Author: T21 Media

ലോകത്തിന് വഴികാട്ടുന്ന അധ്യാപകനാണ്, വിശ്വഗുരുവാണ് -മോദിയുടെ നേതൃത്വത്തിലുള്ള ഇന്ത്യ എന്നാണ് ബിജെപിയുടെ പ്രചാരണം. എന്നാൽ, ഹിന്ദുരാഷ്ട്രം (മതരാഷ്ട്രം) ലക്ഷ്യമാക്കുന്ന ആർഎസ്എസിൻ്റെ രാഷ്ട്രീയരൂപമായ ബിജെപിക്ക് അതിനു കഴിയില്ലെന്ന് പശ്ചിമേഷ്യയിലെ ഇപ്പോഴത്തെ സംഘർഷവും അതിൽ മോദി സർക്കാർ കൈക്കൊണ്ട സമീപനവും വ്യക്തമാക്കുന്നു. ഭീകര രാഷ്ട്രമെന്ന് അറിയപ്പെടുന്ന ഇസ്രയേലിനൊപ്പം അണിനിരക്കുന്ന ഇന്ത്യയെയാണ് നമുക്ക് കാണാനായത്. ഇസ്രയേലിനുനേരെ ഹമാസ് നടത്തിയ ആക്രമണത്തെ ആർക്കും ന്യായീകരിക്കാനാകില്ല. അത് അപലപിക്കപ്പെടേണ്ടതുമാണ്. എന്നാൽ, യഥാർഥ പ്രശ്നം പലസ്തീൻ പ്രദേശങ്ങളിലേക്ക് ഇടതടവില്ലാതെ ഇസ്രയേൽ നടത്തുന്ന അധിനിവേശമാണ്. ഗ്ലോബൽ സൗത്തിൽപ്പെട്ട രാഷ്ട്രങ്ങൾ ഇക്കാര്യം മറയില്ലാതെ ചൂണ്ടിക്കാട്ടി. ചൈനയും ബ്രസീലും ഇന്തോനേഷ്യയും മറ്റും ഇക്കാര്യം എടുത്തുപറഞ്ഞു. എന്നാൽ, ഗ്ലോബൽ സൗത്തിൻ്റെ നേതൃത്വം ഏറ്റെടുക്കാൻ വെമ്പൽ കൊള്ളുന്ന മോദി സർക്കാർ ഏകപക്ഷീയമായി ഇസ്രയേലിനൊപ്പം നിലകൊണ്ടു. ഹമാസ് ആക്രമണം നടന്ന ദിവസംതന്നെ പ്രധാനമന്ത്രി മോദി എക്സിൽ കുറിച്ചു, -ഇസ്രയേലിനൊപ്പം അടിയുറച്ചുനിൽക്കുമെന്ന്. ഹമാസിന്റേത് ഭീകരാക്രമണമാണെന്നും അദ്ദേഹം പറഞ്ഞു. പരമ്പരാഗത വിദേശനയത്തിൽനിന്നുള്ള ചരിത്രപരമായ മാറ്റമാണ് മോദിയുടെ പ്രസ്താവനയിൽ നിഴലിക്കുന്നതെന്ന വിമർശം ശക്തമായതോടെയാണ്…

ദേവഗൗഡയുടെതായി വന്ന പ്രസ്താവന അസംബന്ധമാണന്ന് വ്യക്തമായിട്ടും വീണ്ടും പ്രചരിപ്പിക്കുന്നത് ബോധപൂർവമാണന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ. ബോധപൂർവമുണ്ടാക്കിയ വിവാദമാണത്. അസംബന്ധവും വസ്‌തുതാ വിരുദ്ധവുമാണന്ന് പിണറായി വിജയൻ പറഞ്ഞിട്ടുണ്ട്. അങ്ങനെ പറഞ്ഞിട്ടില്ലെന്ന് ദേവഗൗഡയും