ സംസാരിക്കുന്ന ദൃശ്യങ്ങളുണ്ട്‌. അഖിൽ സജീവിനോടാണ്‌ സംസാരിച്ചതെന്ന്‌ പോലീസ് കണ്ടെത്തിയിരുന്നു. അഖിൽ സജീവ്‌ പറഞ്ഞതനുസരിച്ചാണ്‌ ബാസിത്‌ തന്റെയടുത്തുനിന്ന്‌ മാറിയതെന്നാണ്‌ ഹരിദാസൻ പറയുന്നത്‌. എക്‌സിറ്റ്‌ ഗേറ്റിനടുത്തേക്ക്‌ പോകാൻ പറഞ്ഞത്‌ പ്രകാരം താൻ പുറത്തേക്ക്‌ നടന്നെന്നും ഓട്ടോറിക്ഷ സ്റ്റാൻഡിന്‌ സമീപത്തെത്തിയപ്പോൾ എതിരെ വന്നയാൾ അഖിൽ മാത്യുവെന്ന്‌ സ്വയം പരിചയപ്പെടുത്തി പണം വാങ്ങിയെന്നുമാണ്‌ ഹരിദാസൻ പറയുന്നത്‌. ഇത്തരത്തിലൊരു കൂടിക്കാഴ്‌ചയുണ്ടായോ…

കോടിക്കണക്കിനു രൂപയുടെ നിക്ഷേപം തിരികെ നൽകണമെന്ന്‌ ആവശ്യപ്പെട്ട്‌ മുൻമന്ത്രിയും കോൺഗ്രസ്‌ നേതാവുമായ വി എസ്‌ ശിവകുമാറിൻ്റെ ശാസ്‌തമംഗലത്തെ വീടിനുമുന്നിൽ നിക്ഷേപകരുടെ സമരം. തിരുവനന്തപുരം ഡിസിസി അംഗവും ശിവകുമാറിൻ്റെ മുൻ പേഴ്‌സണൽ അസിസ്റ്റന്റുമായിരുന്ന എം രാജേന്ദ്രൻ പ്രസിഡന്റായ തിരുവനന്തപുരം ജില്ലാ അൺ എംപ്ലോയീസ് സോഷ്യൽ വെൽഫെയർ കോ– ഓപ്പറേറ്റീവ്‌ സൊസൈറ്റിയിലെ നിക്ഷേപകരാണ്‌ സമരത്തിനെത്തിയത്‌. അഞ്ചു ലക്ഷം മുതൽ അരക്കോടി രൂപ വരെ സൊസൈറ്റിയിൽ നിക്ഷേപിച്ചവരുണ്ട്‌. കോൺഗ്രസ്‌ പ്രവർത്തകരും അനുഭാവികളുമാണ്‌ ഇതിൽ ഭൂരിപക്ഷവും. മൂന്നരക്കോടി രൂപ നിക്ഷേപിച്ചിട്ട്‌ ഒരു തവണ പോലും പലിശ ലഭിച്ചില്ലെന്ന്‌ ഒരു കുടുംബം മാധ്യമങ്ങളോടുപറഞ്ഞു. ശിവകുമാറിൻ്റെ പേരുപറഞ്ഞാണ്‌ രാജേന്ദ്രൻ പണം സമാഹരിച്ചതെന്നും ശിവകുമാറും നിക്ഷേപം നടത്താൻ പ്രേരിപ്പിച്ചെന്നും നിക്ഷേപകർ പറയുന്ന. ശിവകുമാറാണ്‌ 2006ൽ സൊസൈറ്റി ഉദ്‌ഘാടനം ചെയ്‌തത്‌. നിലവിൽ 13 കോടിയിലേറെ രൂപയുടെ നിക്ഷേപം സ്വീകരിച്ചതായാണ് കണക്ക്. മൂന്ന്‌ ശാഖകളുള്ള സൊസൈറ്റിയുടെ കിള്ളിപ്പാലത്തെ ആസ്ഥാനം അടച്ചുപൂട്ടി. പോലീസെത്തി ചർച്ച നടത്തുംവരെ നിക്ഷേപകർ ശിവകുമാറിൻ്റെ വീടിനുമുന്നിൽ സമരം തുടർന്നു. മുഖ്യമന്ത്രിക്കും സഹകരണമന്ത്രിക്കും…

