Author: T21 Media

ന്യൂഡൽഹി∙ പാചക വാതക വാണിജ്യ സിലിണ്ടർ വില വീണ്ടും കൂട്ടി. 102 രൂപയാണ് കൂട്ടിയത്. 1842 രൂപയാണ് പുതുക്കിയ വില. ഗാർഹിക സിലിണ്ടറിൻ്റെ വിലയിൽ മാറ്റമില്ല.

തിരുവനന്തപുരം: കളമശേരി സ്ഫോടനത്തിൻ്റെ പശ്ചാത്തലത്തിൽ കേന്ദ്രമന്ത്രിയടക്കമുള്ള നേതാക്കൾ നടത്തിയ പ്രസ്താവനകൾ അങ്ങേയറ്റം അപലപനീയമാണെന്ന് സിപിഎം സംസ്ഥാന സെക്രട്ടറി എം വി ​ഗോവിന്ദൻ. കാര്യത്തിൽ വർ​ഗീയ ധ്രുവീകരണം സൃഷ്ടിക്കാനുള്ള സംഘപരിവാർ അജണ്ടകളുടെ ഭാ​ഗമായിരുന്നു ഇതെന്നും കേരളം ഈ ദുഷ്ടലാക്കിനെ ഒറ്റക്കെട്ടായി എതിർത്തുവെന്നും എം വി ​ഗോവിന്ദൻ പറഞ്ഞു. തിരുവനന്തപുരത്ത് മാധ്യമങ്ങളെ കാണുകയായിരുന്നു അദ്ദേഹം. കളമശേരിയിൽ അ​ങ്ങേയറ്റം ദൗർഭാ​ഗ്യകരമായ സംഭവമാണ് നടന്നത്. സംസ്ഥാനം ഒന്നടങ്കം വിഷമിച്ച ഈ കാര്യത്തിൽ വർ​ഗീയ ധ്രുവീകരണം സൃഷ്ടിക്കാനാണ് ചില ശക്തികൾ ശ്രമിച്ചത്. ഇതിനെ അത്യന്തം ​ഗൗരവമായിട്ടാണ് കാണേണ്ടനത്. സംസ്ഥാനത്ത് വർ​ഗീയ സംഘർഷം സൃഷ്ടിച്ച് രാഷ്ട്രീയ നേട്ടമുണ്ടാക്കാനാകുമോ എന്നുള്ള ചിലരുടെ ഉള്ളിലിരിപ്പാണ് ഇതിലൂടെ പുറത്തു വന്നത്. കേരളത്തിലെ എല്ലാ വിഭാ​ഗങ്ങളും വർ​ഗീയ ധ്രുവീകരണം സൃഷ്ടിക്കുന്ന നിലപാടുകളെ ഒറ്റക്കെട്ടായാണ് എതിർത്ത് നിലകൊണ്ടത്. ഭരണ പക്ഷവും പ്രതിപക്ഷവുമെല്ലാം ഇക്കാര്യത്തിൽ യോജിച്ച നിലപാട് സ്വീകരിച്ചു. കേരളത്തിന്റ മതനിരപേക്ഷ രാഷ്ട്രീയത്തിൻ്റെ കരുത്ത് ഒരിക്കൽ കൂടി വ്യക്തമാക്കുന്ന ഒന്നായിരുന്നു ഇത്. സംസ്ഥാനസർക്കാർ നടത്തിയ ഇടപെടൽ ഇക്കാര്യത്തിൽ ശ്ലാഘനീയമാണ്.…