പറഞ്ഞു. എന്നിട്ടും മാധ്യമങ്ങൾ പറയുന്നു സിപിഎം അങ്കലാപ്പിലാണന്ന്. കോൺഗ്രസിൻ്റെ പിആർ ഏജൻസിയുടെ കള്ള പ്രചാരണം മാധ്യമങ്ങൾ ഏറ്റുപിടിക്കുകയാണ്. പാലക്കാട് മാധ്യമ പ്രവർത്തകരോട് സംസാരിക്കുകയായിരുന്നു അദ്ദേ​ഹം. ഒന്ന് രണ്ട് ദിവസത്തേ ആയുസേ ഇതിനുണ്ടാകൂ. ജനങ്ങൾ ഇതൊന്നും വിശ്വസിക്കില്ല. ബിജെപിക്കെതിരെ വിട്ടുവീഴ്ചയില്ലാത്ത നിലപാടുള്ള പാർട്ടിയാണ് സിപിഎം. ബിജെപിയാണ് മുഖ്യശത്രു. ദേവഗൗഡ ബിജെപിയുമായി സഖ്യമുണ്ടാക്കിയത് കേരള ഘടകം തള്ളിയിട്ടുണ്ട്. എൽഡിഎഫിൻ്റെ നിലപാടാണ് തങ്ങൾക്കുള്ളതെന്ന് വ്യക്തമാക്കിയിട്ടുമുണ്ട്. ദേശീയ നേതൃത്വത്തെ അംഗീകരിക്കുന്നുണ്ടോ എന്ന് അവർ പറയും – എം വി ​ഗോവിന്ദൻ വ്യക്തമാക്കി. കഴിഞ്ഞ ദിവസം ദേവഗൗഡയുടെ പ്രസ്താവനയ്ക്ക് മുഖ്യമന്ത്രി പിണറായി വിജയൻ മറുപടി പറഞ്ഞിരുന്നു. ദേവഗൗഡയുടേതായി വന്ന പ്രസ്താവന വാസ്തവ വിരുദ്ധവും തികഞ്ഞ അസംബന്ധവുമാണ്. സ്വന്തം രാഷ്ട്രീയ മലക്കം മറിച്ചിലുകൾക്ക് ന്യായീകരണം…

തിരുവനന്തപുരം: ജെഡിഎസ് ദേശീയ അധ്യക്ഷൻ ദേവഗൗഡക്ക് മറുപടിയുമായി മുഖ്യമന്ത്രി പിണറായി വിജയൻ. ബിജെപിക്കൊപ്പം പ്രവർത്തിക്കാനുള്ള ജെഡിഎസ് തീരുമാനം കേരള മുഖ്യമന്ത്രി പിണറായി വിജയൻ്റെ പൂർണ സമ്മതത്തോടെയെനന്നായിരുന്നു എച്ച് ഡി ദേവഗൗഡ മാധ്യമങ്ങളോട് പറഞ്ഞത്. ഈ സാഹചര്യത്തിലാണ് മുഖ്യമന്ത്രിയുടെ മറുപടി. ദേവഗൗഡയുടേതായി വന്ന പ്രസ്താവന വാസ്തവ വിരുദ്ധവും തികഞ്ഞ അസംബന്ധവുമാണ്. സ്വന്തം രാഷ്ട്രീയ മലക്കം മറിച്ചിലുകൾക്ക് ന്യായീകരണം കണ്ടെത്താൻ അദ്ദേഹം അസത്യം പറയുകയാണ്. ദേവഗൗഡയുടെ അസംബന്ധ പ്രസ്താവന തിരുത്തുന്നതാണ് ഔചിത്യവും രാഷ്ട്രീയ മര്യാദയെന്നും മുഖ്യമന്ത്രി ഫേസ്ബുക്ക് കുറിപ്പിൽ പറഞ്ഞു. ഫേസ്ബുക്ക് കുറിപ്പ്: ദേവഗൗഡയുടേതായി വന്ന പ്രസ്താവന വാസ്തവ വിരുദ്ധവും തികഞ്ഞ അസംബന്ധവുമാണ്. സ്വന്തം രാഷ്ട്രീയ മലക്കം മറിച്ചിലുകൾക്ക് ന്യായീകരണം കണ്ടെത്താൻ അദ്ദേഹം അസത്യം പറയുകയാണ്. ജനതാദൾ എസ് കാലങ്ങളായി കേരളത്തിൽ ഇടതുപക്ഷ ജനാധിപത്യ മുന്നണിയോടൊപ്പം നിലകൊള്ളുന്ന കക്ഷിയാണ്. ദേശീയ നേതൃത്വം വ്യത്യസ്ത നിലപാട് പ്രഖ്യാപിച്ചപ്പോൾ ആ ബന്ധം വിച്ഛേദിച്ച് കേരളത്തിൽ എൽഡിഎഫിന് ഒപ്പം നിലയുറപ്പിച്ച പാരമ്പര്യമാണ് അവരുടെ സംസ്ഥാന നേതൃത്വത്തിനുള്ളത്. ആ പാർട്ടിയുടെ…

എൻഫോഴ്‌സ്‌മെന്റ്‌ ഡയറക്ടറേറ്റിന്‌ തോന്നിയതുപോലെ ആരെയും അറസ്റ്റ്‌ ചെയ്യാനാകില്ലെന്ന്‌ ഡൽഹി ഹൈക്കോടതി. കള്ളപ്പണം വെളുപ്പിക്കൽ തടയൽ (പിഎംഎൽഎ) 19–-ാം വകുപ്പ്‌ പ്രകാരം അറസ്റ്റ്‌ ചെയ്യാനുള്ള അധികാരം പരിധിയില്ലാത്തതല്ലെന്നും ജസ്റ്റിസ്‌ അനുപ്‌ ജയ്‌റാം ഭംഭാനി ഇഡി യെ ഓർമ്മിപ്പിച്ചു. ‘പിഎംഎൽഎ പ്രകാരം മൂന്നുകാര്യങ്ങൾ ഉറപ്പുവരുത്തിയശേഷമേ അറസ്റ്റിലേക്ക്‌ കടക്കാവൂ. അറസ്റ്റ്‌ ചെയ്യാൻ പോകുന്ന വ്യക്തി പിഎംഎൽഎ പ്രകാരമുള്ള കുറ്റകൃത്യം ചെയ്‌തെന്ന്‌ ഡയറക്ടർക്ക്‌ വസ്‌തുനിഷ്‌ഠമായ ഉറപ്പുണ്ടാകണം. ഉറപ്പിലേക്ക്‌ നയിച്ച കാരണങ്ങൾ കൃത്യമായി രേഖപ്പെടുത്തണം. അറസ്റ്റിന് അടിസ്ഥാനമായ തെളിവുകളും രേഖകളും ഡയറക്ടറുടെ പക്കലുണ്ടായിരിക്കണമെന്നും കോടതി വ്യക്തമാക്കി. പിഎംഎൽഎ 50-ാം വകുപ്പ്‌ പ്രകാരം സമൻസ്‌ അയക്കാനുള്ള എൻഫോഴ്‌സ്‌മെന്റ്‌ ഡയറക്ടറേറ്റിൻ്റെ അധികാരത്തിൽ അറസ്റ്റ്‌ ചെയ്യാനുള്ള അധികാരം ഉൾപ്പെടുന്നില്ലെന്ന പ്രധാന നിരീക്ഷണവുമുണ്ടായി. പിഎംഎൽഎ 19-ാം വകുപ്പും 50-ാം വകുപ്പും വ്യത്യസ്‌ത ഉദ്ദേശലക്ഷ്യങ്ങളുള്ളതാണെന്നും ഇരുവകുപ്പുകളിലെയും അധികാരങ്ങൾ കൂട്ടിക്കലർത്തരുതെന്നും കോടതി ഇഡി ഉദ്യോഗസ്ഥർക്ക്‌ മുന്നറിയിപ്പ്‌ നൽകി. 50-ാം വകുപ്പ്‌ പ്രകാരം വ്യക്തികളെ വിളിച്ചുവരുത്തി അറസ്റ്റ്‌ ചെയ്‌താൽ അവർക്ക് നടപടി നിയമപരമായി ചോദ്യം ചെയ്യാനാകുമെന്നും കോടതി ചൂണ്ടിക്കാട്ടി.…