സംസ്ഥാനങ്ങളിലെ ജനസംഖ്യയുടെ അടിസ്ഥാനത്തിൽ മെഡിക്കൽ സീറ്റുകൾ അനുവദിക്കാനുള്ള ദേശീയ മെഡിക്കൽ കമീഷൻ്റെ തീരുമാനം കേരളം അടക്കമുള്ള ദക്ഷിണേന്ത്യൻ സംസ്ഥാനങ്ങളിലെ വിദ്യാർഥികൾക്ക്‌ തിരിച്ചടിയാകും. ഓരോ സംസ്ഥാനത്തെയും 10 ലക്ഷം പേർക്ക്‌ 100 മെഡിക്കൽ സീറ്റ്‌ മതിയെന്നാണ്‌ ആഗസ്‌ത്‌ 16 ന് മെഡിക്കൽ കമീഷൻ പുറപ്പെടുവിച്ച വിജ്ഞാപനം. അടുത്ത അക്കാദമിക്‌ വർഷംമുതൽ പുതിയ സീറ്റ്‌ മാനദണ്ഡം നിലവിൽ വരും. പുതിയ മെഡിക്കൽ കോഴ്‌സുകൾ, നിലവിലെ കോഴ്‌സുകളിലെ സീറ്റ്‌ വർധന തുടങ്ങിയവയ്‌ക്കും ഇത്‌ ബാധകമാകും. കേരളത്തിൽ നിലവിൽ 4655 എംബിബിഎസ്‌ സീറ്റാണുള്ളത്‌. മെഡിക്കൽ കമീഷൻ്റെ പുതിയ മാനദണ്ഡം പാലിച്ചാൽ കേരളത്തിലെ എംബിബിഎസ്‌ സീറ്റുകളുടെ എണ്ണം 3500 ആയി ചുരുങ്ങും. 1155 സീറ്റ്‌ കുറയും. തമിഴ്‌നാട്ടിൽ 11600 എംബിബിഎസ്‌ സീറ്റുള്ളത്‌ 7600 ആയും കർണാടകത്തിലെ 11,695 സീറ്റ്‌ 6700 ആയും കുറയും. ആന്ധ്രയിൽ 6435 എംബിബിഎസ്‌ സീറ്റുള്ളത്‌ 5300 ആയും തെലങ്കാനയിൽ 8540 സീറ്റ്‌ 3700 ആയും കുറയും. തെക്കൻ സംസ്ഥാനങ്ങൾക്ക്‌ പുറമെ ഹിമാചൽ, മണിപ്പുർ, സിക്കിം…

മലയാള മനോരമ നടത്തിപ്പുകാരും പിതാമഹന്മാരും തുടർച്ചയായി തന്തയ്ക്കു വിളി കേൾക്കേണ്ടിവരുന്നത് എന്തുകൊണ്ടാണ്? അതിന് മികച്ച ഒരു ഉത്തരം നൽകിയിട്ടുണ്ട് തിരുവനന്തപുരത്തെ മുതിർന്ന മാധ്യമ പ്രവർത്തകൻ എം ബി സന്തോഷ്. തങ്ങളുടെ വിരൽത്തുമ്പിലാണ് ഭൂഗോളം കറങ്ങുന്നതെന്ന ചിന്തയാണ് മനോരമക്കാരുടെ പ്രധാന പ്രശ്നം. ഇവരുടെ തറവഴിത്തരം സാധാരണയായി സമൂഹമാധ്യമങ്ങളിലെ ഇടതു പ്രൊഫൈലുകളാണ് തുറന്നു കാട്ടാറുള്ളത്. ഇപ്പോഴിതാ സഹികെട്ട് മുതിർന്ന മാധ്യമ പ്രവർത്തകർക്ക് തന്നെ രംഗത്തിറങ്ങേണ്ടി വരുന്നു. മൂന്ന് പതിറ്റാണ്ടോളമായി തലസ്ഥാനത്ത് മാധ്യമ പ്രവർത്തനം നടത്തിവരികയാണ് കേരള കൗമുദിയുടെ തലസ്ഥാന ബ്യൂറോ ചീഫ് കൂടിയായിരുന്ന എം ബി സന്തോഷ്. അദ്ദേഹത്തിൻ്റെ ഫെയ്സ്ബുക്ക് പ്രതികരണം മനോരമക്കു മാത്രമല്ല, സകല മാപ്രകൾക്കുമുള്ള മറുപടിയാണ് . സന്തോഷ് എം ബിയുടെ ഫെയ്സ് ബുക്ക് പോസ്റ്റിൻ്റെ പൂർണ്ണരൂപം: “ബുധനാഴ്ചത്തെ മുഖ്യമന്ത്രിയുടെ വാർത്താസമ്മേളനം. കരുവന്നൂർ സഹകരണബാങ്കിലെ ക്രമക്കേട് സംബന്ധിച്ച ചോദ്യത്തിന് കഴിഞ്ഞ നിയമസഭാ സമ്മേളനത്തിൽ സഹകരണനിയമത്തിൽ വരുത്തിയ ഭേദഗതി ഉൾപ്പെടെ ചൂണ്ടിക്കാട്ടി മുഖ്യമന്ത്രി വിശദമായി മറുപടി പറഞ്ഞത് ലോകം മുഴുവൻ തത്സമയം കേട്ടതാണ്.’സഹകരണഭേദഗതി…

വീരപ്പൻ വേട്ടയുടെ പേരിൽ തമിഴ്നാട് വചാത്തിയിൽ 18 ഗോത്രവർഗ സ്ത്രീകളെ കൂട്ടബലാത്സംഗം ചെയ്ത കേസിൽ 215 സർക്കാർ ഉദ്യോഗസ്ഥർ കുറ്റക്കാരെന്ന് മദ്രാസ് ഹൈക്കോടതി ഉത്തരവിട്ടു. പ്രതികൾക്ക് തടവുശിക്ഷ വിധിച്ച ധർമപുരി പ്രിൻസിപ്പൽ സെഷൻസ് കോടതി ഉത്തരവിനെതിരെ ഉദ്യോഗസ്ഥർ സമർപ്പിച്ച അപ്പീൽ തള്ളിയാണ് ജസ്റ്റിസ് വേൽമുരുകന്റെ ചരിത്രവിധി. വചാത്തി കൂട്ടബലാത്സംഗ കേസിൽ 2011ലാണ് വിചാരണ കോടതി ശിക്ഷ വിധിച്ചത്. സിപിഎം പ്രവർത്തകരുടെ ഇടപെടലിനെ തുടർന്നാണ് വചാതി ആദിവാസി ഗ്രാമത്തിൽ വനംവകുപ്പുകാരും പോലീസും നടത്തിയ കൊടുംപീഡനവും ലോക്കപ്പ്‌ മർദനവും പുറംലോകം അറിഞ്ഞത്. വേട്ടയാടപ്പെട്ടവർക്ക് നീതി ലഭ്യമാക്കാൻ സിപിഎം നടത്തിയ പോരാട്ടത്തിൻ്റെ വിജയമാണ് ഹൈക്കോടതിയുടെ സുപ്രധാന വിധി. 1992-ൽ വീരപ്പനെ പിടികൂടാനെത്തിയ ഉദ്യോഗസ്ഥർ വചാത്തി ഗ്രാമം ആക്രമിക്കുകയായിരുന്നു. കുടിലുകൾ തകർക്കുകയും ഗോത്രവർഗസ്ത്രീകളെ കൂട്ടബലാത്സംഗത്തിനിരയാക്കുകയും ചെയ്തു. വനം വകുപ്പ് ഉദ്യോഗസ്ഥരും പോലീസുകാരും റവന്യൂ ജീവനക്കാരുമാണ് പ്രതികൾ. 18 ഗോത്രവർഗ്ഗ യുവതികളെയാണ് 269-ഓളം സർക്കാരുദ്യോഗസ്ഥർ ചേർന്ന് കൂട്ടബലാത്സംഗത്തിനിരയാക്കിയത്. ഇവരെ ട്രക്കിൽ കയറ്റി വനം വകുപ്പ് റെയ്ഞ്ച് ഓഫീസിൽ കൊണ്ടുപോയി…