കാസർകോട്: ബിജെപി ദേശീയ വക്താവ് അനിൽ ആന്റണിക്കെതിരെ കേസ്. മതവിദ്വേഷ പ്രചാരണം നടത്തിയതിനാണ് കേസ്. കാസർകോട് കുമ്പളയിൽ വിദ്യാർഥികൾ ബസ് തടഞ്ഞ ദൃശ്യങ്ങൾ വിദ്വേഷ പ്രചരണത്തിന് ഉപയോഗിച്ചുവെന്നാണ് ആരോപണം. കുമ്പളയിൽ ബസ് നിർത്താതെ പോയതിനെത്തുടർന്ന് കോളേജ് വിദ്യാർഥികൾ സ്റ്റോപ്പിൽ ബസ് തടഞ്ഞിരുന്നു. ഇതിനിടെ യാത്രക്കാരിയുമായി തർക്കമുണ്ടായതിനെ സംഘപരിവാർ അനുകൂല സാമൂ​ഹ്യ മാധ്യമ അക്കൗണ്ടുകൾ വിദ്വേഷ പ്രചരണത്തിന് ഉപയോ​ഗിക്കുകയായിരുന്നു. സ്‌റ്റോപ്പിൽ നിർത്താത്തതിന് ബസ് തടഞ്ഞ് പ്രതിഷേധിച്ച വിദ്യാർത്ഥിനികളുടെ വിഡിയോയാണ് വർഗീയ മാനത്തോടെ അനിൽ ആന്റണി സമൂഹമാധ്യമങ്ങളിൽ പങ്കുവച്ചത്. വടക്കൻ കേരളത്തിൽ ബുർഖ ധരിക്കാതെ ബസ് യാത്ര പറ്റില്ലെന്ന തരത്തിലായിരുന്നു അനിലിൻ്റെ കുറിപ്പ്. ഇന്ത്യ സഖ്യത്തിനെതിരെ വിമർശനത്തോടെയായിരുന്നു സമൂഹമാധ്യമങ്ങളിലെ കുറിപ്പ്. എന്നാൽ വീഡിയോയുടെ വസ്തുത പുറത്തുവന്നതോടെ അനിൽ ആന്റണി എയറിലായി. രൂക്ഷ വിമർശനമാണ് സമൂഹമാധ്യമങ്ങളിൽ അനിൽ ആന്റണിക്കെതിരെ ഉണ്ടായത്.

ന്യൂഡൽഹി:ഭരണകൂട പിന്തുണയുള്ള ഹാക്കർമാർ ഫോൺ ചോർത്താൻ ശ്രമിക്കുന്നുവെന്ന്‌ കാണിച്ച്‌ പ്രതിപക്ഷ നേതാക്കൾക്ക്‌ ആപ്പിളിൻ്റെ മുന്നറിയിപ്പ്‌. സീതാറാം യെച്ചൂരി, ശശി തരൂർ, മഹുവ മൊയ്‌ത്ര, അഖിലേഷ് യാദവ് തുടങ്ങിയ രാഷ്‌ട്രീയ നേതാക്കൾക്കും നാല്‌ മാധ്യമപ്രവർത്തകർക്കുമാണ്‌ ആപ്പിളിൻ്റെ മുന്നറിയിപ്പ്‌ സന്ദേശങ്ങൾ ലഭിച്ചത്‌. ഐഫോണും ഇ മെയിലും ചോർത്താൻ കേന്ദ്ര സർക്കാർ ശ്രമിക്കുന്നുവെന്ന്‌ പറഞ്ഞാണ്‌ ഇ മെയിലുകൾ വന്നിട്ടുള്ളത്‌. ആപ്പിളിൽ നിന്ന് ലഭിച്ച മുന്നറിയിപ്പ് സന്ദേശവും ഇ-മെയിലും മഹുവ മൊയ്‌ത്രയും പ്രിയങ്ക ചതുർവേദിയും പവൻ ഖേരയും എക്‌സിൽ പങ്കുവെച്ചു. സർക്കാർ പിന്തുണയോടെയുള്ള ഹാക്കർമാർ നിങ്ങളുടെ ഐഫോൺ ലക്ഷ്യമിടുന്നുവെന്നാണ് ആപ്പിൾ നൽകിയ മുന്നറിയിപ്പിൽ പറയുന്നത്. മുന്നറിയിപ്പ്‌ സന്ദേശം ലഭിച്ചവർ. 1. മഹുവ മൊയ്‌ത്ര (തൃണമൂൽ കോൺഗ്രസ് എംപി) 2. പ്രിയങ്ക ചതുർവേദി (ശിവസേന യുബിടി, എംപി) 3. രാഘവ് ചദ്ദ (എഎപി, എംപി) 4. ശശി തരൂർ (കോൺഗ്രസ്, എംപി) 5. അസദുദ്ദീൻ ഒവൈസി (എഐഎംഐഎം, എംപി) 6. സീതാറാം യെച്ചൂരി (സിപിഐ എം ജനറൽ സെക്രട്ടറി,…