“സ്വയം അളക്കുന്ന കോൽ വെച്ച് സുജിത് നായർമാർ തന്നെ അളക്കേണ്ടെന്ന് സിപിഎം കേന്ദ്ര കമ്മറ്റി അംഗം ഡോ. ടി എം തോമസ് ഐസക്ക്. നവംബർ ഒന്നു മുതൽ നടക്കുന്ന കേരളീയത്തിനെതിരെ കുത്തിത്തിരിപ്പുമായി മനോരമ വ്യാഴാഴ്ച പ്രസിദ്ധീകരിച്ച “കോർത്ത കണ്ണികൾ” ജനകീയാസൂത്രണ പദ്ധതിക്കെതിരെ പടനയിച്ച മനോരമയുടെ ഉടുക്കു വിദ്യകളുടെ ഭാഗമാണെന്ന് തോമസ് ഐസക്ക് ഫേസ്ബുക്കിൽ കുറിച്ചു. അന്നത്തെ ദുഷ്പ്രചാരണങ്ങൾ 25 വർഷം കഴിഞ്ഞ് നിയോലിബറലിസത്തിന്റെ കുഴലൂത്തുകാർ വീണ്ടും അവലോകനം ചെയ്യുന്നതിനു ചെറിയ ഉളുപ്പു പോര. എന്തിനാണ് സുജിത് നായർ ഇത്തരമൊരു വ്യാജവാർത്ത വീണ്ടും അവതരിപ്പിക്കുന്നത്? ഒരു പക്ഷേ, അദ്ദേഹം ചിന്തിക്കുക ഈ പ്രൊജക്ടുമായി ബന്ധപ്പെട്ട ചെലവുകൾ എങ്ങിനെയാണ് നിറവേറ്റുന്നത് എന്നായിരിക്കും. ഇതുവരെ ഞാൻ പരസ്യമായി എഴുതിയിട്ടില്ലാത്ത ഒരു കാര്യം പരസ്യപ്പെടുത്തട്ടെ. എംഎൽഎ ആയപ്പോൾ സെന്റർ ഫോർ ഡെവലപ്പ്മെന്റ് സ്റ്റഡീസിൽ നിന്നും രാജിവച്ചു. പിഎഫും ഗ്രാറ്റുവിറ്റിയുമായി കിട്ടിയ പണം മുഴുവൻ മാരാരിക്കുളത്ത് ഒരു അക്കൗണ്ട് തുടങ്ങി അതിൽ നിക്ഷേപിച്ചു. പ്രതിപക്ഷ എംഎൽഎ ആയിരിക്കുമ്പോഴും എൻ്റെ…

തിരുവനന്തപുരം: തൊഴിലുറപ്പ് പദ്ധതിയുടെ ക്രഡിറ്റ് അടിക്കാൻ ശ്രമിച്ച സംഘപരിവാറിന് മറുപടിയുമായി മന്ത്രി എം ബി രാജേഷ്. നേരും നെറിയും ഇല്ലെന്നത് പോകട്ടെ, ലജ്ജ എന്നൊരു വികാരം പോലും സംഘപരിവാറിന് ഇല്ലേ? എന്ന് ചോദിച്ച അദ്ദേഹം, കേന്ദ്ര സർക്കാർ തകർക്കാൻ ശ്രമിച്ചുകൊണ്ടിരിക്കുന്ന തൊഴിലുറപ്പു പദ്ധതി രാജ്യത്തിനാകെ മാതൃകയാകും വിധത്തിൽ കേരളം നടപ്പാക്കുമ്പോൾ അത് മോദി സർക്കാർ ചെയ്തതാണ് എന്ന് പ്രചരിപ്പിക്കാൻ അസാമാന്യമായ നെറികേടും തൊലിക്കട്ടിയും വേണമെന്നും