സർക്കാർപ്രവൃത്തികൾക്ക്‌ ടെൻഡറില്ലാതെ തൊഴിലാളി സഹകരണസംഘങ്ങളെ അക്രഡിറ്റ് ചെയ്യാനുള്ള തീരുമാനമെടുത്തത്‌ ഉമ്മൻചാണ്ടി സർക്കാർ. കാലാനുസൃതമായി പരിഷ്‌കരിക്കുന്ന നിശ്ചിത തുക പരിധിയുള്ള പ്രവൃത്തികൾ ടെൻഡർ കൂടാതെ കരാർ നൽകാൻ വ്യവസ്ഥചെയ്യുന്ന അക്രഡിറ്റേഷൻ സമ്പ്രദായമാണ്‌ 2015-ൽ നടപ്പാക്കിയത്. നടപടിക്രമങ്ങളുടെ കാലതാമസവും അഴിമതിയും ഒഴിവാക്കാനും ഗുണമേന്മ ഉറപ്പാക്കാനും ആയിരുന്നു ഈ നടപടി. പിന്നീടുവന്ന എല്ലാ സർക്കാരുകളും കൂടുതൽ ഏജൻസികളെ ഉൾപ്പെടുത്തിയും പരമാവധി തുക, ഒരേസമയം ഏറ്റെടുക്കാവുന്ന പരമാവധി പ്രവൃത്തികളുടെ തുക എന്നിവ ഭേദഗതിചെയ്തും ഉത്തരവിറക്കിയിട്ടുണ്ട്‌. നിലവിൽ 40 സർക്കാർ ഏജൻസികളും ഊരാളുങ്കൽ ലേബർ കോൺട്രാക്ട് കോ ഓപ്പറേറ്റീവ് സൊസൈറ്റി അടക്കം ആറു സർക്കാർ ഇതര ഏജൻസികളും അക്രഡിറ്റേഷൻ പട്ടികയിലുണ്ട്. ദേശീയപാത ഉൾപ്പെടെയുള്ള വലിയ പ്രവൃത്തികൾ ഏറ്റെടുക്കുന്ന സംഘം എന്ന പരിഗണനയിൽ ഊരാളുങ്കൽ സൊസൈറ്റിക്ക്‌ ഉൾപ്പെടെ സഹായകമായ ഉത്തരവുകൾ പല ഘട്ടങ്ങളിലായി കേരളത്തിലെ സർക്കാരുകൾ പുറപ്പെടുവിച്ചിട്ടുണ്ട്. സർക്കാരുകളുടെ സാമൂഹിക ഉത്തരവാദിത്വത്തിൻ്റെ ഭാഗമായി എടുത്ത തീരുമാനങ്ങളെയാണ്‌ ഊരാളുങ്കലിന്‌ വേണ്ടിയുള്ള വഴിവിട്ട ശ്രമമായി മനോരമ ചിത്രീകരിക്കുന്നത്‌. ഇ ഡി യെ ആയുധമാക്കി…