മലയാളികളുടെ മഹോത്സവമായി മാറാൻ പോകുന്ന കേരളീയം 2023 ന് ബുധനാഴ്ച തുടക്കം. കേരളത്തിൻ്റെ തനിമയെന്തെന്ന് ലോകത്തിനു മുന്നിൽ ആത്മവിശ്വാസത്തോടെ അവതരിപ്പിക്കാനുള്ള അവസരമാണ് കേരളീയ ത്തിലൂടെ ഒരുക്കുന്നതെന്ന് മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചു. ജാതീയതയുടേയും ജന്മിത്വത്തിൻറേയും നുകങ്ങളിൽ നിന്നു മോചിപ്പിച്ച് മതേതരത്വത്തിൻറേയും ജനാധിപത്യത്തിൻറേയും വിളനിലമായി കേരളത്തെ എങ്ങിനെ മാറ്റിയെടുത്തെന്ന് ലോകം അറിയേണ്ടതുണ്ട്. മതവർഗീയതയ്ക്ക് ഈ നാട്ടിൽ ഇടമില്ല എന്നു അടിവരയിട്ടു പറയേണ്ടതുണ്ട്. സാഹോദര്യവും സ്നേഹവും പ്രസരിപ്പിക്കുന്ന കേരളത്തിൻറെ സംസ്കാരം ആഘോഷിക്കേണ്ടതുണ്ട്. അതിനുള്ള അവസരമാണ് കേരളീയം ഒരുക്കുന്നതെന്ന് മുഖ്യമന്ത്രി പറഞ്ഞു. നവംബർ ഒന്നിന് രാവിലെ 10 മണിക്ക് തിരുവനന്തപുരം സെൻട്രൽ സ്റ്റേഡിയത്തിലാണ് ഉദ്ഘാടനം. ഉദ്ഘാടന ചടങ്ങിൽ യു.എ.ഇ, ദക്ഷിണ കൊറിയ, നോർവേ, ക്യൂബ തുടങ്ങിയ രാജ്യങ്ങളിലെ നയതന്ത്ര പ്രതിനിധികൾ, ചലച്ചിത്ര താരങ്ങളായ കമലഹാസൻ, മമ്മൂട്ടി, മോഹൻലാൽ, ശോഭന, മഞ്ജു വാര്യർ, വ്യവസായപ്രമുഖരായ എം.എ. യൂസഫലി, രവി പിള്ള, ആരോഗ്യമേഖലയിലെ പ്രമുഖ വ്യക്തിത്വമായ ഡോ. എം.വി.പിള്ള എന്നിവരുൾപ്പെടെ വലിയൊരു നിര പങ്കെടുക്കും. കവടിയാർ…

കോടികളുടെ നിക്ഷേപത്തട്ടിപ്പിൽനിന്ന്‌ ഒഴിഞ്ഞുമാറാനുള്ള വി എസ്‌ ശിവകുമാറിൻ്റെ നീക്കം പൊളിയുമെന്ന്‌ പരാതിക്കാർ. സ്ഥാപനവുമായി ഒരു ബന്ധവുമില്ലെന്ന ശിവകുമാറിൻ്റെ വാദം തെറ്റാണെന്ന് വ്യക്തമായി. നിക്ഷേപം നടത്താൻ ആരോടും ആവശ്യപ്പെട്ടിട്ടില്ലെന്നും ശിവകുമാർ അവകാശപ്പെട്ടിരുന്നു. തട്ടിപ്പ്‌ നടന്ന തിരുവനന്തപുരം ഡിസ്‌ട്രിക്ട്‌ അൺ എംപ്ലോയീസ്‌ സോഷ്യൽ വെൽഫെയർ സഹകരണ സംഘത്തിലെ എ ക്ലാസ്‌ അംഗമാണ്‌ ശിവകുമാറെന്ന്‌ പരാതിക്കാർ പറയുന്നു. സംഘത്തിൻ്റെ വോട്ടർപട്ടികയിൽ ശിവകുമാറിൻ്റെ പേരുണ്ട്‌. ‘വി എസ്‌ ശിവകുമാർ, അപരാജിത, ഇടപ്പഴിഞ്ഞി, തിരുവനന്തപുരം’ എന്ന വിലാസമാണ്‌ വോട്ടർപട്ടികയിലുള്ളത്‌. പാർലമെന്റ്‌ അംഗമായിരുന്നപ്പോൾ താമസിച്ചിരുന്ന വീടിൻ്റെ വിലാസമാണിതെന്ന്‌ പരാതിക്കാർ പറയുന്നു. ശിവകുമാറിൻ്റെ സഹോദരിയുടെ മകൻ കെ പത്മകുമാറിൻ്റെ പേരും പട്ടികയിലുണ്ട്‌. ഇയാൾ ഈ സംഘത്തിലെ ജീവനക്കാരനായിരുന്നു. വോട്ടർപട്ടിക പുറത്തിറക്കാറുണ്ടെങ്കിലും തെരഞ്ഞെടുപ്പൊന്നും നടത്താറില്ലെന്ന്‌ നിക്ഷേപകർ പറയുന്നു. ഇഷ്ടക്കാരെയും ബന്ധുക്കളെയും ഭാരവാഹികളായി നിശ്ചയിക്കുകയാണ്‌ പതിവ്‌. 20 ലക്ഷം രൂപ നിക്ഷേപിച്ച ആൾ വരെ വോട്ടർപട്ടികയിൽ ഉൾപ്പെട്ടില്ല. സംഘത്തിൻ്റെ ശാന്തിവിള ശാഖയിൽനിന്ന്‌ രേഖകൾ കടത്താനുള്ള ശ്രമം നിക്ഷേപകരും നാട്ടുകാരും ചേർന്ന്‌ തടഞ്ഞിരുന്നു. 300 നിക്ഷേപകരിൽ…