വിമർശിച്ചു. ഫേസ്ബുക്ക് കുറിപ്പ്: നേരും നെറിയും ഇല്ലെന്നത് പോകട്ടെ, ലജ്ജ എന്നൊരു വികാരം പോലും സംഘപരിവാറിന് ഇല്ലേ? കേന്ദ്ര സർക്കാർ തകർക്കാൻ ശ്രമിച്ചുകൊണ്ടിരിക്കുന്ന തൊഴിലുറപ്പു പദ്ധതി രാജ്യത്തിനാകെ മാതൃകയാകും വിധത്തിൽ കേരളം നടപ്പാക്കുമ്പോൾ അത് മോദി സർക്കാർ ചെയ്തതാണ് എന്ന് പ്രചരിപ്പിക്കാൻ അസാമാന്യമായ നെറികേടും തൊലിക്കട്ടിയും വേണം. ഇന്ത്യയിൽ ആദ്യമായി തൊഴിലുറപ്പ് തൊഴിലാളികൾക്ക് ക്ഷേമനിധി ഏർപ്പെടുത്തിയത് കേരളത്തിലാണ്. 2023 മെയ് 15 ന് പാലക്കാട്ട് പതിനായിരക്കണക്കിനാളുകൾ പങ്കെടുത്ത പൊതുസമ്മേളനത്തിൽ ബഹു. മുഖ്യമന്ത്രി സ. പിണറായി വിജയനാണ്…

വല്ലാർപാടം അന്താരാഷ്‌ട്ര കണ്ടെയ്‌നർ ടെർമിനലിൻ്റെ (ഐസിടിടി) രണ്ടാംഘട്ട വികസനത്തിൻ്റെ ഭാഗമായി സ്ഥാപിക്കുന്നതിന്‌ നാല്‌ കൂറ്റൻ ഗാൻട്രി ക്രെയിനുകൾ സിംഗപ്പൂരിൽനിന്ന്‌ എത്തി. രണ്ട്‌ മെഗാ മാക്‌സ്‌ ക്രെയിനുകൾകൂടി ഡിസംബറിൽ എത്തുന്നതോടെ ഐസിടിടിയുടെ കണ്ടെയ്‌നർ കൈകാര്യശേഷിയിൽ വൻ വർധനമുണ്ടാകും. രണ്ടാംഘട്ട വികസനത്തിൻ്റെ ഭാഗമായി ഇന്റഗ്രേറ്റഡ്‌ ബിസിനസ്‌ സോൺ എന്ന പേരിൽ സംസ്ഥാനത്തെ ആദ്യ ഫ്രീ ട്രേഡ്‌ വെയർഹൗസിങ് സോണും വല്ലാർപാടത്ത്‌ സജ്ജമാകുന്നുണ്ട്‌. രണ്ട് ഷിപ് ടു ഷോർ മെഗാ മാക്സ് ക്രെയിനുകൾ ഉൾപ്പെടെ ആറ് പുതിയ ക്രെയിനുകളാണ്‌ പുതുതായി വല്ലാർപാടത്ത്‌ സ്ഥാപിക്കുക. 2024ൻ്റെ ആദ്യപാദം ഫ്രീ ട്രേഡ് വെയർഹൗസിങ് സോൺകൂടി യാഥാർഥ്യമാകുന്നതോടെ വല്ലാർപാടത്തിൻ്റെ കണ്ടെയ്‌നർ കൈകാര്യ ശേഷിയും ബിസിനസും വർധിക്കും. ടെർമിനൽ നടത്തിപ്പുചുമതലയുള്ള ദുബായ്‌ പോർട്ട്‌ വേൾഡ്‌ ആണ്‌ ഫ്രീ ട്രേഡ് വെയർഹൗസിങ് സോൺ സ്ഥാപിക്കുന്നത്‌. തുറമുഖ ടെർമിനലിൻ്റെ ഭാഗമായി സ്ഥാപിതമാകുന്ന രാജ്യത്തെ ആദ്യ ഫ്രീ ട്രേഡ്‌ വെയർഹൗസിങ്‌ സോണാണ്‌ ഇത്. കുറഞ്ഞ നിരക്കിൽ നിശ്ചിതകാലത്തേക്ക്‌ കണ്ടെയ്‌നർ സൂക്ഷിക്കാനും കൈമാറ്റം ചെയ്യാനുമുള്ള സൗകര്യമാണ്‌ ഫ്രീട്രേഡ്‌…