കാസർകോട്: കോൺഗ്രസ് മണ്ഡലം പുനഃസംഘടനയിൽ രാജ്മോഹൻ ഉണ്ണിത്താൻ സ്വന്തക്കാരെ തിരുകിക്കയറ്റിയതിൽ പ്രതിഷേധിച്ച് കാസർകോട് ഡിസിസി ഓഫീസിനകത്ത് കോൺഗ്രസ് പ്രവർത്തകരുടെ കുത്തിയിരിപ്പ് സമരം. കെപിസിസി അംഗം കരിമ്പിൽ കൃഷ്ണൻ്റെ നേതൃത്വത്തിലാണ് പ്രതിഷേധം. കാസർകോട് എം പി രാജ്‌മോഹൻ ഉണ്ണിത്താന് മാനസിക പ്രശ്നമുണ്ട്. എം പിയെ കാണാൻ വരുന്ന പ്രവർത്തകരെ തന്തക്കും തള്ളക്കും വരെ വിളിക്കുന്ന അവസ്ഥയുണ്ടെന്നും അദ്ദേഹം പറഞ്ഞു. എഴുപതോളം പ്രവർത്തകരാണ് ഡിസിസി പ്രസിഡൻ്റ് പി കെ ഫൈസലിൻ്റെ മുറിക്ക് മുന്നിൽ രാവിലെ മുതൽ കുത്തിയിരിപ്പ് സമരം നടത്തുന്നത്. പ്രതിഷേധം ഭയന്ന് ഡിസിസി പ്രസിഡൻ്റ് ഓഫീസിലെത്തിയില്ല. ചീമേനി മണ്ഡലം കമ്മിറ്റിയിലാണ് ഉണ്ണിത്താൻ ഇടപെട്ട് അട്ടിമറിച്ചത്. മുൻ ചീമേനി മണ്ഡലം പ്രസിഡന്റ്‌ ആയിരുന്ന ജയരാമനോ അല്ലെങ്കിൽ ശ്രീവത്സൻ പുത്തൂരോ ഭാരവാഹിയാക്കണമെന്നായിരുന്നു ധാരണ. എന്നാൽ ഉണ്ണിത്താൻ സ്വന്തക്കാരനായ യൂത്ത് കോൺഗ്രസ്‌ ജില്ല സെക്രട്ടറി ധനേഷിനെ പ്രസിഡൻ്റാക്കുന്നുവെന്ന് ആരോപിച്ചാണ് സമരം. ചീമേനിയിൽ 12 ബൂത്തുകമ്മറ്റിയാണ് ഉള്ളത്. അതിൽ 10 ബൂത്തു കമ്മറ്റി പ്രസിഡൻ്റുമാരും സമരത്തിനെത്തി. പ്രത്യേക ബസിലാണ്…

സംസ്ഥാനത്തെ സഹകരണ സംഘങ്ങളിൽ ഗുരുതര ക്രമക്കേട്‌ നടന്ന 272ൽ 202ഉം യുഡിഎഫ്‌ നിയന്ത്രണത്തിലുള്ളതാണെന്ന്‌ സഹകരണ രജിസ്‌ട്രാർ നടത്തിയ പരിശോനയിൽ കണ്ടെത്തി. ബിജെപി ഭരിക്കുന്ന ഏഴ്‌ സംഘങ്ങളിലും അഴിമതി കണ്ടെത്തി. സംസ്ഥാനത്തെ 16,255 സഹകരണ സംഘങ്ങളിൽ 272 എണ്ണത്തിൽ മാത്രമാണ്‌ വെട്ടിപ്പും ക്രമക്കേടുകളും കണ്ടെത്തിയത്. ഇതിൽ പലതും വിവിധ മേഖലകളിലെ പ്രാഥമിക സഹകരണ സംഘങ്ങളാണ്‌. ബാങ്കിങ്‌ മേഖലയിൽ പ്രവർത്തിക്കുന്ന സ്ഥാപനങ്ങൾ വളരെ കുറവാണ്. അഴിമതി കണ്ടെത്തിയിട്ടും കുറ്റക്കാരെ സംരക്ഷിക്കുന്ന നിലപാടാണ്‌ യുഡിഎഫ് സ്വീകരിക്കുന്നത്‌. കരുവന്നൂരിൻ്റെ പേരിൽ സഹകരണ മേഖലയെ വേട്ടയാടുന്ന മാധ്യമങ്ങൾ കോൺഗ്രസും ബിജെപിയും അടക്കമുള്ള പ്രതിപക്ഷ കക്ഷികൾ ഭരിക്കുന്ന സ്ഥാപനങ്ങളിലെ കൊള്ളയ്ക്കു നേരെ കണ്ണടച്ചിരിപ്പാണ്. തിരുവനന്തപുരത്തും തൃശൂരും വയനാട്ടിലും ഉൾപ്പെടെ സഹകരണ തട്ടിപ്പ്‌ നടത്തിയവരെല്ലാം കോൺഗ്രസിൻ്റെ പ്രമുഖ നേതാക്കളാണ്‌. അറുപത്തിമൂന്ന്‌ സംഘങ്ങൾ എൽഡിഎഫ് ഭരണ സമിതിക്കു കീഴിലാണെന്ന്‌ റിപ്പോർട്ടിലുണ്ടെങ്കിലും തട്ടിപ്പുകാരെ നിയമത്തിനുമുന്നിൽ കൊണ്ടുവന്നതും നിക്ഷേപകരെ സംരക്ഷിച്ചതും ഈ സംഘങ്ങളിലാണ്‌. ഇഡിയും മാധ്യമങ്ങളും ചേർന്ന്‌ സഹകരണമേഖലയെ വേട്ടയാടാൻ ഉപയോഗിക്കുന്ന കരുവന്നൂർ ബാങ്കിലും തട്ടിപ്പുകാർക്കെതിരെ…

തിരുവനന്തപുരം: ലോക ഹൃദയ ദിനത്തിൻ്റെ ഭാഗമായി ആരോഗ്യ വകുപ്പ് ‘ഹൃദയസ്പർശം’ കാക്കാം ഹൃദയാരോഗ്യം എന്നപേരിൽ സംസ്ഥാനതല കാമ്പയിൻ ആരംഭിക്കുന്നതായി ആരോഗ്യ വകുപ്പ് മന്ത്രി വീണാ ജോർജ്. ഹൃദ്രോഗം കണ്ടുപിടിക്കുക, ചികിത്സയ്ക്കുക, പ്രതിരോധിക്കുക, സിപിആർ ഉൾപ്പെടെയുള്ള പ്രഥമ ശുശ്രൂക്ഷാ പരിശീലനം തുടങ്ങിയവയാണ് ഇതിലൂടെ ലക്ഷ്യമിടുന്നത്. ഇസിജി, ട്രോപ് ടി തുടങ്ങിയ സൗജന്യ പരിശോധനൾ കാമ്പയിൻ്റെ ഭാഗമായി ലഭ്യമാക്കും. ഓട്ടോ ഡ്രൈവർമാർ, ടാക്‌സി ഡ്രൈവർമാർ, മറ്റു വോളണ്ടിയർമാർ, ആംബുലൻസ് ഡ്രൈവർമാർ തുടങ്ങിയവർക്കാണ് ആദ്യഘട്ടത്തിൽ പരിശീലനം നൽകുന്നത്. മെഡിക്കൽ കോളേജുകളുടെയും ഹാർട്ട് ഫൗണ്ടേഷൻ്റെയും സഹായത്തോടെയാണ് പരിശീലന പരിപാടി സംഘടിപ്പിച്ചിരിക്കുന്നതെന്നും മന്ത്രി വ്യക്തമാക്കി. സംസ്ഥാനതല ഉദ്ഘാടനം നാളെ തൃശൂർ മെഡിക്കൽ കോളേജിൽ വച്ച് മന്ത്രി വീണാ ജോർജ് നിർവഹിക്കും. ആഗോള തലത്തിൽ സെപ്റ്റംബർ 29 ലോക ഹൃദയ ദിനമായി ആചരിക്കുന്നു. ഹൃദയാരോഗ്യത്തെപ്പറ്റിയും ഹൃദയത്തെ സംരക്ഷിക്കേണ്ടതിന്റെ പ്രാധാന്യത്തെപ്പറ്റിയും ജനങ്ങളെ ബോധവാന്മാരാക്കുക എന്ന ഉദ്ദേശത്തോടു കൂടിയാണ് ലോക ഹാർട്ട് ഫെഡറേഷൻ സെപ്റ്റംബർ 29 ലോകാരോഗ്യ ദിനമായി ആചരിക്കുന്നത്. ലോകത്തിൽ ഏറ്റവും…