കൊച്ചി: കേന്ദ്ര സഹമന്ത്രി രാജീവ് ചന്ദ്രശേഖറിനെതിരെ വിദ്വേഷ പ്രചാരണത്തിന് കേസെടുത്ത് കൊച്ചി പോലീസ്. കളമശേരി സ്‌ഫോടന കേസിൽ വർഗീയ പരാമർശം നടത്തിയെന്ന പരാതിയിലാണ് നടപടി. ഫേസ്ബുക്കിലൂടെയാണ് കേന്ദ്ര സഹമന്ത്രി വിദ്വേഷ പ്രചാരണം നടത്തിയത്. ഐപിസി 153 ( വിദ്വേഷം പ്രചരിപ്പിക്കുക), ഐപിസി 153 എ ( രണ്ടു വിഭാഗങ്ങൾ തമ്മിൽ ശത്രുത വർധിക്കുന്ന തരത്തിൽ പ്രവർത്തിക്കുക) എന്നീ വകുപ്പുകളാണ് ചുമത്തിയിട്ടുള്ളത്. നേരത്തെ രാജീവ് ചന്ദ്രശേഖറിനെതിരേ മുഖ്യമന്ത്രി പിണറായി വിജയൻ രംഗത്തെത്തിയിരുന്നു.

കൊച്ചി: കളമശേരി സ്ഫോടനവുമായി ബന്ധപ്പെട്ട് കേന്ദ്ര മന്ത്രി രാജീവ് ചന്ദ്രശേഖർ പറയുന്നത് വിടുവായത്തമാണെന്നും രാജ്യത്തിൻ്റെ ഒരു മന്ത്രി ഇങ്ങനെയാണോ ഇത്തരം വിഷയങ്ങളിൽ പ്രതികരിക്കേണ്ടതെന്നും മുഖ്യമന്ത്രി പിണറായി വിജയൻ. രാജീവ് ചന്ദ്രശേഖർ ചീറ്റുന്നത് വെറും വിഷമല്ല. കൊടുംവിഷമാണെന്നും മുഖ്യമന്ത്രി ചോദ്യത്തിന് മറുപടിയായി പറഞ്ഞു. കളമശ്ശേരിയിലെ സ്ഫോടനസ്ഥലവും പരിക്കേറ്റ് ആശുപത്രിയിൽ ചികിത്സയിൽ കഴിയുന്നവരേയും സന്ദർശിച്ച ശേഷം മാധ്യമപ്രവർത്തകരോട് സംസാരിക്കുകയായിരുന്നു മുഖ്യമന്ത്രി. കേരളത്തിൻ്റെ മതനിരപേക്ഷതയും സൗഹാർദവും തനിമയും തകർക്കുവാനാണ് രാജീവ് ചന്ദ്രശേഖർ ശ്രമിച്ചത്. രാജ്യത്തെ അന്വേഷണ ഏജൻസികളിൽ അദ്ദേഹത്തിന് വിശ്വാസമില്ലേ. മികച്ച രീതിയിലാണ് അന്വേഷണം നടക്കുന്നത്. കേന്ദ്ര ഏജൻസികളും പിന്തുണയായുണ്ട്. അവരെയൊന്നും വിശ്വാസത്തിലെടുക്കാത്ത വിധമാണ് രാജീവ് ചന്ദ്രശേഖറിൻ്റെ പ്രതികരണം. ‘‘ഇന്നലെ സംഭവമറിഞ്ഞയുടനെ കേന്ദ്ര ആഭ്യന്തരമന്ത്രി വിളിച്ചിരുന്നു. അദ്ദേഹത്തെ വിഷയം ധരിപ്പിക്കുകയും പ്രത്യേക സഹായങ്ങൾ വേണമെങ്കിൽ ആവശ്യപ്പെടാം എന്ന് അറിയിക്കുകയും ചെയ്തു. അതാണ് രീതി. എന്നാൽ ഇതൊന്നും മനസിലാക്കാതെ ഒരു വിഭാഗത്തെ താറടിക്കാൻ ലക്ഷ്യം വെച്ചുള്ളതായിരുന്നു രാജീവ് ചന്ദ്രശേഖറിൻ്റെ പ്രസ്താവന. അദ്ദേഹത്തിനൊപ്പം കുറച്ചു കൂട്ടാളികളും അതേറ്റുപിടിച്ചു. കേരളത്തിൻ്റെ…

കൊച്ചി: കളമശ്ശേരി സംഭവത്തിൻ്റെ പശ്ചാത്തലത്തിൽ കേരളത്തിനെതിരെ വർഗീയ വിദ്വേഷ പ്രചാരണം അഴിച്ചു വിട്ട കേന്ദ്ര മന്ത്രി രാജീവ് ചന്ദ്രശേഖർ കേരള ജനതയോട് മാപ്പു പറയുമോയെന്ന് മന്ത്രി എം ബി രാജേഷ്. മലയാളിയും കർണാടകത്തിൽ നിന്നുള്ള കേന്ദ്രമന്ത്രിയുമായ രാജീവ് ചന്ദ്രശേഖർ തിങ്കളാഴ്ച നടത്തിയ വിശദീകരണത്തിനു ശേഷവും, ചോദിക്കാനുള്ള ചോദ്യം ഇതാണെന്ന് രാജേഷ് ഫെയ്സ് ബുക്കിൽ കുറിച്ചു. സ്ഫോടനം നടന്ന് മിനുട്ടുകൾക്കുള്ളിൽ കേരളത്തിനെതിരായ വിദ്വേഷ പ്രചാരണത്തിന് മന്ത്രി രാജീവ് ചന്ദ്രശേഖർ നേതൃത്വം നൽകിയെന്ന് രാജേഷ് ചൂണ്ടിക്കാട്ടി. ഫെയ്സ് ബുക്ക് കുറിപ്പ്: “ഇന്നലെ എന്തൊരു ദിവസമായിരുന്നു…… രാവിലെ കൊച്ചിക്കടുത്ത് കളമശ്ശേരിയിൽ ഒരു ബോംബ് സ്ഫോടനം നടന്നുവെന്ന ഞെട്ടിക്കുന്ന വാർത്തയാണ് രാവിലെ കേട്ടത്. കുറഞ്ഞ നിമിഷങ്ങൾ കൊണ്ട് സംസ്ഥാനമാകെ പരിഭ്രാന്തിയിൽ മുങ്ങി. ഉടൻതന്നെ ബഹു. മുഖ്യമന്ത്രി നടത്തിയ പ്രസ്താവന ജനങ്ങൾക്ക് ആശ്വാസവും ധൈര്യവും നൽകി. കുറ്റവാളികൾ ആരായാലും അവരെ നിയമത്തിനു മുന്നിലെത്തിക്കുമെന്നും കർശനമായ നടപടികൾ ഉണ്ടാകുമെന്നും മുഖ്യമന്ത്രി ജനങ്ങൾക്ക് ഉറപ്പു നൽകി. ഡി ജി പിയുടെ നേതൃത്വത്തിലുള്ള…

കൊച്ചി: എറണാകുളം ക‍ളമശ്ശേരിയിൽ സ്ഫോടനത്തിൽ പരുക്കേറ്റവരെ മുഖ്യമന്ത്രി പിണറായി വിജയൻ മെഡിക്കൾ കോളേജിലെത്തി സന്ദർശിച്ചു. സ്ഫോടനം നടന്ന കളമശ്ശേരി സമ്ര കൺവെൻഷൻ സെന്റർ സന്ദർശിച്ച ശേഷമാണ് അദ്ദേഹം മെഡിക്കൽ കോളേജിൽ എത്തിയത്. മരിച്ച കുമാരിയുടെയും ലിയോണ പൗലോസിൻ്റെയും ബന്ധുക്കളെയും അദ്ദേഹം സന്ദർശിച്ചു. ചികിത്സയിൽ കഴിയുന്നവർക്ക് അവർക്കാവശ്യമായ സൗകര്യങ്ങൾ ഉറപ്പു വരുത്തുന്നതിനും മുഖ്യമന്ത്രി നിർദേശം നൽകി. അന്വേഷണം കുറ്റമറ്റ രീതിയിൽ മുന്നോട്ടു നീങ്ങുകയാണെന്നും അപകടകരമായ പ്രചരണങ്ങളും അനാവശ്യമായ വിവാദങ്ങളും ഒഴിവാക്കി സംയമനത്തോടെ ഈ സാഹചര്യത്തെ നേരിടാൻ മുഖ്യമന്ത്രി അഭ്യർത്ഥിച്ചു.