തിരുവനന്തപുരം: സംസ്ഥാനത്തെ സ്‌കൂളുകളുടെ പ്രവർത്തന മികവ് അഭിനന്ദനാർഹമാണെന്ന് ഫിൻലൻഡ് വിദ്യാഭ്യാസ മന്ത്രി അന്ന മജ ഹെൻറിക്സൺ. വിദ്യാർഥികളുടെ സൃഷ്ടിപരമായ കഴിവുകൾ പരിപോഷിപ്പിക്കാൻ ഊന്നൽ നൽകുന്നതിൽ അധ്യാപകർ ശ്രദ്ധാലുക്കളാണെന്നും അന്ന കൂട്ടിച്ചേർത്തു. വിദ്യാഭ്യാസ മേഖലയിൽ കേരളവുമായുള്ള സഹകരണത്തിൻ്റെ ഭാഗമായി അന്ന മജ ഹെൻറിക്സണിൻ്റെ നേതൃത്വത്തിൽ സംസ്ഥാനത്തെത്തിയ ഫിൻലൻഡ് സംഘം തൈക്കാട് ഗവ. എൽപി സ്‌കൂളും വഴുതക്കാട് കോട്ടൺഹിൽ പ്രീപ്രൈമറി ടീച്ചേഴ്സ് ട്രെയ്‌നിങ് ഇൻസ്റ്റിറ്റ്യൂട്ടും സന്ദർശിച്ചു. ഇന്ത്യയിൽ ആദ്യമായാണ് ഒരു വിദ്യാലയം സന്ദർശിക്കുന്നതെന്നു പറഞ്ഞാണ് തൈക്കാട് എൽപി സ്‌കൂളിൽ അധ്യാപകരുമായി നടത്തിയ ആശയ വിനിമയം ഫിൻലൻഡ് വിദ്യാഭ്യാസ മന്ത്രി ആരംഭിച്ചത്. കേരളം വിദ്യാഭ്യാസത്തിനു നൽകുന്ന പ്രധാന്യവും ഇവിടുത്തെ ബോധന സമ്പ്രദായവും അഭിനന്ദനാർഹമാണ്. കുട്ടിക്കാലം മുതൽ തൊഴിലധിഷ്ഠിത വിദ്യാഭ്യാസമെന്ന രീതിയാണു ഫിൻലൻഡ് സ്വീകരിച്ചുവരുന്നത്. കേരളത്തിൽ താൻ സന്ദർശിച്ച ക്ലാസ് മുറികളെല്ലാം കുട്ടികളുടെ കലാസൃഷ്ടികളാൽ മനോഹരമാണ്. സൃഷ്ടിപരമായ കഴിവുകൾക്ക് വിദ്യാർഥികളെ പ്രോത്സാഹിപ്പിക്കുന്ന അധ്യാപക പഠനത്തിന് എത്തിയിരിക്കുന്ന ബഹുഭൂരിപക്ഷം പേരും വനിതകളാണെന്നത് ഏറെ സന്തോഷകമരാണെന്നു പ്രീപ്രൈമറി ടീച്ചേഴ്സ് ട്രെയ്‌നിങ്…

തിരുവനന്തപുരം: ചൈനയിലെ ഷാങ് ഷൗവിൽ നടന്ന 19-ാമത് ഏഷ്യൻ ഗെയിംസിൽ പങ്കെടുത്ത് മെഡൽ നേടിയ കേരളതാരങ്ങൾക്ക് ക്യാഷ് അവാർഡ് നൽകാൻ മന്ത്രിസഭാ തീരുമാനിച്ചു. സ്വർണ്ണ മെഡൽ ‘ജേതാവിന് 25 ലക്ഷം രൂപയും വെള്ളി മെഡൽ ജേതാവിന് 19 ലക്ഷം രൂപയും, വെങ്കല മെഡൽ ജേതാവിന് 12.5 ലക്ഷം രൂപയുമാണ് അവാർഡ്. മന്ത്രിസഭായോഗ തീരുമാനങ്ങൾ സംസ്ഥാനത്ത് സെൻറർ ഓഫ് എക്സലൻസ് ഇൻ മൈക്രോബയോം സ്ഥാപിക്കും സംസ്ഥാനത്ത് സെൻറർ ഓഫ് എക്സലൻസ് ഇൻ മൈക്രോബയോം സ്ഥാപിക്കാൻ തീരുമാനിച്ചു. രാജീവ് ഗാന്ധി സെൻ്റർ ഫോർ ബയോടെക്നോളജിയുടെ പിന്തുണയോടെയും പങ്കാളിത്തത്തോടെയും കേരള ശാസ്ത്ര സാങ്കേതിക പരിസ്ഥിതി കൗൺസിലിന്റെ കീഴിലാണ് ഇത് സ്ഥാപിക്കുക. കേരള ഡവലപ്‌മെൻ്റ് ഇന്നവേഷൻ സ്ട്രാറ്റജിക് കൗൺസിൽ സമർപ്പിച്ച വിശദ പദ്ധതി രേഖ അം​ഗീകരിച്ചാണ് ഭരണാനുമതി നൽകിയത്. മൈക്രോ ബയോളജി എന്ന ശാസ്ത്ര ശാഖയ്ക്ക് പുതിയ വീക്ഷണം പ്രദാനം ചെയ്യുന്ന നൂതന ശാസ്ത്ര മേഖലയാണ് മൈക്രോബയോം റിസർച്ച്. ഒരേ പരിതസ്ഥിതിയിൽ ഒരുമിച്ച് ജീവിക്കുകയും പ്രവർത്തിക്കുകയും ചെയ്യുന്ന…

തിരുവനന്തപുരം: കോളേജ് ഓഫ് എഞ്ചിനീയറിംഗ്, തിരുവനന്തപുരം (സി ഇ ടി) കോളേജ് യൂണിയന്‍ എലെക്ഷനുമായി ബന്ധപ്പെട്ടു നടന്ന മീറ്റ് ദി ക്യാന്‍ഡിഡേറ്റ് പരിപാടിയില്‍ കൊലവിളിയുമായി കെ എസ് യു. കേരള ടെക്‌നോലോജിക്കല്‍ യൂണിവേഴ്‌സിറ്റിയില്‍ ഇലക്ഷന്‍ നടക്കുന്നതിന്റെ ഭാഗമായി തിരുവനന്തപുരം ശ്രീകാര്യം എഞ്ചിനീയറിംഗ് കോളേജില്‍ മീറ്റ് ദ കാന്‍ഡിഡേറ്റ് നടക്കുന്ന വേളയിലാണ് കെ എസ് യു നേതാകളില്‍ ഒരാള്‍ കൊലപാതക ഭീഷണി എസ് എഫ് ഐ ക്ക് എതിരെ മുഴക്കിയത്. എസ്എഫ്‌ഐയുടെ കാന്‍ഡിഡേറ്റ് വിദ്യാര്‍ഥികളോട് യുയുസി സംസാരിക്കുന്നതിനിടയില്‍ ആണ് എതിരെ നില്‍ക്കുന്ന കെഎസ് യു നേതാക്കള്‍ രക്തസാക്ഷിയായ ധീരജ് ഇനിയും ആവര്‍ത്തിക്കും എന്ന് പരസ്യമായി ശബ്ദമുയര്‍ത്തിയത്. രക്തസാക്ഷികളെ അവഹേളിക്കുകയും ഇനിയും രക്തസാക്ഷികള്‍ ഉണ്ടാകും എന്നും ആക്രോശിച്ചുകൊണ്ട് കൊലപാതകഭീഷണി മുഴക്കുകയായിരുന്നു കെ എസ് യു പ്രവര്‍ത്തകര്‍. വിദ്യാര്‍ഥികള്‍ പുറത്തുവിട്ട വിഡിയോയില്‍ കെ എസ് യു പ്രവര്‍ത്തകരുടെ കൊലവിളിയും ആക്രോശവും കാണാം.